Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Кичә Уфада “Килмешәк” спектакле татарча тифлокомментарийлар белән күрсәтелде. Бу хакта беренче татар тифлокомментаторы, Татарстанның сукырлар һәм начар күрүчеләр өчен махсус китапханәсе белгече Гөлүсә Закирова хәбәр итә. Чынлап та, бу вакыйга Уфа өчен яңалык. 
Гөлүсә Закирова Уфага артистлар белән бергә килгән. Тифлокомментарийлар өчен кирәкле җиһазларны – 20 плеер, бер кулланылышлы колакчыннарны, датчик белән микрофонны Казаннан алып килгән. 
Сукырларга һәм начар күрүчеләргә спектакльгә билетлар “Особый взгляд/Special view” программасы аша бушка таратылган. Гөлүсә Закировага бу очракта Уфадагы коллегалары – БР Сукырлар һәм начар күрүчеләр өчен махсус китапханәсе хезмәткәрләре булышкан. “Без алар белән күп еллар тыгыз элемтәдә, татарча китаплар жибәреп тә торабыз”, - ди ул. Гөлүсә Закирова Камал театрының бу спектакле Уфада башкортча тифлокомментарийлы спектакльләр чыгара башларга этәргеч булыр дип саный. 
Тифлокомментарийлы спектакль - тамашачыга сәхнәдә барган тамаша турында колакчыннар аша өстәмә мәгълүмат бирелү.

 

Кулланылган чыганак: "Татар-информ"

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Бу инцидент Уфаның Нижегородка бистәсендә булган. Чакыру буенча килеп җиткән пожарниклар, төтен-ялкын күренмәгәч, хәбәр итүче ханымнан “Нәрсә яна соң?” дип сорарга мәҗбүр булганнар. Ә ул “йөрәк яна” дип җырлап җибәргән.

 Күршеләре әйтүе буенча, бу хатынның мондый шалтыратулары беренче генә түгел икән. Хәзер аны янгын турында ялган хәбәр җибәргәне өчен җаваплылыкка тарттыру карала.

“Яна йөрәк, яна йөрәк, яна – пожарник кирәк” дип әйтү җырда гына шул. Тормышта  йөрәк януын пожарниклар сүндерми...

Г.Гаянова.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Башкортстан республикасының Юстиция эшләре буенча дәүләт комитеты былтыр ничә гаиләнең таркалуы һәм аларның ничә ел үткәч аерылышулары хакында статистика мәгълүматларын игълан итте.

2018 елда республиканың ЗАГС бүлекләре никах таркату турында барлыгы 15407 акт теркәгән. 2017 елда 15568 пар аерылышкан булган.

6104 парның гаилә стажы – 5 елдан әзрәк.

3906 пар 5-10 ел яшәгәннән соң никахларын таркаткан.

2038 пар 10-15 елдан соң аерылышкан.

1623 пар 15-20 ел үткәч аерылышырга булган.

1736 гаилә 20 ел һәм аннан да озаграк бергә яшәгәч, аерылышкан.

Республиканың 12 районында һәм шәһәрендә (Архангель, Белакатай, Гафури, Караидел, Стәрлетамак, Тәтешле, Шаран, Белорет районнары, Белорет шәһәре, Учалы районы һәм шәһәре, Уфаның Октябрьский районы) аерылышучылар саны азайган.

Шунысы кызганыч, никахлар саны да азайган. Былтыр 25388 гаилә корылган. Бу 2017 ел белән чагыштырганда 9,1 проентка азрак.

Эльмира Ибраһимова әзерләде.

Фото: Ачык чыганактан.

 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Русиянең һәм Башкортстанның халык артисты, Салават Юлаев исемендәге Башкортстан республикасы дәүләт премиясе лауреаты Заһир Валитов арабыздан китте.

Ул 1940 елны Күгәрчен районында дөньяга килгән. 1964 елда – Уфа дәүләт сәнгать училищесын, 1987 елда З. Исмәгыйлев исемендәге Уфа дәүләт сәнгать институтын тәмамлаган. 1964-1970 елларда Сибай драма театрында эшләгән. 1970 елдан алып М. Гафури исемендәге Башкорт Дәүләт драма театры артисты булды. Тамашачылар күңеленә бик күп үзенчәлекле образлар белән кереп калды ул.

 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Паралимпия чемпионы, Русиянең атказанган спорт мастеры, Гиннесс рекордлары китабы рекордчысы, Башкортстанның “Милләт яшьлеге” төбәк иҗтимагый фондының рәисе Рима Баталова Сибайга эш сәфәре белән барды. Почетлы кунакны  Сибай мэры Рөстәм Афзалов, хакимият башлыгы урынбасары Гүзәл Ишемгулова озата барды. Рима Акбирде кызы сәламәтлек мөмкинлекләре чикләнгән балалар һәм үсмерләр өчен реабилитация үзәге филиалы тәрбияләнүчеләре белән очрашты. Ул үзенең “Милләт яшьлеге” төбәк иҗтимагый фонды һәм  “Башнефть” компаниясе белән берлектә  «Спорт доступен каждому» хәйрия проектын тормышка ашыра. Бу программа инвалидларны социаль адаптацияләүгә, Башкортстанда балалар һәм үсмерләр спортын үстерүгә юнәлтелгән. Программа кысаларында республиканың 30 коррекцион интернат-мәктәпләре махсуслаштырылган тренажерлар һәм спорт инвентаре алган. Бу юлы исә фонд һәм  “Башнефть” компаниясе сертификатларны Белорет шәһәренең сәламәтлек мөмкинлекләре чикләнгән балалар һәм үсмерләр өчен реабилитация үзәге директоры Булавко Елена Владимировнага, Сибай шәһәренең сәламәтлек мөмкинлекләре чикләнгән балалар һәм үсмерләр өчен реабилитация үзәге филиалы мөдире Дәүләтбәкова Илүзә Нурмөхәммәт кызына, Учалының сәламәтлек мөмкинлекләре чикләнгән балалар һәм үсмерләр өчен реабилитация үзәге филиалы мөдире Вәзетдинова Гүзәл Ядкарь кызына тапшырды. Шундый зур бүләкләр һәм игътибар өчен Сибай башлыгы Рөстәм Афзалов Рима Акбирде кызына рәхмәтләрен җиткерде:

 - Залдагы һәркем безнең игътибарга мохтаҗ балаларга шатлык өләшергә килгән. Мәрхәмәтле булырга әзер торган һәркайсыгызга зур рәхмәт!

Арытаба Рима Баталова коррекцион мәктәпкә юлланды.