Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

 

 

Ярты ел эчендә республикада 23,2 мең сабый туган. Шушы ук чорда 26 меңгә якын кеше якты дөнья белән хушлашкан. Төбәктә халыкның табигый кимүе 2816 кеше тәшкил итте, дип хәбәр итә Башкортстанстат. Былтыр үлүчеләр саны туучыларга караганда күбрәк иде, әмма аерма азрак – 1720 кеше – булган.

Уфада хәлләр берникадәр яхшырак. Табигый артым саклана, ләкин ул былтыргыга караганда (902 кеше) өч тапкыр диярлек азрак – 365 кеше.

Республикада барлыгы 4,06 млн кеше яши, шуларның 53,1% - хатын-кызлар.

Кызганычка каршы, статистика демография буенча күңелсез саннар гына китерә. Росстат фаразлавынча, Русия халкы кыскарачак. Миграция агымы гына бу мәсьәләне бераз яхшыртырга мөмкин. Миграцион хәрәкәтнең “плюс” белән булуы көтелә.

Илебез халкының табигый кимүе шактый тизләнер дип көтелә. Статистиклар фикеренчә, 2036 елга Русиядә 136,7 млн кеше калырга мөмкин. 2018 елга исә бу фараз 146,8 млн кеше тәкшил итә. Шул вакыт эчендә табигый кимү 12 млн.га якын булмакчы. 1,9 млн мигрант проблеманы бераз хәл итәргә тиеш.