Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Кичә Иглин районының Старокубово авылында фаҗига була. Мунчада балаларын юындырганда 40 яшьлек хатын кинәт кенә пычак белән 5 яшьлек кызына ташлана. Балалар ачыргаланып кычкырган тавышка әтиләре йөгереп килә һәм тиз арада ашыгыч ярдәм чакырта.

Җирле авыл советының опека бүлегендә хәбәр итүләренчә, 8 бала тәрбияләнгән гаилә Старокубово авылында рәсми рәвештә теркәлмәгән була. Күп балалы гаилә бирегә  яңарак күченгән. Беренчел мәгълүматлар буенча, хатын психик авырудан интеккән.

Бәхеткә, сабый исән кала. Пычак йөрәк яныннан үтеп, бер як үпкәне җәрәхәтли. Нәни кызга кичекмәстән  операция ясыйлар, әлеге вакытта ул дәваханәдә.

Тикшерүчеләр гаиләнең яшәү шартларын тикшерә. Фаҗиганең барлык нечкәлекләре чыклана.

РФ ТКның БР буенча Тикшерү идарәсе җитәкчесенең ярдәмчесе Евгений Каневский: “Җинаятьтә шикләнелүче кулга алынган, аның белән тикшерү эшләре алып барыла. Хатынга карата суд-психологик экспертизасы үткәрү күзаллана. Тикшерү дәвам итә”. 

Фото ачык чыганактан алынды. 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

«Baza» телеграм-каналы хәбәр итүенчә, 3  апрель көнне башкала аэропортында гадәттән тыш хәл теркәлә. Мәскәүгә очасы самолет бортына психиатрия хастаханәсеннән качкан сукбай хатын үтеп керә. Үзе белән бер документы да булмаган хатын илебез башкаласына очмакчы була. Ул, авиация хәвефсезлеге хезмәткәрләрен ничектер алдап, контрольне уза һәм экипажга ияреп (буе кыска булгач, аны күрми калалар) самолетка уза.

Самолет салонында үз урынын таба алмаган һәм билетын күрсәтүдән баш тарткан сукбай хатынны экипаж әгъзалары күрә һәм полициягә хәбәр итә. Полицейскийларга хатын үзен пенсионер Наталья (кайсыбер чыганакларда – Марина. – Авт.) Максимова дип таныштыра. Элек ул башлангыч сыйныфлар укытучысы, балалар бакчасында тәрбияче булып эшләвен сөйли. Уфага ничек килеп эләккәнен Наталья исенә төшерә алмый. Нибары Ивановодан Казахстанның Усть-Каменогорск шәһәренә узгынчы машиналарда баруын гына хәтерли.

Бу вакыйга белән транспорт прокуратурасы кызыксына. Әле ведомство хезмәткәрләре күзәтү камераларыннан видеоязмаларны тикшерә. Идел буе транспорт прокуратурасы матбугат хезмәте мәгълүматларына ярашлы, аэропорт хезмәткәрләре хатынны да, аның багажын да җентекле тикшерә.

“Аэропорт видеоязмаларына ярашлы, хатынны тикшергәннәр. Аның үзе белән нибары хатын-кызлар сумкасы була, сумканы да махсус корылма белән тикшерәләр”, - диләр транспорт прокуратурасында.

Аэропортта  вакыйга белән бәйле эчке тикшерү  үткәрәләр. “ЮТэйр” авиакомпаниясе сукбай хатынны ничек билетсыз самолетка уткәргәннәрен ачыклый.

gtrk.tv

Фото: БР прокуратурасы.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Стәрлетамак шәһәрендә 25 яшьлек хатын үзенең өч баласын еллар буена кыйнап интектергән, ашатмаган, өйдән куып чыгарган. Хәзер аңа карата җинаять эше ачылган.

1, 6 һәм 7 яшьлек балалар арендага алынган йортта әниләре һәм үги әтиләре белән тора. Полиция хәбәрләре буенча, 2017 елның февраленнән 2019 елның февраленә кадәр балалар коточкыч шартларда яши. Кечкенә генә гаеп өчен дә аларны киемсез урамга куып чыгаралар, ашатмыйлар һәм кагалар-сугалар. Балалар бакчага йөрми, ихатадан читкә чыкмыйлар. Сабыйларның тәмуг газапларын күреп яшәүләрен  хәтта туганнары да белмәгән, диелгән бу хәбәрдә.

«Тикшерү барышында ана кеше бик озак вакыт дәвамында гаебен танымады. Бөтен гаепне бергә яши торган иренә такты. Ләкин тикшерүчеләр ачыклаганча, нәкъ менә ана кеше балаларына карата вәхшиләрчә мөнәсәбәттә булган. Хәзерге вакытта балаларны  картәниләре опекага алган. 25 яшьлек хатын беркая да чыгып китмәү турында имза куйды», — дип сөйләгән Русия Эчке эшләр министрлыгының Стәрлетамак буенча идарәсе хезмәткәре Дарина Горчакова.

Ана кешегә карата җинаять эше ачылган.

