РЕН ТВ каналы бу хәлнең ничек булганы хакында сөйләде.

Тикшерү комитеты хәбәр иткәнчә, фаҗига Анапа шәһәре янындагы Супсех авылында була. Үтерүче - 53 яшьлек ир. Ул 60 яшьлек күршесен һәм аның 30 яшьлек улын атып үтергән. Алар ут күршеләр булып яшәгән. 

Кулга алынган ир сөйләвенчә, 3 февраль көнне күршеләре музыка акырткан. Аңа бу ошамый һәм бу хакта ул күршеләренә әйтә. 60 яшьлек ир, улын ияртеп, кулына чүкеч алып, "сөйләшергә" килә. Тынычлык яратучы күршеләрен урамга чыгарга чакыралар. Ул ау мылтыгы ала һәм гаилә башлыгының башына ата. Ул шунда ук үлә. Улы ташлангач, ул аның эченә ата. 30 яшьлек ир дә шунда ук үлә.

Бу хәл булганнан соң ир полиция һәм ашыгыч ярдәм чакыра. "Үтерү" маддәсе буенча җинаять эше ачылган.

Интертат.