Кытайның көньяк-көнчыгышында урнашкан Чжанъе Данься дип исемләнгән уникаль төсле кыялар  туристларны үзенә көннән-көн җәлеп итә.

2009 елда Chinese National Geography  журналы бу кыяларны Кытайның 6 иң гүзәл ландшафтлы урыннары исемлегенә керткән.

Күзне камаштырырлык бу табигый гүзәллек Чжанъе шәһәреннән 30 км ераклыкта урнашкан.

Геология феномены Чжанъе Данься комлыклар һәм башка казылмалар катламы нәтиҗәсендә 24 миллион ел дәвамында формалашкан. Үзе катламлы тортны хәтерләтә.

Тектоник плитәләрнең хәрәкәт итүе, эрозия сәбәпле  һәм вакыт үтү аркасында  урындагы ландшафт  төрле формага, төскә, зурлыкка ия була – баганалар, башнялар, таулар, калкулыклар, чокырлар - монда бихисап. Ал, сары, алтынсу, зәңгәр һәм яшел төсләргә бу кыяларны әйтерсең рәссам буяган!

2010 елда  Чжанъе Данься төсле кыялары ЮНЕСКОның Бөтендөнья мирасы исемлеген кертелә,  ә 2011 елда Чжанъе Данься милли геопарк статусын ала.