Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

Германиянең Оберстдорф шәһәрендә фигуралы шуу буенча “Челленджер” халыкара турнирының 2018-2019 ел сезонында беренче бәйгесе булып узды.

Әлеге ярышларда Олимпия чемпионы Алинә Заһитова иң яхшы күрсәткечләр белән, өч дөнья рекорды куеп абсолют чемпион исемен яулады. Икенче урында – Япония спортчысы Маи Миахара, өченчедә Белгиядән Луна Хендрикс. Алинәнең агымдагы елда бу өченче зур җиңүе. 2018 елның гыйнварында Алинә Европа чемпионатында алтын медаль яулаган иде. Көньяк Кореядагы Кышкы олимпия уеннары аңа тагын да зуррак танылу китерде. Башта ул команда беренчелегендә көмеш, ә 23 ферваль көнне шәхси беренчелектә алтын медаль яулады. Март аенда узган дөнья беренчелегендә Алинә уңышсыз чыгыш ясагач, “Олимпия уңышы очраклы гына булган” диючеләр дә табылды. Әмма тырыш, чәмле милләттәшебез бирешергә уйламады һәм Германиядә үзенең көчен һәм сәләтен тагын бер кат исбатлады. Афәрин, Алинә!