Как сделать потолок из гипсокартона. Как сделать подвесной потолок в доме. Какой потолок лучше сделать. Отделка ванной комнаты. Быстрая отделка ванных комнат панелями. Отделка ванной комнаты пластиковыми панелями. Кровля крыши профнастилом. Качественные материалы для кровли крыш. Крыша из мягкой кровли. Самоделки для сада. Успешные самоделки для сада своими руками. Самоделки для сада и огорода. Ванная мебель для ванной комнаты. Купить мебель для ванных комнат недорого. Заказ мебели для ванной комнаты. Бизнес малое производство. Самый малый бизнес идеи производство. Новый бизнес производство. Монтаж дверей своими руками. Быстрый монтаж входных дверей. Легкий монтаж пластиковых дверей. С чего начать ремонт квартиры. Быстрый ремонт дома с чего начать. Ремонт своими руками для начинающих.

 

 

                                                                                                   

Акчәчәк

Бакча артындагы койма буенда, кычытканнар арасында, бер акчәчәк калкып чыкты. Ул тирә-ягына күз салды һәм югалып калды. Аны таныш булмаган үсентеләр урап алган! Акчәчәккә куркыныч булып китте. Күпме эзләнсә дә, якын-тирәдә үзенең тамырдашларын тапмады. Аның башы иелде, яңа гына ачылып килгән ап-ка таҗлары йомылды, күңелсез уйлар биләп алды. Акчәчәк кояш яктысына омтылды. Тик биек булып үскән кычытканнар аны каплады, бераз башын күтәреп кояшка үрелә башласа, чагып-чагып алдылар. Тәне авыртты, күңеле елады.
– Ник мине шулай рәнҗетәләр? Мин бит кечкенә, тирә ягымдагыларга бер зыяным да тими! Их, бары тик кояшны гына капламасыннар иде. Яктылык, җылылык җитми миңа. Шуңа да сабагым сыек, йомшак. Әкрен генә искән җилгә дә егылырга торам, – дип өзгәләнде акчәчәк.
Хәер, искән җилләрдә тибрәлеп утырырлык мөмкинлеге дә юк иде аның. Көчле җил исеп киткәндә кычытканнар акчәчәккә бәрелеп-бәрелеп алдылар, аның тәнен әрнетеп чактылар, ә кычыткан яфракларына утырган юл тузаны акчәчәкнең таҗларына чәчрәде.
–Мин башка төрле шул, яфракларым да йомшак, йөзем дә ак, чәнечкеләрем дә юк. Димәк, мине шуның өчен яратмыйлар, үзләренә охшамаган өчен җәзалыйлар! Янымда яклар, курчалар дусларым да, үз ишләрем дә юк шул. Ни өчен мин монда, бөтенләй чит-ят үсентеләр арасында тамыр алдым икән соң?
Акчәчәкнең бу соравына җавап бирүче табылмады. Көн артыннан көннәр үтте. Җәй ахырына кычытканнар бераз үзгәрде. Аларның яфраклары бөрешеп калды, башлары түбән иелгәндәй күренде. Акчәчәк, киресенчә, башын күтәрде, сабагы ныгыды. Ниһаять, ул рәхәтләнеп сулады. Көндез кояш нурларында коенды, кояш яктысында иркәләнде. Ә инде төннәрен керфекләрен йомып, йоклап ял итеп алды. Аңа хәл керде. Акчәчәк җирдә ышанычлы басып торганын тойды, тик аның күңеле һаман үзенең тамырдаш дусларын көтте, моңайды.
Көз җитте. Кычытканнар, коймага сөялеп, аумаска тырышсалар да төрлесе төрле якка егылды. Акчәчәк иркенләп тирә-якны күзәтә башлады. Һәм үзеннән берничә генә адым ераклыкта нәкъ үзе кебек ак-ак чәчәкләр төркемен күреп алды.
– Нинди матурлар, нинди бәхетлеләр!
Беркөнне бакча артында кинәт кенә бер кыз бала пәйда булды. Ул нидер сөйли-сөйли теге ак чәчәкләр янына барды һәм аларны өзә башлады. Үзе чәчәкләрне кочагына җыйды, үзе көлде, үзе шатланды. Чәчәкләрне битенә якын китереп иснәде, үбеп-үбеп алды, сыйпап-сыйпап сөйде.
– Беркем дә мине күреп шулай сөенмәде, миңа карап беркем дә сокланмады, – дип өзгәләнде акчәчәк. Үземнең тамырдашларым белән танышып та өлгермәдем, ичмасам. Мин бит аларны күреп тә туймадым!
Акчәчәк авыр уйларга бирелеп кыз баланы күзәтте. Ә кызчык нәрсәдер эзләгәндәй тирә-ягына каранды. Һәм аның карашы ялгыз үсеп утырган акчәчәктә тукталды. Өзеп алмакчы булып үрелгән иде дә, усал кычытканнардан курыкты. Шулчак аның янына әнисе килде һәм чәчәкне өзеп алып кызына бирде.
Акчәчәк куркуыннан калтыранды, хәлсезләнде. Бер мизгел хәтта һушын югалтып торды. Үзен теге чәчәкләр белән бер кочакта икәнен сизеп алгач кына җанланып китте. Аны туып-үскән җиреннән, туфрагыннан, тамырыннан аерып өзеп алдылар, тик ул шуңа карамастан, үзен бәхетле итеп сизде. Акчәчәк гомеренең көзендә булса да үз ишләрен тапты! Ул аларга сыенды, иркәләнде, күңеленнән рәхәтлек кичерде.
Кызчык чәчәкләр гөлләмәсен өенә алып кайтып вазага утыртып куйды. Ул аларга шундый сокланып карады, күзләрендә шатлык һәм канәгатьлек нурлары балкыды.
Ә төнен көзнең беренче салкыннары җиргә аяк басты – кырау төште.
Зәйтүнә Галиева.

