«КАРАУАН»нар турында сез белмәгән унбер факт

Республикабызда һәм чит өлкәләрдә милли музыканы пропагандалаучы, халыкара, Бөтенрусия һәм республика конкурслары лауреаты, Хөсәен Әхмәтов исемендәге Башкорт дәүләт филармониясенең «Карауан» төркеме эстрадабызның чагу коллективларының берсе. Аларның һәр чыгышын көтеп алган, үз тамашачысы бар.

Төгәл 10 ел элек сәләтле, бер-берсенә бөтенләй охшамаган дүрт егет бер төркемгә берләшә. Яңа гына институт тәмамлаган, дәртләре ташып торган яшьләр зур максатлар белән яна, зур сәхнәләр яуларга хыяллана.
Бүген «Карауан» егетләре – Баймактан Марсель Котыев белән Тимур Рамазанов, Әбҗәлилдән Рөстәм Шаһыбалов һәм Уфа егете Эльмир Әбүбәкеров– күпләргә яхшы таныш.
Еш кына халык арасында: кемнәр соң алар «Карауан»нар? 90 нчы елларда сәхнәләрне дер селкеткән «Карауансарай» төркеме белән аларны нәрсә берләштерә? Башкортстанның атказанган артисты Вилдан Яруллин җитәкчелегендәге «Карауан Студиясе» белән уртаклык бармы? дигәнрәк сораулар барлыкка килә. Шушы сорауларга ачыклык кертү максатында «Карауан» төркеме турында 11 факт тәкъдим итәбез:

1нче факт. «Карауан» һәм «Карауансарай»
«Карауан» эстрада төркеме, 90нчы елларда залларны гөрләткән легендар «Карауансарай» төркеме канаты астыннан үсеп чыкса да, бүген алар аерым коллектив.
2 нче факт. Бәйләнеш юк!
Башкортстанның атказанган артисты Вилдан Яруллин җитәкчелегендәге «Карауан Студиясе» белән «Карауан» төркеме арасында бернинди дә бәйләнеш юк. Алар үзаллы ике коллектив.
3нче факт. Җиңүләр
«Карауан» егетләре төрле бәйгеләрдә солист буларак катнашып җиңүләр яулаудан тыш, төркем буларак та уңышларга ирешә. 2016нчы елда Спутник FM» радиосы оештырган «Уфимская волна» музыкаль фестиваль-конкурсында «Иң яхшы төркем» номинациясендә җиңү яуладылар.
4нче факт. Полиглотлар
«Карауан» егетләренә төрле чит ил телләрен өйрәнү җиңел бирелә. Коллектив репертуарында башкорт, татар һәм рус телендәге җырлардан тыш, инглиз, итальян, француз, казах, кытай телләрендә дә әсәрләр бар.
5нче факт. «Карауан» гимны
Төркемнең иң популяр җырларының берсе «Җыен» (“Йыйын”) аның гимнына әверелде. Бер концерт та шушы җырсыз үтми.
6нчы факт. Дуслык
«Карауан» егетләре – сәхнәдә һәм иҗатта гына түгел, тормышта да якын дуслар. Бер үк йортта, бер үк подъезда яшиләр, бары тик фатирлары гына аерым).
7нче факт. Рөстәм һәм балыклар
Рөстәм Шаһыбаловның ни өчендер балыклар белән мөнәсәбәте килеп чыкмаган. Ул аларны тотарга да, ашарга да, хәтта аквариумда тәрбияләргә дә яратмый. Ул бөтенләй балык ашамый. «Балыкта күп файдалы витаминнар икәнен беләм, әмма нишләптер бу ризыкны үз итмим, бөтенләй», – ди җырчы.
8нче факт. Марсель һәм филармония
Хөсәен Әхмәтов исемендәге Башкорт дәүләт филармониясе сәхнәсендә Марсель Котыев тәүге тапкыр 8 яшендә «Бибинур» җыры белән чыгыш ясый. Бу вакытта Марсель БСТ телеканалының «Тамыр» балалар студиясе оештырган «Сулпылар» телевизион конкурсында катнаша. Ә бәйгенең Гала-концерты нәкъ филармония сәхнәсендә үтә.
9нчы факт. Эконом-класслы Тимур
Төркемдә һәр егетнең кушаматы бар. Тимур Рамазановны исә «эконом-класс» дип йөртәләр. Ни өчен дигәндә Тимур күбрәк яшелчә-җимеш, үләннәр ашый, яшел чәй эчә. Калган егетләр яратып ашаган итле бәлеш, майлы кабартмаларны ул авызына да алмый.
10нчы факт. Эльмир һәм заман стиле
Егетләр бердәм булсалар да, һәркайсысының модага карата үз мөнәсәбәте. Мәсәлән, модадагы һәр яңалыкны үзе аша үткәрүче – ул Эльмир Әбүбәкеров. Егетләр шаяртып аны “мода корбаны”, дип йөртәләр. Җырчы һәрвакыт модага ярашлы итеп заманча киенә.
11нче факт. Егетләр һәм тимер атлар.
Егетләрнең дүртесе дә моңа кадәр үзебезнең ил машиналарында йөреп, хәзер инде чит ил «тимер» атларына күчеп утырганнар. Иң соңгысы булып, быел җәй Тимур Рамазанов үзенең «Лада-калина»сын «Хундай-солярис»ка алмаштырган.

Ирина Захарова,
Эльнара Шафикова.

 Безнең партнерлар

   

Государственное унитарное предприятие Республики Башкортостан Издательский дом «Республика Башкортостан»
Филиал: Редакция газеты «Омет»- филиал государственного унитарного предприятия Республики Башкортостан Издательский дом «Республика Башкортостан»
450079, г. Уфа, ул. 50-летия Октября, дом 13, 9 этаж, тел. 273-94-38, 273-64-81, e-mail: omet-ufa@mail.ru
Вся информация и материалы, размещенные на сайте редакции газеты «Омет» защищены международным и российским законодательством
об авторском праве. Все сообщения газеты «Омет» предназначены для пользователей старше 12 лет.
При перепечатке или цитировании ссылка на газету «Омет» обязательна.
Дизайн сайта- Абдуллин Фаниль
>