Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

 

Уфа шәһәрендә прививкалардан баш тарту столбняк һәм дифтерия авыруының артуына китергән.

Педиатрлар һәм терапевтлар урындагы халыкны АДС вакцинациясе ясатырга чакыра. Башкортстан Республикасы Сәламәтлек саклау министрлыгыннан хәбәр итүләренчә, прививкалардан күпләп баш тарту аркасында бу куркыныч авыруларны эләктерү мөмкинлеге югары булып кала.

Табиблар әйтүенчә, дифтерия авыруы һава-тамчы юлы белән күчә, һәм ул бик авыр үтә. Югары температура күзәтелә, тән калтырый, тамак авырта, хәл бетә, бөтен организм агулана. Аны еш кына ангина белән бутыйлар, шуңа чирнең беренче билгеләре күренү белән табибка мөрәҗәгать итәргә кирәк, бары тик табиб кына төгәл диагнозны билгели алачак.

Бу чир белән күбрәк балалар авырый. Әгәр каршы күрсәтмәләр булмаса, балага беренче прививка өч айда, аннан ай ярымнан соң, тагын 45 көннән ясала.

Бүгенге көндә республикада дифтерия очраклары теркәлмәгән, әмма халык чит илләргә йөри, эләктереп кайту куркынычы һәрвакыт бар.

Столбняк – аеруча куркыныч чир. Ул кешенең нерв системасын зарарлый, көзән җыера башлый. Уфа шәһәренең 5 санлы хастаханәсендәге травмпункт мөдире Анатолий Мазетов әйтүенчә, бу чир дә соңгы 40 елда республикада теркәлгәне юк. Бер генә очрак теркәлсә дә, ул инде гадәттән тыш хәл булачак, чирнең 90 проценты үлем белән тәмамлана. Шуның өчен дәвалауга караганда кисәтү яхшырак, ди тәҗрибәле табиб. Столбняк тузанлы, пычрак җирләрне ярата, әгәр кеше пешсә, киселсә, тырналса да инфекция аны эзләп табачак.

АДС-м прививкасын дүрт яшьтән зуррак балаларга һәм олыларга ясыйлар. Ул 10 елга бер ясала.