“Чакырылган” кунаклар

Ярмәкәй авылында була бу хәл. Гөлбану җиңги төшке ашка әзерләнеп йөри. Шулчак өйгә бисмиллалар әйтә-әйтә өч әби килеп керә. Гөлбану җиңги аптырап: “Саумысыз, әбиләр, нинди йомышлар белән йөрисез?”– дип сорый. “Ике кыз ашка әйткән иде бит, менә килдек без”,– диләр әбиләр. Аптырашка калган Гөлбану җиңги аны-моны уйлап өлгерми, бисмиллалар әйтә-әйтә, өйгә тагын унике әби килеп керә. “Сез дә ашка килдегезме?”– ди хуҗабикә елмаеп. “Бәй, үзең ике кыздан ашка әйттердең, ашка килдек инде без”,– диләр әбиләр. Календарьга күзе төшкәч кенә Гөлбану җиңги бу хәлнең серенә төшенә. Әбиләргә дә әйткәч, барысы да рәхәтләнеп көлешәләр. Ләкин аптырап калмыйлар, өстәл артына утырышалар да булган ризыклар белән тәмләп чәй эчәләр. “Күптән бер-беребезне күргән юк иде, күрештек, рәхәтләнеп сөйләштек. Менә дигән аш үткәрдек. Рәхмәт инде теге ике балага дип, көлешә-көлешә, 1 апрельне мактый-мактый таралышалар әбиләр.

Әдип Шәнгәрәев.
Ярмәкәй районы,
Иске-Сүлле авылы.

Ике ут арасында.

Мин... Мин гафу үтенәм, әлбәттә. Мин эчми торган кеше. Юк, бөтенләй эчмим түгел, ара-тирә булгалый иде. Бәйрәмнәрдә. Я булмаса ял көннәрендә. Тагын аванс алганда. Я кайгыдан, я шатлыктан дигәндәй... Кайгы да, шатлык та булмаса, эч пошканнан... Кыскасы, булгалый инде. 

Әмма хәзер бетте, туктадым.

Тулысынча:Ике ут арасында.

Халык хәтерендә яши

Дондагы Ростов шәһәрендә Башкортстанның халык шагыйре Рәми Гариповның 85 еллыгына багышланган әдәби кичә үтте. Дәүләт китапханәсендә узган чараны “Якташлар” татар-башкорт мәдәни үзәгенең башкорт секциясе җитәкчесе Мәхмүт Сәлимов оештырган.

