Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

Самолетта хулиганлык гамәлләре кылганы өчен Башкортстанда яшәүче ирне 300 мең сум штрафка тарттырганнар.

Идел буе транспорт прокуратурасы хәбәр итүенчә, вакыйга 2017 елның ноябрь аенда булган. Стәрлетамак шәһәрендә яшәүче исерек бер пассажир Уфа-Пхукет самолетында тәртипсезләнә башлый: кычкырып-кычкырып сүгенә, пассажирларга һәм стюардессаларга яный. Аннан үзеннән алда утырган балалы пассажирның урындыгын йодрыклары белән төя башлый.
Экипаж командиры полиция чакырырга мәҗбүр була. Хулиганны, самолеттан төшереп калдырып, ансыз гына очып китәләр.
Судта Уфа транспорт прокурорының ярдәмчесе дәүләт гаепләүчесе булып катнашты. Пассажирны гаепле дип таптылар һәм 300 мең сум штраф түләтү турында карар кабул иттеләр. Моңардан тыш, тәртипсез пассажирны авиакомпанияләрнең кара исемлегенә кертәчәкләр һәм якын киләчәктә ул самолетта оча алмаячак.
РФ Һава кодексына үзгәрешләр кертелү сәбәпле, Русиядә 2018 елның 4 июненнән “кара исемлек” булачак һәм анда эләккәннәр һава юллары белән файдалана алмаячак.