Япониядә Кейко Оцухата исемле ханым бик нык күгәрченнәрне ярата икән. Алар арасына кереп кушылыр өчен хәтта аякларына күгәрчен ясап кигән. Алай гына түгел, аның фетрдан ясалган башмаклары күгәрченнәр арасында лидер булуын теләгән. Әмма кошлар аның теләген аңламаган булса кирәк, үз араларына “кабул итмәгәннәр”. Җитмәсә, әлеге аяк киеме шактый уңайсыз булып чыккан... Әмма Кейко күңелен төшермәгән. Мондый аяк киеме тегү өчен инструкция ясап, интернетка салган. Әйткәндәй, бер пар күгәрчен-түфли якынча 50 мең тора.

Хәер, тузга язмаган “аяк киемнәре” уйлап утыручылар белән дөнья тулган шикелле...

Э.Ибраһимова. 

Фото ачык чыганактан алынды. 

 

Көньяк Кореяда ел саен ялкаулар ярышы үтә. Бу турнирны 2014 елда рәссам Вупс Ян уйлап таба. Ул моны тормыштагы ыгы-зыгыга каршы куярга тели. Ярышта җиңү бик җиңел түгел, катнашучылар 1,5 сәгать тик утырырга тиеш, сөйләшергә, бер-береңә елмаерга, йокларга ярамый. 15 минут саен катнашучыларның пульсын үлчиләр, йөрәк ритмы тигез булырга тиеш. Ялкаулар ярышы елдан-ел популярлаша. 

Ирек мәйданы. 

Нурсолтан Назарбаев Казахстан белән 1990 елдан бирле идарә итә.

Казахстан Президенты Нурсолтан Назарбаев отставкага китә. Бу хакта РИА Новости хәбәр итте. 

"Казахстан Президенты Нурсолтан Назарбаев отставкага китүен хәбәр итте", - диелгән бу хәбәрдә.

Нурсолтан Назарбаев ТВ аша халыкка мөрәҗәгать иткән. "Мин президент  вәкаләтләрен туктатырга дигән  карар кылдым", - дигән ул.

Президент сайлауларына кадәр Казахстан республикасы  башлыгы вазифасын Парламент сенаты спикеры Касым-Жомар Токаев башкарачак, дип яза РИА Новости.

  • Нурсолтан Назарбаев Казахстан белән 1990 елдан башлап идарә итте. 2015 елда аны бишенче тапкыр Президент итеп сайлаганнар иде.

Африкада алсу төстәге фил баласы туган. Африка филләре арасында бу сирәк күзәтелә. Белгечләр аның арытаба исән калуына шикләнә, чөнки Африканың кайнар кояшы нәни филнең сукыраюына китерергә һәм тире проблемалары тудырырга мөмкин. 
Алсу төстәге фил баласын күреп калган Майк Холдинг бу хәлне искитмәле тамаша дип атаган.

Кытай физиклары EAST  термик төш синтезы өчен экспреименталь реактор төзелешен төгәлләү өстендә. Бу хакта Life.ru га сылтанып Day.Az  хәбәр итә.

Басма билгеләвенчә, бу корылмада Кытай тикшеренүчеләре чын реакциягә якынайтылган термик төш реакциясен булдырырга  ниятли. Буисә үз чиратында ышанычлы, шул ук вакытта арзанлы һәм чиксез энергия чыганагы булдырырга ярдәм итәчәк. Кытай милли төш корпорациясе җитәкчесе  Дуань Суру  энергиянең “җитештерү күләменә” быел ук чыгарга җыенуларын әйтте.

Моңа охшаш эксперименталь реакторга 90-нчы елларда тест үткәрелгән, шул вакыттан алып аның технологиясен камилләштерү буенча берөзлексез эш бара. Кытай физиклары  әйтүенчә, термик төш реакторының “эш” температурасы 105 миллион градус булырга мөмкин. Тикшеренүчеләрнең төп максаты – плазма  импульсын 1 мең секундка җиткерү. Галимнәр фикеренчә, бу реакторга сәнәгать оешмаларын гына түгел, шәһәрләрне дә тоташтырырга  мөмкинлек бирәчәк.

Бу корылманы рәсми булмаган телдә “ясалма кояш” дип йөртәләр. Галимнәр уңышка ирешкән хәлдә, кытайлар чиксез генә түгел, экологик яктан саф та  энергияне берөзлексез кулланачак.

Шулай, җәмәгать. Ни булса, кытайлардан булыр инде ул...

Фото: businessinsider.com