Фото ачык чыганаклардан алынды. 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Бүген Уфаның “Динамо” стадионында “Башкортстанда Татарстан көннәре” алдыннан Сибай һәм Уфа шәһәренең яшь футболчылары арасында иптәшләрчә очрашу үтте.

 

Җыелучыларны 13 тапкыр паралимпия чемпионы, 18 тапкыр дөнья чемпионы исеменә лаек булган легендар спортчы Рима Баталова, Татарстанның һәм Башкортстанның халык артисты Айдар Галимов, Татарстан республикасының Башкортстандагы тулы вәкаләтле вәкиле Ранэль Зиннәтуллин кайнар сәламләде.  

Аннары Русия һәм Башкортстан гимны яңгырады.

Рәсми өлеш тәмамлануга стадионга уенчылар чыкты. Айдар Галимов җитәкчелегендәге футболга битараф булмаган артист ир-егетләрне берләштергән “БашСтар” командасы,  “Башкортостан” телерадиокомпаниясенең журналистлары белән уен кырында очрашты.

 

Айдар Гани улы әйтүенчә, бу уен гына булса да, хөкемдарның беренче сыбызгы тавышыннан ук уен чәме егетләрне биләп алды. Ул да түгел, бер-бер артлы туплар капкаларга очып керә башлады. Бер туп “БашСтар”лар капкасына иркенләп тәгәрәп барып керде, менә бит, “ризыгыңа язса, тешеңне сындырып керә!” дигәннәре шулдыр.

 

 

Аннары футбол кырына Сибай һәм Уфа малайлары чыкты. Уен кырында шунда ук үзгә бер җанлылык купты. Үсмерләр чын күңелдән уенга кереп китте. Урамда чирәм өстендә туп типкән дәрт белән, бер-беренә команда бирә-бирә уйнап алып китте.

Ахырда артистлар һәм үсмерләрнең җыелма командалары очрашты.

Уеннар арасында уенчылар җырладылар, курайда уйнадылар, тамашачылар, блиц-сораштыруларда катнашып, бүләкләр оттылар.

 

Бүген дә команда туплап, футбол белән дуслыгын өзмәгән Айдар Галимовка: “Иллене тутырып та, җилле итеп туп артыннан йөгереп йөрү рәхәтме?” – дип мөрәҗәгать иттем.

“Нык рәхәт! – ди Айдар Гани улы. – 50-60 яшьлек абыйларның футбол уйнап йөргәннәрен күреп аптырый идем. Ә хәзер үзем шул яшькә җиткәнмен. Берние дә юк икән. Ничә яшьтән туп тибә башлаганмындыр, хәтерләмим. Әмма яз җитеп, җирнең кардан ачылуын көтеп ала идек. Безнең футбол акланы елганың икенче ягында булып, аны ел саен су баса иде. Тупның суга агып киткән чаклары да хәтердә, әмма барыбер уйный идек.

 Менә шушы карлы-яңгырлы яз көнендә спорт сөючеләр бергә җыелып, шатланып очрашалар икән – бу бәйрәм! Менә балалар килгәннәр. Ерак дим тормаганнар, Сибайдан ук килеп җиткәннәр. Алар өчен аеруча матур бәйрәм бүген. Хәтерләрендә калачак бу көн.

 Бүген биредә турнир түгел. Шуңа күрә егетләргә имгәнерлек итеп уйнарга кирәкми дә. Бүген җиңүчеләрнең  һәм җиңелүчеләрнең булуы мотлак түгел. Һәр чараның үз матурлыгы”.

Әйтүемчә, егетләр уенга уен итеп карамады. Стадионда футбол кызды. Ә “Динамо”ның башка мәйданнарында яшьләр ГТО нормалары тапшыра, “бишле”гә тырыша иде.

Бүгенге футболдагы чәмне, осталыкны, уен шартларының асылын күреп, кешенең мөмкинлекләре өчен сөенеп, сокланып карыйсың. Бу сәламәт тормыш. Кулына тәмәке яки башка зыянлы нәрсә түгел, туп алган малайларга да “Афәрин!” генә дияргә. Алар компьютерга да, айфоннарга да бәйле түгел, режим төгәл бүленгән. Бу яшьләр гадәти малайлар булып, уйнап, ярыш чәмен тоеп, җиңүләргә омтылып үсәләр.

Алсу Төхвәтуллина.

Автор фотолары.

 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Башкортостан в эти дни отмечает 100-летие образования автономной республики в составе России. О том, как проходит это событие, в интервью телеканалу «Россия 24» рассказал врио Главы Башкортостана Радий Хабиров.

– В этом году Башкортостан отмечает свой вековой юбилей – 100 лет со дня образования. Известно, что Указ о праздновании подписал Президент страны Владимир Путин. Какие наиболее важные события и мероприятия в рамках празднования уже состоялись и планируются?

– Мы проводим все мероприятия в рамках Указа Президента. Для нас это очень важно. Это признание Президентом исторической значимости нашего события.

Вообще, мероприятия уже идут давно. Мы готовимся, республика готовилась к этому мероприятию и в предыдущем году. У нас есть программа «100 объектов – к 100-летию республики». И в этом году мы сдаём уже более 50 объектов – это и школы, и больницы, и дома культуры.