Бәйләнешкә керү 

 

 

 

                                                                                                   

Безнең кушымталар:

   

Иранга юл

Русия президенты Владимир Путинның Тегеранга эш сәфәре — атнаның төп халыкара вакыйгасы булды. Тегеранда Русия, Иран һәм Әзербайҗанның өчъяклы саммиты үтте.
Иран һәм Русиянең уртага салып сөйләшер темалары күп. Ике ил дә Сүрия конфликтын чишүдә мөһим роль уйный. Сүз Якын Көнчыгыш төбәгендәге иминлек мәсьәләләре турында барды. В.Путин сәяси мәсьәләләр буенча ил президенты Хәсән Роуханидан тыш, Иранның югары рухи лидеры аятулла Али Хаменеи белән фикер алышты. Ул Тегеран белән Мәскәү хезмәттәшлеге АКШны изоляцияләү мөмкинлеген бирәчәк, дигән фикерен белдерде. “Бергәләшеп доллардан баш тартып һәм икътисади операцияләрдә аны милли валюталарга алмаштырып, Америка санкцияләрен кире кага һәм АКШны изоляцияли алабыз”,— диде ул.
Өч ил президенты сәясәттән тыш, энергетика һәм транспорт тармакларындагы проектлар турында сөйләште. Сүз Санкт-Петербургтан алып Мумбайга кадәр “Төньяк—Көньяк” транспорт коридорын булдыру турында барды. Бу илләр арасында сәүдә уңышлы үсешә. Өч ил дә углеводород экспортлый.
“Төньяк — Көньяк” коридоры Азия илләреннән, Һиндстан, Кытайдан йөкләрне аз чыгымнар белән Төньяк Европага озату мөмкинлеген бирәчәк. Яңа маршрутның гомум озынлыгы — 7,2 мең километр. Иран белән Әзербайҗан арасындагы 172 километр озынлыгындагы юл Фарсы култыгын Европага тимер юл бәйләнешен тоташтыру өчен чылбырның җитми калган бер өлеше булган. Әзербайҗан Иранга кадәр тимер юл төзегән дә инде. “Бүгенге көндә “Төньяк —Көньяк” коридор участогы файдалануга тулысынча әзер”,— диде Илһам Алиев. Өч ил дә, таможня процедураларын гадиләштереп, сәүдә итүне ныграк үстерергә җыена.
Мәгълүм булуынча, Иранның Бушер җирлегендә Русия белгечләре атом станциясе төзи. “Бушер” АЭСы — ул ике яклы хезмәттәшлекнең иң зур проекты. Шушы көннәрдә Бушерда, шулай ук Русия булышлыгы белән, энергия блогының икенче өлешен төзи башлаганнар.

Шәхес янында

Бy мөhим!

Әнә килә автомобиль

Мәдәният һәм әдәбият

Әллә ялгыш, әллә язмыш...

Бакчачы почмагы

Илләр буйлап

Билгеле билгесез дөнья

Динебез – Ислам

Гаҗәп хәлләр

 Безнең партнерлар

   

Яндекс.Метрика
Государственное унитарное предприятие Республики Башкортостан Издательский дом «Республика Башкортостан»
Филиал: Редакция газеты «Омет»- филиал государственного унитарного предприятия Республики Башкортостан Издательский дом «Республика Башкортостан»
450079, г. Уфа, ул. 50-летия Октября, дом 13, 9 этаж, тел. 273-94-38, 273-64-81, e-mail: omet-ufa@mail.ru
Вся информация и материалы, размещенные на сайте редакции газеты «Омет» защищены международным и российским законодательством
об авторском праве. Все сообщения газеты «Омет» предназначены для пользователей старше 12 лет.
При перепечатке или цитировании ссылка на газету «Омет» обязательна.
Дизайн сайта- Абдуллин Фаниль
>