Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Башкала хакимиятендә узган киңәшмәдә ТКХ һәм төзекләндерү буенча Уфа мэры урынбасары Салават Хөсәенов шәһәрнең район хакимиятләре башлыкларына коммуналь хезмәтләрнең эшен бәяләү өчен кар яуганда урамнардан узарга киңәш итте. Соңгы көннәрдә шактый кар явуы бу хезмәт тармагын көчәйтелгән режимда эшләргә мәҗбүр итте.

– Үз территориягездән җәяүләп узыгыз да тиешле бәяне бирерсез, –диде Салават Хөсәенов. – Шул вакытта гына үзебезнең ничек эшләгәнне күрерсез.

Сер түгел, юлларда бөкеләрне еш кына зур йөк машиналары хасил итә. Шуның өчен Салават Сәхи улы начар һава шартларында шәһәргә андый транспортны кертүне чикләү турында карар проектын әзерләргә кушты.

Фото: ГорОбзор.ру

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Bash.news  мәгълүмат сайтының  редакциясенә башкалада яшәүче мөрәҗәгать иткән. Артур Х. (исеме үзгәртелгән)  аңлатуынча, кичә кич ул баласы белән билгеле фаст-фуд ресторанына тиз генә тамак ялгарга кергән. Ләкин ирнең аппетиты бозыла: аның кулына кечкенә тычкан баласы үзе диярлек  килеп керә.  

Уфалы шул ук моментта ярдәмгә менеджерны чакыра. Бергәләшеп алар тычканны эләктерәләр. Ресторан челтәрләре кечкенә кимерүчегә кешелеклелек күрсәтә: алар аны тышка җибәрә.

https://bash.news

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Быел Башкортстанда унтугыз меңгә якын унберенче сыйныф укучысы БДИ тапшырачак.

Үзләре теләгән фәннәр буенча имтихан тоту өчен укучылар 1 февральгә кадәр гариза тапшырырга тиеш. Моны эшләп өлгерү өчен якынча бер атна вакыт калды.

Әйткәндәй, анда укучы сайлаган фәннәр теркәлә. Аларның саны чикләнми.

Әмма урыс теле белән математика бөтен укучылар өчен дә мәҗбүри булуын беләсез. Алар буенча уңышлы имтихан тапшырган кеше генә урта белем турында аттестатка ия була.

Алсу Төхвәтуллина. 

Фото ачык чыганаклардан алынды. 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Башкортстан мәктәпләрендә унсигез баланың тимрәү (лишай) белән авыруы ачыкланган.

Роспотребнадзорның төбәк бүлекчәсе бу хәбәрне раслады. Авыруның аерым очраклары Уфа һәм Уфа районында теркәлгән. Ул балалар йөргән мәктәпләрдә һәм балалар бакчаларында дезинфекция ясалган. Мәктәпләрдә бер айга кабинетларда уку системасын туктатып торырга мәҗбүр булганнар. Авыру балалар изоляцияләнгән. Аларга дәвалану, дөрес туклану режимы билгеләнгән.

А. Төхвәтуллина. 

Фото: Интернет.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Соңгы атналарда Сибай шәһәренең тынны кысучы төтен һәм ис белән тулуы халыкта  зур борчылу тудырды. Биредә яшәүчеләр аеруча балалар сәламәтлеге өчен борчылды. Шәһәр мэры Рөстәм Афзалов зур проблема чыганагына әверелгән карьерны өлешчә батырырга кирәк булачак, дип белдерде.

Урындагы халыкның шәһәр җитәкчелеге белән очрашуыннан соң белгечләрнең пыскып  яткан учакларны селтеле су белән батырырга дигән карары билгеле булды. Властьлар шулай ук  пыскыган карьерны сүндерү буенча башка чаралар турында да уйлыйлар.

  • Бу проблема шәһәрдә яшәүче һәркемгә кагыла. Әлеге чаралар килеп туган проблеманы хәл итүгә китерәчәк, - диде Рөстәм Афзалов.

Руфина Таҗиева.

Фото ачык чыганаклардан алынды.