Рейтинг:  5 / 5

Звезда активнаЗвезда активнаЗвезда активнаЗвезда активнаЗвезда активна


Бер коллегабыз: “Туйдым, эш тә эш, эш тә эш!” – дип котырынып, нервыланып, барыбызны да бимазалап йөри башлагач, без моны психотерапевт янына барырга күндердек. Икенче көнне килгән бу эшкә. Елый-елый безне кочаклый, өстәлдәге кәгазьләрне, компьютерларны үбә, “Йә, Хода, мин эштә, мин бит эштә!” – дип сөйләнә... “Ни булды тагын?” – дибез. Тынычлангач, ул барысын да сөйләп бирде.
– Бардым мин психотерапевт янына. Чиратта исерек ирләрен айнытырга дип 500 сум акчаларын кыстырып авыл хатыннары утыра. Бу тегеләрнең биш йөзлекләрен кесәсенә шудыра да, ирләрен алып кереп китә бүлмәсенә. Утыра торгач, минем дә чират җитте. Аңлатып бирдем ни өчен килгәнемне. “Эш бик тыгыз, чабып йөри торгач, туйдым дөньясыннан”, – дим.

Рейтинг:  5 / 5

Звезда активнаЗвезда активнаЗвезда активнаЗвезда активнаЗвезда активна


Марат, коридордан ишетелгән шау-шуга колак салып, алдында яткан китап-журналларны читкәрәк этеп куйды. Тыштагы тавышның сәбәбен ачыкларга теләп, урыныннан кузгалган гына иде, бүлмә ишеге шар ачылып китте дә мәктәпнең беренче тәртип бозучысы Бариев Илһам килеп керде. Дөресрәге, аны кемдер төртеп кертеп җибәрде. Малай артыннан ук кызарынган-бүртенгән Самига Гариповна күренде.

Рейтинг:  5 / 5

Звезда активнаЗвезда активнаЗвезда активнаЗвезда активнаЗвезда активна

Башкалада яшәгән балаларына уйламаган җирдән җыенырга туры килде Тәрҗемә апага. Исәбе-уенда да юк  иде, энесенең хатыны көчләп диярлек күндерде. “Әйдә, әзер машинага утырып бар, бер-ике көн йортыңа күрше-күлән дә күз-колак булып торыр, сыерыңның да ташлаткан чагы”, – дигәч, ризалашты. Улы белән килененең кайткан саен: “Әнкәй, фатир котлатканнан бирле безгә килгәнең дә юк”, – дип үпкәләбрәк әйткәннәре дә гел күңелен кырып торды. Чынлап та ике ел вакыт үтеп киткән, ләбаса. Үзләре еш кайтып йөргәч ни, сизелми дә икән вакытның узганы.

            Кичтән балаларына кәрәзле телефоннан шылтыратып, кунакка киләсен әйткәч, Тәрҗемә апа  алып барасы күчтәнәчләрен хәстәрләргә кереште. Ике олы сумканы тутырып, веранда ягына чыгарып куйгач: “Барысын да салдыммы, тагын берәр нәрсә онытылып калмады микән?” – дип сөйләнә-сөйләнә урын җәяргә кереште. Касыймы үлгәннән бирле, түрдәге йокы бүлмәсендә ятмый ул. “Бәләкәй як” дип йөртелгән бүлмәдәге диванда йоклый. Җылырак та, уңайлырак та кебек тоела үзенә. Бәлки сагыну, юксыну хисләрен җиңәргә тырышуы гынадыр, кем белсен! Кырык ел кырык көн генә түгел бит. Бер тән, бер җан иткән ястыкка ялгызың килеп ятулары, ай-һай җиңел түгел икән! Пенсия яшенә җиткәч кенә, язмыш күпсенде шул. Көндезләре көндәлек мәшәкатьләр белән үтсә дә, кичкә кергәч, ялгызлык сиздерә. Әлдә ярый Илсур улы башкалада калды. Әнә, кызларын өйләнешү белән ирләре Себергә алып чыгып киттеләр. Барысы да шунда агылганда, безнекеләрне генә тыеп калып буламыни? 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна



Искәндәрнең Бүләк авылына килеп төзелеш өчен агач материаллары әзерләү эшенә тотынуына да хәтсез вакыт үтеп киткән иде инде. Ул трактор белән урманнан әзер киселгән бүрәнәләрне үзләре яшәгән квартиралары янына ташый. Эш бик җиңелдән түгел. Шулай булса да егетләр бирешеп тормыйлар, карга бата-чума булса да, бер караңгыдан икенче караңгыга кадәр тырышалар. Ничек тә булса ышанып тапшырылган эшне җиренә җиткерергә кирәк. Менә бүген дә хәтсез эш эшләнде.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Зәйнәб Биишева исемендәге Башкортстан “Китап” нәшриятында “Яшьләр тавышы” сериясендә башкорт, рус һәм татар телләрендә биш авторның китабы дөнья күрде.

Менә алар быелгы “Яшьләр тавышы”ның яңа исемнәре: Айбулат Сәсәнбаев (“Күлләвектәге болытлар”), Рәсимә Салихова (“Күңел капкалары”), Дилә Мөхәррәмова (“Без үскәндә биш кыз идек»), Александр Хватков (“Ритм времени”), Зөлфия Сәетбатталова “Сер яшергән миләш”.