Снять квартиру посуточно. Быстро снять посуточно квартиру в казани. Снять однокомнатную квартиру посуточно. Помощь в получении ипотеки. Удобное получение ипотеки в сбербанке. Что нужно для получения ипотеки. Отопление частного дома. Как сделать отопление частный дом схема. Частный дом монтаж отопления. Восстановление жесткого диска. Быстрое восстановление информации с жесткого диска. Восстановление данных жесткого диска программа. Кредит с плохой историей. Быстрые кредиты онлайн с плохой историей. Срочный кредит с плохой историей. В какой сервер играть в WOW. Топ world of warcraft серверы. Wow серверы pandaria. Круглопалочный станок чертежи. Круглопалочный станок купить дешево. Самодельный круглопалочный станок. Кредит на покупку квартиры. На долго взять кредит на квартиру. Кредит на покупку квартиры.

 

 

Виртуоз музыкант – Уфада

Музыка сәнгатен сөючеләргә “Башкортстан” дәүләт концертлар залын һәм бөтен дөньяга билгеле “Steinway& Sons” компаниясе роялен тәкъдим итү кысаларында виртуоз музыкант Денис Мацуев Уфада концерт белән чыгыш ясаячак. Русиянең халык артисты, Дәүләт премиясе лауреаты Денис Мацуевны безнең илдә генә түгел, дөньяның барлык илләрендә диярлек яхшы беләләр. Аның һәрбер чыгышы, башкару үзенчәлеге  –  үзе бер тамаша. Музыкант Башкортстанга да еш килә.

 

Шевчуктан юбилей программасы

Уфада якташыбыз Юрий Шевчук тарафыннан оеш-тырылган данлыклы “ДДТ” төркеме быел үзенең 25 еллык юбилеен билгели. Февральдә рок-группа Русия һәм чит илләр шәһәрләре буйлап гастрольләргә чыгачак. Хәбәр итүләренчә, гастрольләр туры 10 февральдә Тбилиси шәһәрендә башланып, 6 майда Германиянең Эссен шәһәрендә тәмамланачак. Юрий Шевчук туган ягы Башкортстанда март аенда Белорет, Стәрлетамак, Октябрьский, Нефтекама һәм Уфа тамашачылары алдында чыгыш ясар дип көтелә.

 

Хәмдүнә Тимергалиева “Галигә барам әле” җырын сәхнәдән башка беркайчан башкармаячак

 Татарстанның халык артисты Хәмдүнә Тимергалиева Казанның Филармония концертлар залында 65 яшьлек юбилеен уздырды. Тик ни өчен соң Хәмдүнә апабыз юбилеен 2015 елга калдырган? Ул бит инде узган елның 24 маеннан котлаулар кабул итә башлаган иде. 

 

Җавап бик гади булып чыкты. Соңгы елларда җырчы күп вакытын гастрольләрдә уздыра. Концертлар белән кая гына чыкмый ул. Узган ел хәтта Австралиядә дә чыгыш ясап кайткан иде. Һаман да дөнья куам әле, диде ул үзе дә. Өч ел рәттән якташы, иҗатташ дусты Салават Фәтхетдиновның концертларында махсус кунак булып йөри. Менә шулай вакыты калмау сәбәпле, җырчы юбилеен соңга калып үткәргән.

Хәмдүнә Тимергалиеваның юбилеенда Нәзифә Кадыйрова, Әлфия Юлчурина, Фәдис Ганиев, Салават Фәтхетдинов кебек дәрәҗәле артистлар да бар иде. Дуэтта чыгыш ясаучы Мөнир Рахмаев та читтә калмаган. «Бер картлыкта, бер яшьлектә» дигән уртак җырларын менә дигән итеп башкардылар. Хәмдүнә Тимергалиевадагы ташып торган энергия, ичмасам! Мөнирне әйтеп тә тормыйм инде. Икәү бергә кушылгач, сәхнә идәннәре сынарлык. Бер әңгәмәсендә юбиляр: “65 яшьтә кызларны тотып кияүгә бирергә була әле”, – дип әйткән иде. Чыннан да, Хәмдүнә апабыз әле һаман да шундый. Энергиясе ташып торган, давыл холыклы, беркемнән дә курыкмаучы, җитмәсә, яшь җырчыларның “крыша”сы да бит! 

Җырчы белән күп еллардан бергә эшләгән мәрхүм иҗатташ дусты, баянчы Рөстәм Вәлиевнең дә юклыгы сизелде. Ни өчен дигәндә, сәхнәдә Хәмдүнә Тимергалиеваны нәкъ менә аның белән күрергә гадәтләнгән идек. Әмма ул бергә башкаручы “Галигә барам әле” исемле популяр җырын җырлаудан туктаган. Бер сольный концертында да башкармаячак. Чөнки Рөстәм Вәлиевны алыштырырлык итеп уйнаучы бер баянчы да юк, диде ул. Шуңа да юбилейда “Галигә барам әле” җырының видео язмасы гына күрсәтелде.

Искиткеч узган юбилейның оештыручысын да әйтми узмый булмас. Ул да булса Хәмдүнә Тимергалиеваның туганы Илһам Шәриф үзе икән. Ул да сәхнәдән матур җырын бүләк итте. Ахырдан Мәдәният министрлыгы юбилярны медаль белән бүләкләде. Җырчыга алып килгән бүләкләр, чәчәкләр җиңел машинага да сыеп бетмәгән хәтта. Илһам Шәриф «Газель» машинасына заказ биреп, шул рәвешле генә алып кайтып киткәннәр. Зал тутырып килгән тамашачысына җырчы зур рәхмәтен җиткерде. Без дә Хәмдүнә апабызны тагын бер кат юбилее белән котлыйбыз!

