Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

- Гәүдәмә карап миңа кырык яшьләр бирәләр, әмма әле күптән түгел генә утызны тутырдым.

Ябыгу турында күп уйландым инде. Диеталарда да утырып карадым. Әмма тән төзелеше шулай булгач, бернәрсә дә эшләп булмый. Авырлык нинди тизлек белән артадыр, хәзер үлчәнгәнем дә юк инде.
Үземнән юан кеше күрсәм, сөенәм инде. Винарис Ильегет янында басып торуы аеруча ошый, үземне нечкәбил дип хис итәм. Аның белән карточкага гына төшәсе килеп тора. Мыскыл итеп әйтмим, берүк үпкәли күрмәсен.

Тазару яхшыга түгел инде. Авырлык белән бергә проблемалары да арта, кан басымы күтәрелә. Дуслар әйтә: ябыгып, матураеп концерт программасы эшләсәң, тамашачы да "Кара, ничек ябыкты икән", - дип, сенсация күреп, концертыңа агылыр иде, диләр.
Бар да Аллаһы кулында. Иң мөһиме - тамашачы мине ничек бар, шулай кабул итсен иде.

Зоя Солошина. 

Шәһри Казан.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Мәскәүнең бер ташландык фатирында табылган маугли-кызның әнисе суд каршына баскан. 47 яшьлек Ирина Гаращенко 5 яшьлек баланы үтерүдә тырышуда гаепләнә, ләкин ул үз гаебен танудан баш тарта. – Мине кызымны газаплауда, аны үз-үзен үтерү дәрәҗәсенә җиткерүдә, кыйнауда гаеплиләр. Бу һич кенә дә алай түгел. Мин аның әнисе, мин аның тудырдым. Биш ел асрап, ашатып-эчертеп, киендереп торам, үстерәм, – дип белдергән кулга алынган хатын.    11 мартта хастаханәдә дәваланучы кыз янына Россиянең бала хокуклары буенча вәкаләтле вәкиле Анна Кузнецова килгән. Аның сүзләренә караганда, хәзерге вакытта баланың хәле уртача авырлыкта дип бәяләнә.   – Бала сөйләшми. Без тәкъдим иткән ризыкларны ул башта исни, аннан соң гына кулына ала. Караватта йокларга да өйрәтелмәгән. Без аны авырлык белән яткырдык. Ул судан да курка, – дигән Анна Кузнецова.      Моңа кадәр матбугат чараларында биш яшьлек Любаның чүп-чар белән тулган фатирда табылганлыгы турында хәбәр ителгән иде. Украинлы әтисе үз иленә киткән. Ә әни дип аталган кеше балага ризык калдырып кына китә торган булган.   Фатирдан гадәти булмаган елау тавышы ишеткән күршеләре ишекне ватып ачарга мәҗбүр булган. Чүп-чар белән тулган фатирда яшәүче балакайның сөйләшә дә белмәве ачыкланган. 

Шәһри Казан. 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Бу хакта Юлиянең PR-менеджеры Анна Исаева хәбәр итте. "Ул реанимациядә, табиблар аның хәлен авыр дип бәяли. Әле аны дәвалыйлар, бу хәлдән чыгарга ярдәм итәләр", - дип сөйли Исаева   РЕН ТВ каналы журналистларына. 

Анна Исаева Юлия Началованың якыннары яхшыга өмет итүен әйтте. 

11 мартта Началова авыр хәлдә реанимацяигә эләккән дигән хәбәр таралды. Якынча мәгълүматлар буенча, җырчының шулай кисәк кенә авырып китүе аның  канында шикәр микъдаре күтәрелү һәм башка җитди авырулар белән бәйле. 

Икенче көнне  табиблар Началованы ясалма сулыш алу аппаратына тоташтыра. Тәүдә җырчының вәкиле Анна Исаева Началованың хастаханәгә эләгүен инкарь иткән иде. Ул бар да яхшы, ә җырчы нибары Мәскәүнең бер  клиникасында гомум  тикшеренү үтә дигән иде. 

Соңрак ул Юлия Началованың хастаханәгә ятуын шундый җитди хәлгә китерүен күз алдына да китермәвен  әйтә, чөнки тикшеренү үтәр өчен генә клиникага мөрәҗәгать иткәндә җырчы гомеренә берни дә янамый.  

