Русия Хөкүмәте ил икътисадын  доллардан баш тарттыру өчен проект әзерли, дип хәбәр итә РБК “The Bell” басмасына сылтанып.  1-2 атнадан планны ил Хөкүмәте Премьер-министры Д.Медведев расларга тиеш. Хөкүмәт әзерләгән проектта ниндидер чикләү яки тыю чаралары турында сүз бармый, долларда исәпләшүгә тыю булмый.

Игътибар милли валюталарда исәпләшү өчен мөмкинлекләр булдыруга юнәлтелгән.

Хөкүмәт күз уңында тоткан төп максат – Русиянең зур сәүдә партнерлары белән исәпне – Кытай һәм Европа илләре белән – юань һәм еврога, Евразия икътисади союзы илләре белән – сумга күчерү. Моның өчен бизнеска артык чыгымнарсыз теләгән валютада исәпләшү мөмкинлеге биргән уңайлы механизмнар булдыру таләп ителә.