Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

 

Безнең ил кешеләре чит ил машиналарына өстенлек бирә. Ә чит илдә безнең машиналарны сатып алалармы соң?

2018 елның беренче яртыеллыгында чит илгә 43 мең җиңел автомобиль сатылган. Йөк машиналарын 6 мең данә алганнар. Бу – узган ел белән чагыштырганда 4,6 процентка күбрәк. Русия экспорт үзәге директоры Андрей Слепнев белдерүенчә, җиңел машиналардан “Лада Гранта”, Нива һәм “Лада Веста”ны бик теләп алалар икән. Бездә җитештерелгән йөк автомобильләреннән күбесе “КамАЗ” ны сатып алалар. Агымдагы елның 9 аенда бездә эшләнгән машиналарга запас частьләр сату 37 процентка арткан. АвтоВАЗ компаниясе автомобильләрен 30 ил сатып ала. Ел азагына чит илгә 90 меңләп машина сатылыр дип көтелә. Октябрь азагында гына Куба хөкүмәте полиция хезмәткәрләре һәм дәүләт оешмалары өчен 600 данә “Лада-Веста” автомобиле сатып алу хакында килешү төзеде. Февраль аенда Кубаның башкаласы Гавана шәһәре хакимияте такси хезмәте өчен 344 “Лада-Веста” сатып алган. Кубада 5 һәм 7 урынлы “Лада Ларгус” автомобильләрен дә бик теләп алалар икән. Алар шулай ук дәүләт оешмаларын хезмәтләндерә. Русия автомобиль компанияләре президенты Эдуард Вайно Латин Америкасы машина базарына чыгу хакында хәбәр итә. Бүгенгесе көндә Боливия, Парагвай, Уругвай, Чили, Перу, Эквадор илләре белән сөйләшүләр алып барыла. Безнең машиналарны җитештерү буенча Казахстан һәм Мисырда җыю конвейерлары эшли башлаган.

 

Рейтинг:  5 / 5

Звезда активнаЗвезда активнаЗвезда активнаЗвезда активнаЗвезда активна

1976 елда беренче КамАЗ-5320 йөк автомобиле эшләп чыгарган завод әледән-әле үз модельләрен яңартып тора.

Аның төрле модификацияләрен салкын Себер тарафларында да, эссе Африка илләрендә дә, авыл хуҗалыгында да, хәрби частьларда да тиз танып аласың. “Париж-Дакар”, “Ефәк юл” халыкара автомобиль узышларында да “КамАЗ-мастер” командасы Русия машинасының көчен күрсәтеп килә. Русиядән чил илләргә сатылучы йөк машиналары буенча да ул беренчелекне алып тора. Чөнки соңгы елларда ул водительләргә уңайлыклары, заманча җиһазлары буенча да хәзер чит ил компанияләре җитештергән автомобильләрдән калышмаска тырыша. Шулай да бу модельдә кабинада урнаштырылган кайбер корылмалар һәм җиһазлар Mercedes-Benz автомобиленнән алынган. Аның каравы машинага үзебездә яңа эшләнгән 550 ат көчле двигатель урнаштырылган. Ул капиталь ремонтсыз 1 миллион 500 мең чакрым юл үтүгә исәпләнгән. Автомобиль өч көпчәкле. Шунысы игътибарга лаек, йөк төямичә йөрегән чагында аның ике тәгәрмәчен күтәреп куеп була. Нәтиҗәдә резина да тузмый, ягулык та азрак яна. Кыскасы, заман таләпләренә туры килерлек өр-яңа машина.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Республика хөкүмәте Cәламәтлек саклау министрлыгына 120 “Ашыгыч ярдәм” автомобиле сатып алу өчен 350 миллион сум акча бүлгән. Дәүләт заказы буенча аукцион 26 ноябрьдә уздырылачак.

Тендерны җиңеп чыгучы агымдагы елның 25 декабренә кадәр автомобильләрне дәваханәләргә тапшырырга тиеш. Иң күбе – 30 махсус машина Республика педиатрия клиник үзәгенә тапшырылачак. Шулай ук 28 автомобиль – республика кан алу үзәгенә, 16 сы – Башкортстан ашыгыч ярдәм станциясенә, 2 се Куватов исемендәге Республика клиник дәваханәсенә биреләчәк. “Ашыгыч ярдәм” автомобильләре дәваханәләрнең эшчәнлек төренә карап махсус җайланма һәм җиһазлар белән кайтарылачак.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

– Машинага шиплы резина куйган очракта да “шипы” билгесе кую таләбе гамәлдән чыгарылды дип ишеткән идем. Соңгы көннәрдә инспекторларның әлеге билгенең барлыгы яки юклыгын тагын тикшерүләре хакында ишеттем. Кирәкме ул билге, әллә юкмы?

Галим. Уфа шәһәре.

Чынлап та бу сорау күпләрне кызыксындыра. Агымдагы елның апрель аенда Русиянең юл хәрәкәте хәвефсезлеге дәүләт инспекциясе начальнигы Михаил Черников, “шипы” билгесе булмаган өчен штраф салу ахмаклык, чөнки ул юлда хәвефсезлеккә булышлык итми, дип белдергән иде. Русия Эчке эшләр министрлыгы шул уңайдан юл йөрү кагыйдәләренә үзгәрешләр әзерләде. Әмма бу үзгәрешләр һәм төзәтмәләр канун буларак гамәлгә кермәде.. Бүгенге көндә инспекторлар үзләренең начальнигының фикерен белә һәм килешә дә. Әмма инспектор иптәшнең кәефе булмау сәбәпле билге булмаган өчен штраф язасы килсә, сез берни дип тә җавап бирә алмаячаксыз. Шуңа күрә әлеге билгегә хаклар артканчы хәстәрләп куегыз. Исегездә булса, 2016 елда бу билгене урнаштыру катгый таләпкә әверелгәч 50 сум торган билгене кулдан 300 сумга сатып йөрделәр. Чөнки алар тиз арада автомобиль магазиннарында сатуда бетте. Ә туктаткан саен 500 сум штраф түләү бер дә күңелле түгел. Бүгенге көндә дә штраф күләме 500 сум тәшкил итә.

 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Күпләребез яңа машина алганда яңа дәүләт билгесе дә бирелүе хакында белә.
Кайбер водительләр. машина теркәү үзәкләрендәге танышларыннан файдаланып, үзләренең күңеленә якын булган цифрлы дәүләт билгесе алырга тырышты. Вакыты-вакыты белән “текә”номерлар да барлыкка килә торды. Мәсәлән, туксанынчы елларда нигәдер 007 номеры бик текә санала иде. Аннары 009, 777, 999, 888 номерлары модага кереп китте. Андый номерлы булырга теләүчеләр аны теләсә нинди акчага сатып алырга да ризалар иде. Сорау булгач тәкъдим дә барлыкка килә бит инде. Алар, чынлап та, астан гына яисә танышлык аша сатыла башлады. Русия Эчке эшләр министрлыгы карары нигезендә, 7 октябрьдән яңа дәүләт знакларын инспекторлар түгел, ә компьютер сайлап алуы буенча тапшыра башлаячаклар. Яңа карар нигезендә, машинаны саткан чакта, яңасын алганчы үзегезнең дәүләт знагын 360 көнгә үзегездә калдырырга рөхсәт ителә. Моңа кадәр дәүләт билгесен 180 көн үзеңдә саклап була иде. Димәк, заманында “текә номер” алып калучылар әледән-әле машинасын алыштырып торса, гомерлеккә үзендә калдыра ала дигән сүз.