Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна


Туган тел

Сагыш белән тулы тел...
Минем канда – моңлы тел.
Там карында иңгән тел.
Бар дөньяма сеңгән тел.

Кая гына китсәм мин,
Кайда гына йөрсәм мин,
Сиңа киләм, туган тел.
Сиңа, сиңа гына бер!

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Исеңдәме?

Исеңдәме, җаным, язгы көндә

Сары чәчкә күрдек акланда?

Язның тәүге гөле  булды бүләк

Сөюебез чәчәк атканда.

 

Яз кояшы иркәләде безне,

Син дә, мин дә, бәхет күгендә.

Исеңдәме, җаным, бу мизгелләр,

Оныталмыйм аны бүген дә.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Әбиләр чуагы

Көзнең иң гүзәл мәледер
Ул –әбиләр чуагы.
Кояш нурында елмая
Һәр агач, һәр куагы.
Шушы чуар гүзәллеккә
Карап торам куанып,
Күшеккән күңелем моңы
Кала төсле югалып.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна


Безнең җәйләр үткән инде,
Көзләребез җиткән инде,
Чаган яфраклары алтынсу.
Түбәнәйгән биек ярлар,
Онытылмый тәүге ярлар,
Нигә болай моңсу, агымсу?

Җырлый-җырлый акмый инеш,
Ярларына какмый инеш,
Кайтмый диләр яшьлек елларын.
Сөюнең дә газабы бар,
Гомернең дә азагы бар,
Чиге генә юк бу уйларның.

Рейтинг:  5 / 5

Звезда активнаЗвезда активнаЗвезда активнаЗвезда активнаЗвезда активна

Гади гына итеп шигырь язам- 

Гадилектә чиксез ямь күрәм...

Гадиләрне сөям,гади яшим,

Гади гына сүзгә җан өрәм!