“Симфония төне”

25 майда Уфа амфитеатрында  инде матур традициягә әверелгән    Симфония төнен  уздыруга федераль бюджеттан 3,1 миллион сум  акча  юнәлтелүе хакында хәбәр иткән идек.      

 Быелгы төннең программасы  өч өлешкә бүленә.    

Беренче өлештә классик музыка әсәрләре яңгырый.  Сәгать ярымлык бүлектә Башкортстанда туып үскән танылган музыкантлар  чыгыш ясый.  

Соңыннан программа икенче сәхнәдә башлана. Монда Русия һәм совет эстрадасы  җырларын тыңларга мөмкин булыр.  

Өченче бүлек бик күңелле булмакчы. “Splash” барабанчылар һәм “Ятаган” этно-төркеменең чыгышы шоу-программаның нигезен тәшкил итәчәк.  

“Язлар саен...”

27 апрельдә башкалада Вәсилә Фәттахованы искә алу кичәсе – “Язлар саен...” дип аталган хәйрия концерты уза. Концертта Вәсиләнең иҗатташ дуслары – Башкортстан һәм Татарстанның сәнгать осталары катнаша. Бу программа һәм Вәсиләнең үзе турындагы фикерләре белән аның якын дусты “Шәрык” радиосының баш мөхәррире Эльмир Булатов уртаклашты:

“Вәсиләнең арабызда юклыгына күңел һаман ышанмый. 

Вәсилә белән мин 2004 елда таныштым, ул эстрададан  бераз читләшеп торганнан соң концерт программасы әзерли иде, яңадан  сәхнәгә чыгарга, яңа җырлар яздырырга әзерләнеп йөрде. Без радио аша аңа ярдәм иттек, яңа җырларын халыкка таныттык.. Концерт алдыннан ул бик дулкынланып йөрде, һәм... концертлары тулы заллар белән гөрләп узды. Халык аны бик яратты, чөнки ул сәхнәдә дә, тормышта да бик гади кеше булды, ә  тамашачы гадилекне ярата.  

Һәм менә инде “Язлар саен...” дип аталган хәйрия концерты – Вәсиләне, аның якты рухын  искә алачакбыз. Концерттан кергән керем аның балаларына ярдәм булачак. Барлык җырчыларга һәм концертка  килгән, битараф булмаган тамашачыларга рәх-мәтебезне белдерәбез”.  

Музыканың җаны

 “Керим әле урманнарга”, “Киек казлар китә”, “Килен төшкәндә”, “Китмә, сандугач”... Җанга якын шушы һәм башка бихисап күп җырлар һәм романслар авторы мәшһүр композитор Рөстәм Яхинның тормышы, иҗаты турында без ниләр беләбез? Әйдәгез, аның иҗат эшчәнлегенә бераз күз салыйк.

Тулысынча:Музыканың җаны

“Мин бүләк түгел...“

Бүген без романтик җырчы буларак татар эстрадасында үз кыйбласын тапкан Татарстанның атказанган җырчысы Раяз Фасыйховның серләрен ачмакчыбыз. Никләр шулкадәр моңлана икән ул?

Тулысынча:“Мин бүләк    түгел...“

“Минем юлым”

Яшь җырчы, “Кәрван” фольклор-эстрада төркеме солисты Рөстәм Шаһыбалов  башкала тамашачысына шул исемдәге үзенең беренче   шәхси концертын тәкъдим итә. Әле артистның шушы җитди сынауга әзерләнеп йөргән дулкынландыргыч һәм мәшәкатьле көннәре. Шулай булса да, ул безнең редакциягә кереп чыгарга да вакыт тапты. Безгә исә “Өмет” укучыларын  Рөстәм Шаһыбалов  белән якыннан таныштыру өчен менә дигән мөмкинлек туды.

Киң диапазонлы, лирик баритон тавышлы җырчының зур сәхнәгә чыгуына инде 

11 ел икән. Кемнәрдер шушы вакыт эчендә, бәлки, берничә “сольник” күрсәтеп өлгерә торгандыр. Әмма Рөстәмнең бу мәсьәләгә үз карашы: “Иҗади яктан тулысынча өлгереп җиткәнемне көттем”, – ди ул.  Сөйләшүне дә без нәкъ шул турыда башладык.

Тулысынча:“Минем  юлым”

 Безнең партнерлар

   

Государственное унитарное предприятие Республики Башкортостан Издательский дом «Республика Башкортостан»
Филиал: Редакция газеты «Омет»- филиал государственного унитарного предприятия Республики Башкортостан Издательский дом «Республика Башкортостан»
450079, г. Уфа, ул. 50-летия Октября, дом 13, 9 этаж, тел. 273-94-38, 273-64-81, e-mail: omet-ufa@mail.ru
Вся информация и материалы, размещенные на сайте редакции газеты «Омет» защищены международным и российским законодательством
об авторском праве. Все сообщения газеты «Омет» предназначены для пользователей старше 12 лет.
При перепечатке или цитировании ссылка на газету «Омет» обязательна.
Дизайн сайта- Абдуллин Фаниль
>