Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна


Сәяхәт кылган журналистны читлектән чыгып күккә күтәрелгән кош белән чагыштырасы килә. Тарлыктан котылган кош очсыз-кырыйсыз киңлекләргә хәйран калып ничек очып туя алмаса, журналист та каршысында ачылган яңа дөньяга гаҗәпләнү катыш соклану белән бага. Шушы яңа мохитнең эченә үтәсе, аның серенә төшенәсе, күбрәк беләсе, шуны укучыларына җиткерәсе килә аның. Һәр сәяхәттән карашлары киңәеп, рухи баеп, акыл туплап кайта журналист. Ә инде үз тиңнәре – башка төбәкләрдә яшәп иҗат иткән каләмдәшләре белән очрашып фикер алышу – аның өчен бәяләп бетергесез хәзинә. Менә ни өчен журналистның йөрәгендә иярләнгән ат ята булыр. Шушы тойгыны мин Сочида узачак “Заман” журналистикасының “Бөтенрусия-2018” форумы”на чакыру алгач янә бер кичердем. Хәер, юлдашларым –республика һәм район басмалары баш мөхәррирләреннән оешкан зур булмаган төркемебездән һәркайсыбызның күңелендә дөрләгәндер шундый хисләр...