 Кичәгә 50гә якын кеше җыелган. Шагыйрьнең шигырьләре башкорт телендә дә, рус телендә дә яңгыраган. Кичәне музыкаль яктан бизәгән курай моңы да, биюләр дә тамашачылар күңеленә хуш килгән. 

Әйткәндәй, Уфада Рәми Гариповка һәйкәл куелачак. Халит Галиуллин авторлыгындагы скульптура шәһәр хакимияте белән килешүнең икенче этабын да үтте. Әлегә һәйкәл “Башинформсвязь” бинасы һәм “Родина” кинотеатры арасында 2017 елның өченче кварталында куелыр дип фаразлана.  

 

“Илһам чишмәләре- 2017”

Бәләбәйдә “Илһам чишмәләре” Төбәкара шигърият фестивале башланып китте. Аның беренче өлешендә (27 февральгә кадәр) муниципалитетлар һәм иҗади берләшмәләр татар, башкорт, рус яки чуваш телендә язучы иң яхшы үзешчән шагыйрьләрне барлап, аларның иҗат җимешләрен “Белебеевские известия” гәзитенә юлларга тиеш. Икенче өлешендә (1-21 мартта) жюри әгъзалары конкурска җибәрелгән эшләрне карап, җиде лауреат (Гран-при, 1 урын, ике икенче һәм өч өченче урын) билгеләячәк. 

Дипломантлар түбәндәге номинацияләр буенча билгеләнә:

“Шагыйрь һәм вакыт”, “Үзебезнең иртәгәбезне саклыйк”(Русиядә һәм Башкортстанда Экология елы уңаеннан), “Фестиваль ачышы”, “Ал җилкәннәр” (яшьләр иҗаты), “Мәхәббәттән гүзәлрәк берни дә юк” (мәхәббәт лирикасы), “Шигырьләр йолдызлар кебек тә, розалар кебек тә үсә” (Марина Цветаеваның 125 еллыгына), “Балалар өчен язам”, “Яратырга, өметләнергә һәм яшәргә” (мөмкинлеге чикләнгән авторлар, Бөек Ватан сугышы ветераннары, локаль сугыш ветераннары өчен махсус номинация). 

Шулай ук Бөек Ватан сугышында җиңүчеләрне данлаучы; хезмәт һәм кече шәһәрләрне данлаучы авторлар аерым номинация буенча билгеләнәчәк. 

Игълан ителгән барлык номинация буенча да җиңүчеләрне билгеләү-билгеләмәү жюри әгъзалары карамагында кала. 

Фестивальнең икенче өлешеннән узган иҗатчыларга оештыру комитеты өченче соңгы өлештә катнашу өчен чакыру җибәрә. Фестивальнең йомгаклау өлеше җиңүчеләрне бүләкләү тантанасы буларак үтәчәк. 

Традиция буенча шунда ук милли әдәбият үсешенә, шагыйрь Фатих Кәрим иҗатын пропагандалауга саллы өлеш керткән күренекле шагыйрьләргә, әдәбиятчыларга, галимнәргә Фатих Кәрим исемендәге әдәби премия тапшырылачак. Ул Бәләбәй районы хакимияте тарафыннан 1999 елда булдырылган иде. Шушы еллар эчендә Башкортстан, Татарстан һәм Чувашстаннан 59 кеше әлеге мәртәбәле бүләккә лаек булган.

 

 Безнең партнерлар

   

Яндекс.Метрика
Государственное унитарное предприятие Республики Башкортостан Издательский дом «Республика Башкортостан»
Филиал: Редакция газеты «Омет»- филиал государственного унитарного предприятия Республики Башкортостан Издательский дом «Республика Башкортостан»
450079, г. Уфа, ул. 50-летия Октября, дом 13, 9 этаж, тел. 273-94-38, 273-64-81, e-mail: omet-ufa@mail.ru
Вся информация и материалы, размещенные на сайте редакции газеты «Омет» защищены международным и российским законодательством
об авторском праве. Все сообщения газеты «Омет» предназначены для пользователей старше 12 лет.
При перепечатке или цитировании ссылка на газету «Омет» обязательна.
Дизайн сайта- Абдуллин Фаниль
>