Шагыйрәләр сүзе – җиһан сере

Кичә Уфа “Нур” татар дәүләт театрының кече залында “Шагыйрәләр сүзе – җиһан сере” дип исемләнгән әдәби музыкаль кичә узды. Аны елдагыча Башкортстан татар хатын-кызлары иҗтимагый оешмасы “Сәхибҗамал” оештырды.

Фойеда оста куллы ханымнар: дизайнер – Гульнарита Камалова, кул эшләре остасы Зөһрә Исламова теккән һәм чиккән калфаклар, татар милли күңел бизәкләрен чагылдырган кул эшләре, “Сәхибҗамал”ның Уфа бүлекчәсе җитәкчесе, шагыйрә Дилә Булгакова китаплары урын алган иде. Кунакларны ишек катыннан ук мили рух каршы алды.

Чара елдагыча күтәренке рухта, тулы зал белән узды. Халыкка сәламләү сүзе белән “Ихлас” мәчете имам-хатибы Мөхәммәт Галләм хәзрәт мөрәҗәгать итте. Бу көнне республикада яшәп иҗат итүче сигез шагыйрә- Зифа Нагаева, Фәнирә Ибраһимова, Әлфия Булат, ФатыймаГыйльметдинова, Римма Гайнанова, Миләүшә Гыйльманова, Альбина Хәлиуллина, Венера Мәҗитова, Гөлназ Абдуллина үзләренең иҗаты белән таныштырды.

Шагыйрәләрдән кала, бәйрәмнең иң зур бизәге – Башкортстанның төрле районнарыннан бердәм булып килгән төрле яшьтәге тамашачылар иде. Туган телгә тугрылык һәм сөю саклаган дуслар шигърият бәйрәмендә катнашып, рухи күтәренкелек алды. Залда өстәмә урыннар куярга туры килде хәтта.

Проектның авторы, “Сәхибҗамал” оешмасының җитәкчесе Динә ханым Морзакаева чара турында болай диде: “Матди һәм шәхси мәнфәгатьләрне күздә тотмый, тик күңел омтылышына, фидакарьлеккә нигезләнгән чара бик матур килеп чыкты. Бәйрәмнең “Туган тел” җыры белән тәмамлануы, районнардан килүчеләрнең  “Без “Сәхибҗамал” га кушылырга телибез!”-дип “ах” итеп торулары дулкынландыргыч иде. Бу күмәк эш, бердәмлек нәтиҗәсе!”

   Күңелләрдә иҗат ялкыны сүнмәсен, туган тел киләчәге үзебезнең кулда. Аның кыйммәтен барлар очрашулар еш булып торсын.

 Безнең партнерлар

   

Яндекс.Метрика
Государственное унитарное предприятие Республики Башкортостан Издательский дом «Республика Башкортостан»
Филиал: Редакция газеты «Омет»- филиал государственного унитарного предприятия Республики Башкортостан Издательский дом «Республика Башкортостан»
450079, г. Уфа, ул. 50-летия Октября, дом 13, 9 этаж, тел. 273-94-38, 273-64-81, e-mail: omet-ufa@mail.ru
Вся информация и материалы, размещенные на сайте редакции газеты «Омет» защищены международным и российским законодательством
об авторском праве. Все сообщения газеты «Омет» предназначены для пользователей старше 12 лет.
При перепечатке или цитировании ссылка на газету «Омет» обязательна.
Дизайн сайта- Абдуллин Фаниль
>