Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Балалары озак булмый торгач, ир белән хатын, үзләрен ялгыз тоймас өчен овчарка көчеген сатып ала. Алар этләрен уллары урынына күреп яраталар. Көчек үсеп, бик матур эткә әверелә. Һәм күп тапкырлар хуҗаларының мал-мөлкәтен бурлардан саклап кала. Ул гаять тугры һәм ышанычлы була.

Этне алып, җиде ел вакыт үткәннән соң гаиләдә, ниһаять, озак көтеп алынган бала туа. Ир һәм хатын үзләренең бәхетенә үзләре ышанып бетә алмый. Алар бөтен буш вакытларын балаларына багышлыйлар, эткә исә тамчы да игътибар калмый. Бахыр хайван, үзен беркемгә дә кирәкмәгән җан итеп тоеп, хуҗаларын баладан көнләшә.
Көннәрдән бер көнне әти-әни йоклаган улларын йортта калдырып, үзләре ишек алдындагы эшләр белән мәшгуль була. Аннан, баланың хәлен белик әле дип өйгә кереп барганда, сабыйның бүлмәсеннән этләренең чыгып килгәнен күрәләр. Эт үзе бик канәгать, үзе койрыгын болгый-болгый хуҗаларына табан килә, ә авыз тирәсе канга баткан була. Әти кеше, гадәттәгечә, иң начарын уйлап, стенада эленеп торган мылтыгын тиз генә алып, эткә төбәп ата. Шуннан алар икәүләп бала янына ташлана. Керсәләр, бала үз урынында рәхәтләнеп, изрәп йоклап ята. Ә бишек янында гына кот очкыч зур, башы өзелгән еланны күрәләр.
Хуҗалар бу хәлдән һушсыз кала. Шуннан гына ир үзләренең иң тугры дусларын үтерүен аңлый.
Әйе, чынлап та, без еш кына дусларыбызда ялгышабыз. Шуңа күрә бервакытта да нәтиҗәне ашыгып ясамыйк, җиде кат үлчәп, бер тапкыр кисик.

Рейтинг:  5 / 5

Звезда активнаЗвезда активнаЗвезда активнаЗвезда активнаЗвезда активна

Шул очракта ул сезгә гомер буе хезмәт итәр

Борын-борыннан килгән сүзләр бар: “Әгәр аякларыгыз авырта икән, сез – тулысынча чирле кеше”. Мондый раслау дөрестер дә, чөнки аяк табаннары кеше гәүдәсенең ”фундаменты” булып тора. Шул ук вакытта җир йөзендә яшәүче халыкның 80 проценты таяныч-хәрәкәтләнү аппараты авыруларыннан иза чигә. Адәм баласының әлеге “йомшак” тән әгъзасының проблемалары белән бүген подиатрия фәне шөгыльләнә.
Табаннар чирләре өлкән яшьтәгеләрне генә түгел, балаларны да борчый. Шушылар хакында сөйләшүгә без бүген Уфаның 3нче санлы балалар поликлиникасының югары категорияле табибы, травматолог-ортопеды Рәзиф Хаҗип улы Хәкимовны чакырдык.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Җәй рәхәт чор, ләкин күпләр өчен ул шактый гына борчулар белән яный. Кемнәрдер җәйге парк кафесында ял итеп, тамак ялгап алганнан соң дәваханәгә эләгә, кемнедер эссе “суга”, кемдер кызуга чыдый алмый, йөрәге кага башлый һәм ул “ашыгыч ярдәм” хезмәтен чакырырга мәҗбүр була һ.б.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Юкәләр быел татлы-баллы сары керфекләрен соңлап кына ачтылар. Бу шифалы үләнне ничек тә булса җыеп калырга кирәк.

Юкә чәчәкләрендә эфир мае, гесперидин һәм тилицианин гликозидлары, сапониннар, каротин, аскорбин кислотасы, дуплау матдәләре, фарнезол бар.
Юкә чәчәге салкын тиюдән дәвалану өчен кулланыла, ул тирләтә һәм температураны төшерә торган дару буларак, гастритлардан, ангина һәм стоматит белән авырганда авыз һәм тамакны чайкау өчен файдаланыла. Юкә чәчәген һәм кура җиләген тигез күләмдә алып тирләткеч җыелма ясыйлар. Пешерелгән чәчәкләреннән әзерләнгән сыек ботканы эч йомшарткыч дару итеп, парландыргыч чара буларак кулланалар.
Төнәтмә ясау өчен 1 аш кашыгы коры чәчәккә 1 стакан су салалар, 20-30 минут төнәтәләр. Көнгә 2-3 стакан эчәләр (төнгә каршы файдалырак). Яфрак кайнатмасын әзерләү өчен 2 аш кашыгы чималны 1 стакан суда 10 минут кайнаталар. Кайнатманы сөзәләр, шул ук көнне эчеп бетерәләр.
Юкә чәчәген коры көннәрдә чәчәкләр ачылганчы җыялар һәм 40-50 градустан югары булмаган температурада киптерәләр. Чәчәкләрне кояшта киптерергә ярамый, чөнки алар төсен һәм шифалы үзлеген югалта.
Халык юкә чәен яратып кабул итә. Чәй нервларны тынычландыра, югары кан басымыннан интегүчеләргә ярдәм итә. Шул ук вакытта, юкә чәчкәсеннән ясалган чәй кан тамырларын киңәйтә һәм чистарта. Йөрәк авыруыннан интегүчеләргә дә аның файдасы күп.
Нервларны тынычландыру өчен юкә чәчкәсеннән ванна керү дә нәтиҗәле. Моның өчен йоклар алдыннан бер үк күләмдә тукранбаш (клевер) һәм юкә чәчкәсен алалар. Ваннада балаларны коендыру да файдалы.
Юкә чәчкәсе төнәтмәсен косметологиядә дә киң кулланалар. Тән тиресе артык коры булганда, төрле тән авыруларыннан төнәтмә ясап, юыналар. Шулай ук тән тиресе пешкәндә дә юкә чәчәге ярдәм итә ала.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Кипрей – (Иван – чай) чәчәк атты. Ул уйдык-уйдык булып утырган һәм кыр- яланнарга үзгә бер матурлык биреп, карашны иркәләп, ымсындырып тора.
Бу күренешләр урманга, болынга чыгып, ел буена җитәрлек итеп искиткеч тәмле, хуш исле чәйне җыярга вакыт җитүе турында искәртә. Яңа үләннән әзерләп куйган чәйне эчеп туяр хәл юк, бик тәмле һәм шифалы бит ул.