Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

 Ут күршебез Татарстанның Зәй районында яшәүче Эдуард белән Оксана Хәсәншиннар ике кызлары белән урманга гөмбә җыярга баргач гаҗәеп күренешкә тап булганнар.

Алар бик зур җиде яңгыр гөмбәсе тапканнар. Аларның берсенең авырлыгы хәтта 6 килограммга җиткән!

Гигант гөмбәләр фотосын әлеге гаилә районда бара торган "Көз рекорды" бәйгесенә дә юллаган.

Шәһри Казан

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

РФ Хезмәт министрлыгы ял көннәрен күчерү турындагы хакимият карары проектын әзерләде, дип яза «Российская газета». Яңа ел каникулларыннан 5 гыйнвар — шимбә көн 2 майга — пәнҗешәмбегә, ә 6 гыйнвар, якшәмбе, 3 майга — җомгага, күчерелә. 23 февраль шимбәгә туры килү сәбәпле, ул 10 май, җомга көнгә, күчә.

Шулай итеп, Яңа ел каникуллары 2018 елның 30 декабреннән башлана һәм ун көн — 2019 елның 8 гыйнварына кадәр дәвам итә.
Киләсе елда Ватанны саклаучылар көненә озын яллар каралмаган, 23 һәм 24 февраль — шимбә, якшәмбе көннәрендә ял итәчәкбез. Ә менә Халыкара хатын-кызлар көне җомгага туры килә һәм шунлыктан өч көнгә сузыла.
2019 елда май каникуллары моңарчы булмаганча озак дәвам итәчәк. Беренче май бәйрәме уңаеннан 1 майдан 5 майга кадәр — 5 көн ял итәчәкбез. Җиңү көнендә 9 майдан 12 майга кадәр — 4 көн ял булачак.
 
Русия бәйсезлеге көнендә киләсе елда бер генә көн ял көтелә — 12 июнь сишәмбе көн. Ноябрьдә Халыклар бердәмлеге көнендә өч көнлек яллар булачак — 2-4 ноябрьләрдә.
 
Өстәмә яллар да булачак.  Ураза Гаете һәм Корбан бәйрәме ( Республика Хөкүмәте карарына ярашлы, алар 4 июнь һәм 11 август көнне билгеләнәчәк) кертеләчәк.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

12 сентябрь Бөгелмәдә киноларда гына күрсәтелә торган куркыныч вакыйга була: коралланган караклар бер эшмәкәрнең өенә бәреп кереп, хуҗа һәм аның хатынын бәйли. Соңрак җинаятьчеләр йортта эшли башлаган сигнализацияне сүндерү өчен ир-атның бауларын чишә.

Татар-информ” язуынча, эшмәкәр бу форсаттан файдаланып, үзенә һөҗүм итүче каракларга пычак белән ташлана. Алган җәрәхәтләрдән икесе һәлак булган. Машинага утырып качарга өлгергән өченчесен берничә сәгатьтән соң, "Перехват" оештырып, шул ук шәһәрдә тоткарлыйлар.  

Әлеге вакыйга буенча тикшерү бара.

Матбугат.ру

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Белгород өлкәсендә тикшерүчеләр Старый Оскол шәһәрендә яшәүче 14 яшьлек үсмергә карата “Үтерү” маддәсе буенча җинаять эше ачкан.

Сентябрь башында укучы малай берничә көн мәктәпкә бармаган. Аның әнисе ялда була бу вакытта. Шуңа үсмер картәнисендә яшәп торган була. Мәктәпкә бармаганы өчен әбисе белән оныгы арасында даими конфликтлар була. 7 сентябрьдә әбисе янә оныгына шелтә белдерә башлый, шул моментта үсмер өстәлдә яткан пычакны эләктереп ала да картәнисенә күп тапкыр чәнчә.

Олы хатын шунда ук җан бирә, оныгы, куркып, берничә көн фатирдан чыкмыйча әбисенең мәете янында куна. Ялдан кайткан әнисе хокук саклау органнарына хәбәр итә.

Үтерүдә гаепләнгән үсмер кулга алынган.

Әлеге вакытта тикшерүчеләр үсмергә берәр йогынты ясау-ясамауларын ачыклар өчен гаепләнүченең тормыш шартларын, аның үсеш үзенчәлекләрен, дус-ишләрен өйрәнә.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Кичә иртән Иркутск өлкәсенең Куйтун районы Уян авылында дәресләрне туктатып торырга мәҗбүр булганнар. Чөнки дәрес барган вакытта мәктәп бинасының бер өлеше ишелеп төшкән. Балаларны аннан чыгарып, өйләренә кайтарып җибәргәннәр, дип яза Комсомольская правда.

Мәктәп бинасын төзегәнгә 40 еллап чамасы булган, ул авария хәлендә дип саналмаган, ә менә мәктәп корпусының бер өлешеннән икенчесенә күчә торган корылма 2009 елда ук авария хәлендә дип саналган булган. Бәхеткә, зыян күрүчеләр юк.

Балаларның кайда укуларын дәвам итүләре турындагы сорауга, Куйтун районы мэры Андрей Полонин, 15 чакрым ераклыктагы авыл мәктәбендә урыннар бар, дип белдергән.

Шәһри Казан