 

Айдар Фәйзрахманов: Җыр – башкаручының җан авазы

Татар артистлары арасында иң күп чит илләргә чыгучы кем дип сорасалар, Айдар Фәйзрахманов дип җавап бирергә мөмкиндер, мөгаен. Тагын да төгәлрәк әйткәңдә – Татарстанның Фольклор музыкасы дәүләт ансамбле.

 

Русиянең атказанган, Татар-станның халык артисты Айдар Фәйзрахманов – шушы күркәм коллективның сәнгать җитәкчесе. Унбиш ел дәвамында олы сәхнәдән сәнгать шатлыгы өләшүче ансамбль дөньяның кырыклап илендә булырга өлгергән. Кичә, ягъни 30 гыйнварда, Айдар әфәндегә 60 яшь тулды. Әлеге уңайдан җырчыбыз “Яшәү барыбер кызык” дип аталган юбилей концерты тәкъдим итәргә җыена. Маэстро җырларыннан гына торган бәйрәм чарасы Г.Тукай исемендәге Татар дәүләт филармониясе бинасында узачак.

Айдар Фәйзрахманов күптән түгел генә үз җырларыннан торган “Яшәү барыбер кызык” (бу исем Илдар Юзеев шигыреннән алынган) дигән музыкаль җыентык чыгарды. Бу җыентыкта аның 25 җыры урын алган. “Күпмедер дәрәҗәдә юбилей концертым шушы проектны презентацияләү булачак. Гомер үткән саен яшәүнең кызыклы икәненә инанасың икән. 60 яшькә җиткәч, ниндидер нәтиҗәләр ясыйсың, шул ук вакытта әле иҗат итәсе, яңа үрләр яулыйсы да килә. Иҗатның иң кызган мәле, чөнки тәҗрибә тупланган, идеяләр бар, эшләргә дә дәрт бар шикелле. Әле күптән түгел генә Казанга Зельдин килеп киткән иде. Аның концертыннан соң үземне бөтенләй малай кебек хис иттем», – ди Айдар Фәйзрахманов.

Тулысынча:Айдар Фәйзрахманов:  Җыр – башкаручының  җан авазы

«Яңа дулкын» Латвияне Казанга алыштырырмы?

  Ел саен Латвиянең Юрмала шәһәрендә уздырыла торган «Яңа дулкын» («Новая волна») җыр бәйгесенең Казанга күчәргә мөм-кинлеге турындагы хәбәрне ишеткәнсездер инде?! – Соңга калган кунак – начар, тоткар-ланган кунак аннан да начаррак, дип әйтә халык. Соңгы вакытта Латвиянең Русиягә карата мөнәсәбәтен анализласак, үзебез-не бу илдә тоткарланган кунак дип хис итәбез. Латвия тыюлары сәбәпле, Русиянең мәртәбәле артистлары Иосиф Кобзон, Олег Газманов, Валерия быел «Яңа дулкын» бәйгесенә кертелмәячәк, – дип көрсенә Казан шәһәре Думасы депутаты Надыйр Хәйруллин.

Дөрес, фестивальне үткәрү хокукы өчен тагын дүрт шәһәр: Сочи, Баку, Калининград һәм Кырым көрәшә. Ләкин Татарстан депутатлары фикеренчә, Казан алар арасында иң лаеклысы. «Яңа дулкын»ны Казанда уздыру максаты белән оештырылган махсус комитет Русия Президенты Владимир Путинга язган мөрәҗәгатенә халык имзасы җыя башлады. Моның өчен шәһәрнең 30 нок-тасында (20 уку йорты бинасы, 10 сәүдә үзәге) имза җыю акцияләре оешты-рылачак. Шулай ук теләгән һәркем new-wave-kazan.ru сайтында музыкаль фести-вальне Казанга күчерү өчен тавыш бирә ала. Әлеге акция декабрь уртасына кадәр бара. Ә декабрь ахырында «Яңа дулкын»-ның кайсы шәһәрдә узачагы билгеләнәчәк.

– Фестиваль Казанга күчсә, бу шәһәр-нең икътисади халәтенә, кече һәм олы эшмәкәрлек үсешенә яхшы тәэсир итәчәк. Даими эш урыннары да булдырылачак, – дип белдерде Татарстан Дәүләт Советы депутаты Николай Рыбушкин. – Фести-валь шулай ук шәһәрне тагын бер тапкыр дөньякүләм таныту, төрле төбәкләрдән, чит илләрдән туристлар җәлеп итү чарасы да.

«Яңа дулкын» Русия йолдызларыннан кала Азия илләреннән дә катнашу-чыларны җәлеп итәчәк. Казан бит ул Европа белән Азия мәдәниятләре очрашкан урын да. Әлбәттә инде, үзебезнең татар рухын, татар мохитен дә онытмаячакбыз, диләр бәйгене Казанда оештыру инициаторлары.

 

 Безнең партнерлар

   

Яндекс.Метрика
Государственное унитарное предприятие Республики Башкортостан Издательский дом «Республика Башкортостан»
Филиал: Редакция газеты «Омет»- филиал государственного унитарного предприятия Республики Башкортостан Издательский дом «Республика Башкортостан»
450079, г. Уфа, ул. 50-летия Октября, дом 13, 9 этаж, тел. 273-94-38, 273-64-81, e-mail: omet-ufa@mail.ru
Вся информация и материалы, размещенные на сайте редакции газеты «Омет» защищены международным и российским законодательством
об авторском праве. Все сообщения газеты «Омет» предназначены для пользователей старше 12 лет.
При перепечатке или цитировании ссылка на газету «Омет» обязательна.
Дизайн сайта- Абдуллин Фаниль
>