Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Биткә кан йөгерә: әле эссе, әле салкын булып китә. Мондый вакытта кан басымы күтәрелергә дә мөмкин.
Тахикардия башлана;
Йокысызлык җәфалый яки киресенчә, бертуктаусыз йоклыйсы килә;
Баш авырта, баш әйләнә;
Бер билгеле яшькә җиткән хатын-кызларда шушы билгеләр барлыкка килсә, бел дә тор, менопауза чоры килеп җиткән. Моның белән бәйле үзгәрешләр бу билгеләр белән генә бетсә икән?!. Һәр хатын-кызда 45-50 яшьтә менопауза башлана икән, бу аның организмы өчен табигый хәл санала. Ләкин аның бик иртә – әйтик, 30 яшьтә башлану очрагы да булырга мөмкин. Нилектән шулай була ул? Организмны мондый үзгәрешләргә нинди сәбәпләр этәрә? Хатын-кыз өчен ни дәрәҗәдә куркыныч бу халәт? Һәм иң мөһиме: нәрсә эшләргә мондый очракта?

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Бүгенге заманның иң җитди проблемаларыннан берсе – инсульт авыруы. Статистика мәгълүматлары аяусыз: 55 яшьтән узган һәр биш кешенең берсе диярлек инсульт кичерә. Баш миенә кан сауган кешеләрнең яртысы диярлек вафат була, исән калганнарының да бик азы гына тулы канлы тормышка кайта, аларның күбесе инвалид булып кала. Күпләр юкка гына инсультны хөкем карары итеп кабул итми шул.
Адәм балаларының әлеге мәкерле авыруга булган карашы аптырарлык. Чөнки алар әллә нинди булмаган чирләрне искәртү белән мәш киләләр, ә һәр кешегә зур куркыныч белән янаган инсультка исә күз йомалар... Мөгаен, күпләр бу проблема безне урап үтәр дип ышана торгандыр. Яхшыга өметләнү әйбәт нәрсә, әлбәттә, ләкин ул ышанычлы гамәлләр, искәртү чаралары белән ныгытылса, тагын да яхшырак булачак...
29 октябрь – Бөтендөнья инсультка каршы көрәш көне буларак билгеләп үтелде. Шушы уңайдан “Башинформ” агентлыгында бер төркем исемнәре киң җәмәгатьчелеккә билгеле табиблар журналистлар белән очрашты һәм инсульт авыруының билгеләре, аны дәвалау һәм искәртү ысуллары турында сөйләде.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Хатын-кызларның һәрчак чибәр, башкаларның һушын алырлык тәрбияле булып күренәсе килә. Моның өчен бүген мөмкинлекләр бар кебек: кибетләр тулы төрле матур савытларга салынган кремнар, бизәнгечләрнең ниндиен телисең – рәхим ит! Ә спа, бьюти салоннар белән дөнья тулган. Җитмәсә, бүген безгә яшь калу, үзеңне җәмгыятьтә иркен тоту өчен битләрдәге-күзләр тирәсендәге җыерчыклардан арындыра торган косметологик операцияләр ясату кирәклеге турында адым саен тукып торалар. Монсыз – дөнья бармый хәзер, янәсе.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Кызыл чөгендер – бар дөньяда исеме билгеле яшелчә. Аның турындагы язулар әле безнең эрага кадәр барлыкка килгән. Беребез дә бүгенге туклануыбызны чөгендерле борщ, “шуба” салаты һ.б. башка күз алдына да китерә алмый.

Чөгендерне борын-борыннан бик күп төрле чирләргә каршы кулланганнар. Ләкин, файдалы матдәләргә никадәр генә бай булмасын, ул да организм өчен хәвеф тудырырга мөмкин икән. “Бу дөньяда берни дә идеаль түгел” диләр, дөрестер... Менә чөгендер дә шуның кебек күп чирләргә каршы көрәшә генә түгел, ә сәламәтлеккә зыян салырга да мөмкин икән.
Бу хакта Борынгы Рим чорында ук белгәннәр һәм андагы табиблар чөгендернең төрле эч авыртуларга, эчәкләрдә газ барлыкка китерергә мөмкинлеге турында искәрткәннәр. Моннан котылу өчен алар бу яшелчәне ике тапкыр пешерергә тәкъдим иткән.
Безнең чор табиблары әйтүенчә, кызыл чөгендер составында күп микъдарда оксалат бар. Әгәр яшелчәне артыграк куллансаң, подагра чире башлануны яки бөерләрдә таш барлыкка килүен көт тә тор! Моннан тыш алар чөгендерне ашказаны җәрәхәте яки гастрит вакытында кулланырга киңәш итми. Шулай ук аны еш куллану организмда металлар туплануга булышлык итә икән.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Әллә кайда түгел, өй артында бакчада пешеп алланган алмаларның никадәрле файдасы барлыгын белеп бетерсәк, аларның коелганы да җирдә түгел, түрдә булыр иде. Шулай шул, никадәрле җиңелрәк табыла, шулкадәр кадерсез булып чыга күп нәрсә. Алмага да без “алма” гына бит дип карыйбыз, түгелме?