Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Җырчы Иркә үзенең исемен үзгәртүен гади генә аңлаткан. Бу хакта Инстаграмда tatar_estrada аккаунты аның сүзләрен болай дип яза: 

«Мин гаиләдә озак көтеп алынган кыз бала. Кыз туганын белгәч үк, әтиемнең шулкадәр Иркә исемен кушасы килгән, тик алар әбиемнең васыятын үтәргә булганнар. Әбием үлер алдыннан: “Кызыгыз туса, зинһар, Айгөл кушыгыз”, — дип әйтеп калдырган булган. Олы буын кешесенең әйткән сүзе зур ихтирамга лаек булгач, миңа нәкъ әлеге исемне кушканнар. Әтиемнең дә теләге тормышка ашты: берничә ел элек мәчеттә Иркә исемен мулла үзе кушты», дип аңлаткан җырчы. 

tatar-today.ru

Фото: Интернет челтәреннән алынды. 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Яр Чаллы шәһәрендә кәләш минем размердагы туй күлмәге сатмадылар дип кибетне судка биргән.

Судта ачыкланучынча, булачак кәләш кибет белән 23,9 мең сумга күлмәк сатып алуы турында килешү төзи. Килешүдә ул күкрәген 46 нчы, билен 44 нчы размер дип билгели. Туй күлмәген килешүдә күрсәтелгән вакыттан соңрак китерәләр, шуның өстәвенә ул кәләшкә зур булып чыга. Судта кибет вәкиле экспертиза үткәрүләрен таләп итә һәм тикшеренүләр чынлап та күлмәкнең кәләшкә зур булуын күрсәтә. Суд күлмәк хакын тулысынча кайтаруны, кәләшкә 1 мең сум күләмендә әхлакый зыян түләү турында карар чыгара. Кибет хуҗасы 5 мең сум штраф та түләргә бурычлы.

Фото социаль челтәрләрдән алынды. 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

25 февраль көнне популяр җырчы Лилия Муллагалиева дүртенче тапкыр әни булды. Авырлыгы 3680, буе 54 см булган баһадир малайлары туды. Аңа Илһам дип бик матур исем куштылар. Шушы кыска вакыт эчендә Лилия инде диетага утырырга да өлгергән. 
"Менә шулай, җәмәгать, 9 ай үтеп  китте. Рәхәтләнеп ашадык, инде артык килолардан әкренләп котылырга кирәк. Шактый гына эшләргә туры киләчәк. Бүген 4 март - минем авырлыгым 96 килограмм. Бәби табу йортына 105 кг булып кердем. Бик зур саннар. Да, ашап та торгансың, Лилия, диярсез. Әйе, яшермим. Ләкин миндә ихтыяр көче ныклы. шуңа сезнең күз алдында үзгәрергә сүз бирәм. Аллага тапшырдык!"  - дип язы җырчы. 

Артистлар.ру

Фото: ачык чыганак. 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Финанс базары буенча түбән палата комитеты җитәкчесе Аксаков кеременең 50%тан  күбрәген  кредит каплатуга тоткан кешеләргә кредит бирмәскә дигән тәкъдим белән чыккан. Бу хакта «URA.RU» хәбәр итә.

 Бер карасаң, фикер дөрес кебек. Чөнки Русиядә кредит алучылар саны артканнан арта. Һәм бер килеп түләнмәгән кредитлар “куыгы” шартласа, илдәге бер генә банкны “йотмаячак”. Җитмәсә, кешеләр вакытлы мавыгуларга да ничек түләсен уйлап тормый кредит ала.

 Икенче яктан, күпчелек гаиләләр кредитсыз балаларын бакчага да, мәктәпкә дә җибәрә алмаячак. Халык инде бишенче ел бөлә... Акча туплау мөмкин түгел. Хәлдән чыгуның бердәнбер чарасы – кредит.

Безнең илдә башта эшлиләр, аннан уйлыйлар. Бу очракта да кредитсыз  илнең икътисады җимереләчәген алдан уйлармы, юкмы? Халык соңгы тиеннәрен җыярга һәм минимумга яшәргә тырышачак. Акча булмагач, туздыручы да булмый. Ә моны бер генә кече бизнес та күтәрә алмаячак һәм банкрот булып ябылып бетәчәк...

Э.Ибраһимова. 

Фото: социаль челтәрләр. 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

2 мартта Татарстанның Лениногорск районы Тимәш авылында 1939 елгы пенсионер ханым кар астында һәлак була. Бу хакта Русия Тикшерү комитетының Татарстан буенча идарәче җитәкчесенең өлкән ярдәмчесе хәбәр итә.

Татарстан буенча тикшерү органнары башлангыч тикшерү уздыра.

Якынча мәгълүматлар буенча, берничә көн элек пенсионер кызына кунакка килә. Фаҗига көнне кызы белән кияве шәһәргә эш буенча китә. Өйләренә әйләнеп кайткач, алар түбәдән 2 метр тирәсе биеклектә төшкән кар көртенә тап булалар.

 

Хуҗалар ханымның гәүдәсен кар астыннан табып алалар. 80 яшьлек әби кар астында якынча өч сәгать яткан һәм буылып үлгән дип фаразлана.

Хәзерге вакытта мәрхүмәнең гәүдәсе экспертизага җибәрелгән. Фаҗиганең барлык нечкәлекләре тикшерелә. Тикшерү нәтиҗәләре буенча процессуаль карар кабул ителәчәк, дип яза Татар-информ

Шәһри Казан.