Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Австралия галимнәре, төрле тикшерүләр уздырганнан соң, күкрәк рагына китерергә мөмкин булган сәбәпләрне ачыклаганнар.

200 мең хатын-кызны тикшергәннән соң, алкоголь эчемлекләр кулланмасаң, гәүдә авырлыгын нормада тотсаң, яман шешне булдырмый калырга була. Симерү – күкрәк рагына китерә торган иң төп сәбәпләрнең берсенә әйләнүе бар. Алдагы унъеллыкта бу сәбәп аркасында 17500 күкрәк рагы очрагы килеп чыгарга мөмкин. Алкоголь куллану сәбәпле 11600 очрак килеп чыгу ихтималы зур, дигән доктор Маарит Лааксонен. Галимнәр менопаузаны дәвалау өчен биш елдан артык гормональ дарулар куллану да яман шешкә китерергә мөмкин дип ачыклаган. 

Шәһри Казан. 

Фото: ачык чыганак. 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Һиндстанның Харьяна штатында 18 яшьлек егетнең баш миендә суалчаннар үскән һәм ул вафат булган. Бу турыда The New England Journal of Medicine басмасына сылтама белән РЕН ТВ каналы хәбәр итте.

Егетнең эченең аскы өлеше, җенес органының уң ягы авырта башлый, уң күзе шешә һәм ул табибларга мөрәҗәгать итә. Хастаханәдә томография ясаганнан соң, егетнең баш миендә суалчан эзләре күренә. Мондый эзләрне дуңгыз суалчаны личинкалары калдыра икән.

Табиблар егеткә дарулар бирә, ләкин дәвалау ярдәм итми. Ике атнадан соң, 18 яшьлек егет җан бирә.

Соңрак ачыкланганча, бу егет берникадәр вакыт алданрак пешеп җитмәгән дуңгыз ите ашаган булган.

 

  • Бу суалчаннарны икенче төрле солитер, тасма суалчан дип атыйлар. Алар хайван һәм кеше организмында паразит булып яши. Гәүдә озынлыгы 10 мм га кадәр җитә. Аларның башында түгәрәк формасындагы дүрт имгеч урнашкан. Бу авыру дөрес итеп әзерләнмәгән дуңгыз, үгез итен ашаган кешегә иярергә мөмкин.   "Интертат". 

Фото: pixabay.com

 

 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Бер ел элек Үзбәкстанда яшәүче бер яшьлек Газизбәк Абдумаджидовның тәненнән табиблар 16 энә табып ала. Бу хәл Үзбәкстанны гына түгел, бар дөньяны тетрәндерде.

11 айлык Газизбәгенең көйсез булуына зарланып, әни кеше табибларга мөрәҗәгать итә. Баланың тамагы шешкән, температурасы югары була, шуңа табиблар аңа салкын тигән дип уйлый. Әмма бераздан бала тышка чыга алмый башлый, сиюе кими һәм ана кеше чаң сугарга тотына. Табиблар балага рентген ясый һәм шок хәлендә кала: бала тәнендә алар 16 энә күреп ала. Баланы әнисе белән шундук Ташкентка җибәрәләр.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

АКШ оборона министры вазифасын башкаручы Патрик Шанахан Мексика белән чиктә стена төзү өчен бер миллиард доллар файдаланырга рөхсәт иткән.

         Юма һәм Эль-Пасо шәһәрләре арасында гомум озынлыгы 91 километр тәшкил иткән 5,4 метр биеклегендәге стена участогы төзеләчәк. АКШ моны Мексиканың легаль булмаган качакларыннан саклану өчен төзи.

         Бүленгән акчалар эчке иминлек министрлыгына, таможня һәм чик буе патруленә ярдәм итү, шулай ук бу районнарда яктылык урнаштыру һәм юллар төзелеше өчен юнәлтеләчәк.

         АКШ президенты Дональд Трампның конгресстан Мексика белән чиктә стена төзү өчен 8,6 млрд. долларга ризалык бирүләрен сорарга планлаштыруы күптән билгеле иде. Ә аңа кадәр президент белән закон чыгаручылар арасында туган аңлашылмаучанлык озак вакытлы шатдаунга — Америка хөкүмәтенең өлешләтә эштән туктавына — китергән иде. Ул 2018 елның 22 декабреннән алып 35 көнгә сузылды.

         Соңыннан Трамп конгресс кабул иткән вакытлы бюджетка кул куярга ризалашты, әмма планлаштырылган 8 млрд долларны Гадәттән тыш хәл режимы кертеп алырга карар итте.  

Фото: Getty Images.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Кушма Штатлар президенты Дональд Трамп фәрманына ярашлы, Америка астронавтлары 2024 елда Айга  кабаттан менәргә тиеш. “Президент Дональд Трамп НАСАны Айга менү буенча эшләрне тизләтергә һәм 2024 елга аның өстенә кешеләр төшерүне тормышка ашыруны сорады. Бу юлы без Айга очачакбыз һәм без анда калачакбыз. Без аннан алынган белемебезне зур сикереш ясау — Марска астронавтлар җибәрү өчен файдаланачакбыз”,—дип белдерде вице-президент һәм АКШның милли космик советы җитәкчесе Майк Пенс. Ул белгечләргә бернинди тоткарлыксызлыклар тырышып эшләргә кушкан. Алары булдыра алмаса, яңаларын табарга кушкан. 

  “Без хәзер 60 нчы аллардагы сыман космик узышта катнашабыз. Былтыр декабрьдә Кытай Айның икенче ягына үзенең тикшеренү аппаратын урнаштырган беренче ил булды. Бу исә аларның Айны тикшерүдә алдынгы урыннарда буылырга тырышуы турында сөйли”,—дигән Пенс.

         Чынлап та, быел ел башында Кытай Айның икенче ягына космик зонд урнаштырган беренче ил булды. Моңа кадәр бу эшне башкаруга АКШ та, Русия дә омтылмаган. Кытайның Айның икенче ягына үзенең аппаратын җибәрүе КХРның космик программасы үсеше символына әверелгән. Бүген Кытай өченче урында торган космик держава.

         Үз вакытында космоска беренче булып космонавт очырган безнең ил  дә Җирнең юлдашын үзләштерергә тели. Хәлбуки, Русиянең әлегә очарга яраклы ракетасы һәм аны ясарга акчасы булмаса да. Аның каравы галимнәребез хәтта луномобиль уйлап тапкан.

         Кеше күптән инде Айны колонизацияләргә җыена. Бүген АКШ һәм Кытай бу эшкә җиң сызганып тотынып маташа да инде. Тик кешелек дөньясы аның файдасын күрерме соң?

   Фото ачык чыганаклардан алынды.