 

Фото ачык чыганактан алынды. 

 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Санкт-Петербургта Тикшерү комитеты тикшерүчеләре шәһәрнең үзәк районындагы коммуналь фатирда күп балалы ананың үлеме сәбәбен ачыклыйлар.

Тикшерү мәгълүматлары буенча, 2019 елның 12 мартында хокук саклау органнары 1981 елгы хатынның үле гәүдәсенә тап булганнар.

Хатынны опека органнарына шалтырату буенча тапканнар. Март башында күршеләре опекага шалтыратып ялгыз ананың бүлмәсеннән бик сирәк чыгуын, балалары еш елавын хәбәр иткән.

Опека органнары хезмәткәрләре берничә мәртәбә бу адрес буенча киләләр, әмма фатирга керә алмыйлар. Кичә аларга ишекне күршеләр ача, бүлмәгә кергәч, опека хезмәткәрләре 3 баланы (2, 4 яшьлек ике малай,  9 айлык кыз бала) һәм аларның үле әниләрен  күргән.

Әлеге вакытта балалар Петербург шәһәре дәваханәләрендә. Мәрхүм хатынның барлыгы 5 баласы булган. 18 һәм 12 яшьлек балаларын моңа кадәр аңардан опека органнары алган.

"Комсомольская правда" язуынча, мәрхүм Елена соңгы берничә ай дәвамында балаларын ялгыз үстерә. Аның никахсыз гына яшәгән ире яңа мәхәббәтен очрата һәм Еленаны ташлап китә.

Еленаның абыйсы сүзләре буенча, мәрхүм хатын ире белән аерылышуны авыр кичерә. “Ул чирли иде, аның  дәваланасы килмәде. Соңгы тапкыр ул корсагында ниндидер “шеш” авырта дип зарланды. Табибларга мөрәҗәгать итәчәкмен дигән иде, өлгермәгән инде”.

Балаларны хастаханәдән әтиләре килеп алырга тиеш. Хатынның үлеме сәбәпләре әлегә билгесез. Тикшерү берничә экспертиза билгеләгән.

Вести.ру

Фото: “Комсомольская правда”

 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Mash телеграм-каналы хәбәр итүенчә, Мәскәү үзәгендәге 3 бүлмәле фатирда чүп өемнәре арасында бикләнеп калдырылган кызны табып алалар. Чыганак мәгълүматлары буенча, кыз бала Ленинград шоссесында урнашкан 134 санлы йортта яшәгән. Күршеләре бала елавын ишетеп, ишеккә берничә мәртәбә шалтыраталар, әмма ачучы булмый. Участковый да килә, ул да фатирга керә алмый. Кичә бала елавы көчәйгәч, күршеләре Гадәттән тыш хәлләр министрлыгы идарәсенә шалтыраталар.

Коткаручылар ишекне җимереп керә һәм гадәти фатир урынына чүплеккә тап булалар. Фатирда су да, бер төрле ризык та булмый. Утка  түләмәгән өчен өзеп киткәннәр. Чүп арасында 5 яшьлек кыз баланы күреп калалар. Ул бер сүз дә сөйләшми. Табиблар аңарда эренле отит авыруын ачыклый. 
Маугли-кызның муенындагы тәресенә хәтта ит үргән, баланы ул тәредән хирургик юл белән арындырырга туры килә.  
Күршеләре сөйләвенчә, кыз баланың әнисе, сөяркәсен Украинага депортацияләгәч, акрынлап акылыннан яза. 

Әле кыз бала дәваханәдә. Әнисен исә полиция кулга алган. 

Кызганычка каршы, ир дип акылларыннан язган инфантиль затлар көннән-көн күбәя бара (мисал өчен, баласының башына пакет кидереп, урманда адаштырган зат http://omet-rb.ru/rusiya/1817-nise-malaen-bashyna-kapchyk-kiderep-urmanda-kaldyrgan). 
Аларны хатын-кыз дияргә тел дә әйләнми. Чөнки минем күңелемдә хатын-кыз сүзенең мәгънәсенә "ана" төшенчәсе дә керә. Ә бу вакыйгадагы баласын ачка үтерә язган затны берничек тә ана диеп булмый. Ул нибары тудыручы гына...

Әлфия Шакирҗанова. 

Фото: "Московский комсомолец"