Ленинград өлкәсенең Киров районында мәктәптә укучы кыз балалар бер йортка ут төртә. Бу йорт төзелеп бетмәгән була. Өч кыз шунда кереп, мичкә ут ягалар. Алар чит кеше йортында янгын ясап, аны интернетта социаль челтәрдә трансляцияләп торалар. Әлеге вакыйганы Тикшерү комитеты вәкилләре тикшерә. Бу турыда "Санкт-Петербург" телеканалы хәбәр итте.

Вакыйга 6 апрельдә кичке якта өлкәнең Киров районында Турышкино авылында була. Новая урамындагы 24 квадрат метр мәйданлы йорт янып бетә.

Видео кадрларында кызларның әле төзелеп бетмәгән мичтә учак ягуы күренә. Ялкын мичтән чыгып, бүлмәгә тарала, агач әйберләргә ут каба. Ут агач идәнгә капкач та кызлар ни эшләгәннәрен аңлап бетерми, йорт буйлап йөрүләрен дәвам итәләр. Янгын бөтен йортны чолгап алгач, өйдән чыгып китәләр. Урамнан торып, янгынны видеога төшерәләр һәм интернетта күрсәтеп торалар.
 
Видеоны төшерүче кыз комментарийлар биреп бара, сүгенә. 
 
Йорт хуҗасы Петербургта яши. Ул элек тикшерүче булып эшләгән. Ул бу йортын 2011 елдан бирле сала. Соңгы вакытта хуҗа хатын йортка сирәк килгән. Ул булмаганда, хуҗалыкны күршеләре карап торган. 
 
РЕН ТВ каналы хәбәр иткәнчә, ут төртүче кызларның исемнәрен дә ачыклаганнар. "Бу - Кировск шәһәрендә яшәүче Анастасия белән Анжелика. Алар бу көнне әти-әниләре белән дачага килә. Туганнары балаларның нишләп йөргәнен белмәве дә ихтимал. Әби кеше кызларының янгын ясавын хәбәрчеләрдән генә белгән. Ә кызларның танышлары һәм дуслары исә вакыйга турында күптән белгән. Алар кызлар нәкъ менә лайклар өчен йортка ут төрткән дип саный", диелгән әлеге хәбәрдә. 

Кызларны сукбай ир-ат танып ала. Аны сүзләренчә, нәкъ менә шушы кызлар ике ел элек аның торагын да яндырган булган. Бу янгында сукбай үзе дә шактый имгәнгән.    
 
Әлеге очракны Ленинград өлкәсе буенча балалар омбудсмены Тамара Литвинова да тикшерә. Ул балаларның әти-әниләре белән аралашкан. Әти-әниләр янгыннан килгән матди зыянны түләргә әзер. Бу сумма якынча миллион сум тәшкил итә, дип хәбәр итте "Вести" каналы.
 

Интертат. Фото ачык чыганактан алынды. 

"Беренче канал"да сәламәтлек турында тапшыру алып баручысы Елена Малышева социаль челтәрләрдә кызыклы пост куйган. Ул секс "искиткеч, гаҗәеп" булсын өчен ун күнегү тәкъдим итә.

Ул әлеге постны сториста да уртаклашырга чакыра. 

Инстачылар исә бу язманы рәхәтләнеп чәйнәгән. Күнегүләрне катлаулы дип бәяләгәннәр. Волочкованың шпагатын да искә төшергәннәр.

"Интертат". 

Чувашиядә яшәүче 55 яшьлек бер ир кеше үзен шактый күптән начар хис итүнә карамастан, табибларга күренергә ашыкмаган. Чыдар әмәле калмагач, аны дәваханәгә салганнар һәм бик куркыныч диагноз куйганнар. Пациентның телендә яман шеш авыруы табылган. Авыру инде дүртенче стадиягә җиткән булган. Республика онкодиспансерында авыруның телен кисеп алудан кала әмәл таба алмаганнар. Ләкин савыкканнан соң да пациент сөйләшә алсын өчен, табиблар уникаль операция уздырган. Пациентның үз муен мускулын алып теле урынына тегеп куйганнар һәм пластик операция ясаганнар. Операция берничә сәгать дәвам иткән һәм уңышлы тәмамланган.   - Шеш телне тулысы белән басып алган булган, муендагы лимфа бизләренә дә метастазалар киткән иде, - дип сөйләгән бүлек мөдире Сергей Алексеев.   Хәзер пациентка нур терапиясе узарга һәм яңадан сөйләшә, мөстәкыйль рәвештә туклана алсын өчен бик озак реабилитация узарга туры киләчәк. 

Матбугат.ру

Воронеж өлкәсендә пенсия фонды бүлекчәсендә эшләгән хезмәткәр ике елга якын үзенең әтисенә ай саен 150 мең сум пенсия күчереп барган. Аның бу законсыз гамәлләреннән 3,5 млн. сум зыян күрелгән.

Җинаять эше ачылгач 55 яшьлек ханым үзенең законсыз гамәлен таныган һәм зыянны кире кайтарган. Әмма аңа суд каршында җавап бирергә туры киләчәк: мондый җинаять өчен законда 10 елга иректән мәхрүм итү каралган. 

Э.Әсәдуллина. 
Фото ачык чыганактан алынды. 

2018 елның апрель аенда Түбән Новгород шәһәрендә кылынган җинаять бөтен илне шаулаткан иде. Елена Кәримова автомобилендә ике баласын буып  үтереп, азактан җинаятен яшерергә теләп, аларны ташландык бер яшелчә саклау складына алып барып ут төртә.

Хатынкай башта җинаять кылуын таный, аннан ике әзербайҗан үтерде дип күрсәтмә бирә башлаган. Әмма аның бу күрсәтмәләрен бик күп дәлилләр белән кире какканнар. Видеоязмалар күрсәтүенчә, хатын балалары белән машинада үзе генә була.

Ана кеше балаларыма лаеклы тәрбия бирергә акчам булмаганга аларны үтерергә булдым, дип аңлата үзенең бу вәхшилеген. Ул, шуңа карамастан, ай саен 40 мең сумга автомобиль арендалаган.

Кәримованы суд гаепле дип тапты һәм 19 елга ирегеннән мәхрүм итте.

Э.Әсәдуллина. 

 Фото ачык чыганактан алынды.