Владивостоктан ерак түгел генә Уссурия култыгында төрле-төсле пыялачыклар белән капланган искитмәле матур бухта бар. 15-20 ел элек бу урында гади пляж булган, аңардан 1 км ераклыкта чүплек урнашкан.

Шул чүплек бу гүзәл күренешкә сәбәпче булган да инде. Еллар үтү белән дулкыннар, пыяла кисәкләрен шомартып, аларны төрле төстәге меңәрләгән шома пыяла кисәкләренә әйләндергән.

Ямьле көндә бухта аеруча матур күренә, пыяла кисәкләре, кояшта ялтырап, төрле төсләрдә чагыла һәм кечкенә утлар януын хәтерләтә.