Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Хельсинкилылар "Мулла" фильмын югары бәяләгән. 
Кинокартинаны тамашачыга продюсер, «Татаркино» оешмасы директоры Миләүшә Айтуганова тәкъдим итте. 
Татарстанда төшерелгән "Мулла" фильмын Россия киносы көннәрендә Хельсинки тамашачысында зур кызыксыну тудырган. Тамашачы фильмны татар тормышын күрсәткән милли әсәр дип бәяләгән. 
Фильмга 300ләп тамашачы килгән. Аларның дүрт дистәгә якыны татар кешесе, бер өлеше руслар булса, күбесе биредә яшәүче халыклар. Финляндиядә ислам темасы актуаль. "Мулла" фильмы шул яктан кызыксыну тудырган. Соңыннан очрашу сәгать ярымга сузылган. Бик күп сораулар биргәннәр.

Фото ачык чыганактан алынды. 

 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Кичә Марат Бәшәровның хатыны интернет челтәрендә ире белән аерылышуын хәбәр итте. Аның сүзләренә караганда, ул озак вакытлар гаиләне саклап калырга омтылган һәм Марат үзгәрер дип уйлаган.

Күрәсең, бу актер өчен көтелмәгән хәл булган, чөнки ул Мәскәүдә эшләгән вакытта, Елизавета Таиландта дус кызы һәм улы белән ял иткән. Аның белдерүе Бәшәровның ачуын чыгарган һәм ул бу уңайдан үз фикерен әйтергә булган:

«Ни өчен мин бу хәбәрне интернеттан укып беләм? Сүзем юк! Бары тик әлеге кешенең башка Бәшәров фамилиясен йөртмәвен үтенәм. Хатын Таиландта дус кызы һәм улыбыз белән бер ай ял итә! Һәм аерылышырга булган! Күрәсең, тай массажы тәэсир иткәндер. Ә мин монда эшлим һәм акча җибәрәм», — дип язган Бәшәров.

Сәхнә.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Милли Шура рәисе Вәсил Шәйхразиев иҗтимагый оешмалар эшчәнлеген финанслауның башка ысулларын эзләргә кирәклеген әйтте. 
Бу хакта "Татар-информ" хәбәр итә. Сөйләшү Шәйхразиевның Ростовтагы Дон шәһәрендә Көньяк һәм Төньяк-Кавказ федераль округларында эшләүче татар оешмалары җитәкчелеге белән очрашуы барышында булды. 
"Татар иҗтимагый оешмаларын төбәк җитәкчелеге куәтләп торса да, проблемаларыбыз күп. Башка иҗтимагый оешмалар җитәкчеләре дә моны раслар дип уйлыйм. Безнең оешмабыз ярлы, бөтен эш иҗтимагый оешма җитәкчесенә йөкләнә. Шуңа минем тәкъдимем бар: иҗтимагый оешмалар җитәкчелегенә хезмәт хакы түләп булмас микән?" - дип мөрәҗәгать итте Вәсил Шәйхразиевка Төньяк Осетия-Алания татарлары җәмгыяте рәисе Нурислам Галимов. 
"Алдан ук кисәтим: хезмәт хакы булмаячак. Берегезгә бирсәк, башкаларга да бирергә туры киләчәк. Шуңа күрә эзләгез, эшләгез - грантлар алырга, меценатлар белән эшләргә кирәк", - дип аңлатты Шәйхразиев. Ул өлкә һәм шәһәр грантларына игътибар итәргә өндәде. 
Чыганак: “Татар информ”.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

21 яшьлек Станислав Мавренков подъездга култык таяклы кешенең кереп китүен һәм бераздан соң аны аннан чыгарып җибәрүләрен күреп алган. Урамга чыккач, Станислав әлеге кешенең карда ятуын күрә. Булышырга теләп янына баргач, тегесе егеткә: “Ярдәм итәсең килсә, бар, йөгер, кешеләрне коткар! Мин өйдә газны ачтым”, дип, аңа фатир ачкычларын ыргыта. Әлеге ир-аттан өй белән фатирның номерын сорашып, Станислав дусты белән шунда йөгерә. Бу вакытта өй янында газ хезмәте эшчеләре була, алар газ чыккан урынны таба алмый. Егетләр фатирны ачып кергәч, кухня тәрәзәсенә одеял эленгәнен, газ конфоркаларының ачык булуын күрәләр. “Берәрсе балконга тәмәке тартырга чыкса, бөтенесе күккә очачак иде” дип сөйли Мавренков. Дусты коммуналь хезмәтләрне чакырырга йөгерә, ә ул конфоркаларны ябып, тәрәзәне ача. Шул арада газчылар да килеп җитә. 

Шәһри Казан. 

Фото Интернеттан алынды. 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Ульяновскидагы хәрби училище курсантлары эхинококкозны насвай (чәйни торган тәмәке, составында терлекләр тизәге дә бар) кулланып эләктергәннәр дигән фаразлар билгеле булды. Бу фикерне тикшерүгә якын чыганак хәбәр итә. Паразитлар курсантларның баш миен, күзләрен, бавырын, ашказаны асты бизен, талагын зарарлаган. Алар авыр хәлдә хастаханәдә ята. Берсенә якын арада баш сөяге трепанациясе операциясе ясарга тиешләр.

“Алар үз практикаларында мондый хәлне беренчегә күрә”, - ди чыганак әлеге хәлләрне күргән паразитолог табибларның фикерләрен искә алып.

Кисталарны  үпкәләрдә генә түгел, башка органнарда да табалар. Кайсыбер авырулар химия терапиясе үтәргә тиеш булачак. Әйткәндәй, илнең башка хәрби училищеларында да курсантларның сәламәтлеген тикшерергә дигән күрсәтмәләр килгән. 

"Московский комсомолец".