Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Авыр атлетиканың поуэрлифтинг дип исемләнгән төре дә бар. Аның буенча инде күптән дөнья чемпионатлары уздырыла. Әлеге бәйгеләр вакытында спортчы өч күнекмә буенча үзенең көчен күрсәтергә тиеш. Беренчесе – штанга күтәргән килеш чүгәләп яңадан басу, икенчесе – яткан килеш штанганы этәрү һәм өченчесе – махсус җайланмага беркетелгән авыр йөкне күтәрү.

1 октябрьдә уздырылган поуэрлифтинг дөнья чемпионатында якташыбыз 23 яшьлек Булат Зарипов өч күнекмәдә 807,5 килограмм авырлык күтәреп ике тапкыр дөнья чемпионы булды. Бу чемпионатка кадәр Булат Башкортстанның абсолют чемпионы исемен йөртә иде. Ул Русиянең бодибилдинг буенча уздырылган чемпионатында алтын һәм шул ук спорт төрендә Европа беренчелегенең бронза медале иясе дә. Яшь, өметле спортчыбызга алдагы көндә дә уңышлар телибез.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Футбол буенча Русия җыелма командасының баш тренеры Станислав Черчесов ил командасының капкачысы Игорь Акинфеевның халыкара ярышларда башкача чыгыш ясамаячагы хакында хәбәр итте. Моны 32 яшьлек капкачы үзе сәламәтлек аркасында дип аңлатты.

– Мин инде 15 ел дәвамында ил җыелмасы өчен чыгыш ясыйм. Хәзер яшьләргә урын бирер вакыт җиткәндер дип уйлыйм. Чөнки сәламәтлек буенча да һәм, гомумән, 32 яшьтә инде ил җыелмасында да, клубта да берьюлы эшләп булмый.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Республиканың Яшьләр сәя-сәте һәм спорт министрлыгы җитәкчесе Андрей Иванюта Дәүләт җыелышы-Корылтай депутаты итеп сайланды. Яңа министр итеп соңгы 4 елда Андрей Иванютаның урын-басары булып эшләгән Руслан Хәбибов билгеләнде. 

Яңа җитәкче 1974 нче елның 3 маенда Самара шәһәрендә туган. Пермь авиация-техник хәрби югары уку йортын тәмамлаган. Соңынан Башкорт дәүләт университетында “социаль хезмәт” һөнәре буенча белем ала. 1999-2002 нче елларда Республика Яшьләр комитетында эшли. 2002–2005 нче елларда Уфа шәһәре хакимиятенең физкультура һәм спорт комитеты рәисе урынбасары. 2005–2009 нче елларда –Уфа шәһәренең 157 нче санлы гомум белем бирү мәктәбе директоры вазифасын башкара. 2013–2014 елларда – Башкортстан мәгариф министры урынбасары, ә 2014–2018 елларда республиканың яшьләр сәясәте һәм спорт министры урынбасары булып эшли.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Республикабызда сәламәт яшәү рәвешен, спорт белән дуслыкны пропагандалаучы, шушы юнәлештә күркәм чаралар үткәрүгә көч салучы билгеле шәхесләрнең булуы сөендерә. Шуларның берсе – Башкортстанның һәм Татарстанның халык артисты Айдар Галимов. Яраткан җырчыбыз, сәнгать кешесе булса да, менә унынчы ел инде футбол яратучы үсмерләр арасында мини-турнирлар оештыра. Әлегә кадәр, 9 ел дәвамында, футбол ярышлары җырчының туган авылы Миякә районының Олы Кәркәле авылында үтте. Ә быел 23 сентябрьдә командалар 10нчы турнирга Стәрлетамак шәһәренең “Содовик” стадионына җыелды. Үсмер футболчылар, оештыручылар, җирле халык өчен зур бәйрәм булды бу!

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Кыргызстанның Чулпан-Ата шәһәре янында 2 - 8 сентябрьдә узган Бөтендөнья күчмә халыклары уеннарында Башкортстан спортчылары да катнаша

Әлеге зур бәйгеләрдә катнашыр өчен 66 илдән 1,5 мең спортчы җыелды. Шулар арасында Русиянең
11 төбәгенннән дә иң көчлеләр катнаша. Безнең республикадан 36 спортчы Русия җыелмасына сайлап алынды. Алар милли спортның 11 төре буенча көч сынаша. “Акбузат” ипподромында шушы дөньякүләм уеннарга сайлап алу ярышлары үтте. Халкыбыз бу спорт һәм мәдәни чараны карарга зур кызыксыну белән җыелган иде.