Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Татарстанда чираттагы әдәби марафон проекты башланды. Монда татарстанлылар гына түгел, Русиянең төрле төбәкләреннән укучы балалар катнаша ала.

Әдәби марафон — «ВКонтакте» һәм «Инстаграм» социаль челтәрләрендә бара торган онлайн-марафон. Катнашучылар #әдәбимарафон хэштегы белән әдәби әсәрдән өзекләрне социаль челтәрләргә урнаштыра ала. Җиңүчеләр куелган язмалар белән уртаклашучылар һәм лайклар саны буенча билгеләнә. 21 көн дәвамында ВКонтакте һәм Инстаграм челтәрендә узачак.
“ Проектта катнашучылар укыган китапларыннан өзекләрне, үзләренең фикерләрен ВКонтакте һәм Инстаграмда, #әдәбимарафон һәм #татаркитапнәшрияты дигән хэштеглар куеп, дусларына тәкъдим итә ала.
Җиңүчеләр августта узачак финал тантанасында күренекле балалар язучылары һәм шагыйрьләре белән күрешәчәк.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Шагыйрь Ирек Кинҗәбулатовның тууына 80 ел тулу уңаеннан яңа китап дөнья күрде

Зәйнәб Биишева исемендәге Башкортстан “Китап” нәшриятендә күренекле башкорт шагыйре, журналист һәм публицист, Башкортстан Республикасының Салават Юлаев исемендәге дәүләт премиясе лауреаты, Салават Юлаев ордены кавалеры Ирек Кинҗәбулатовның “Бер яшәргә тудым” исемле өр-яңа китабы дөнья күрде. Җыентык шагыйрьнең тууына 80 ел тулу уңаеннан бастырылды.
“Башкортстан – безнең оябыз”, “Кырмыскалы дәфтәреннән”, “Табыннарга табыну”, “Багышлаулар”, “Арнаулар”, “Авыр язмышлы халыкның шагыйре булу авыр...”, “Иҗади портретлар” исемле бүлекләрдән төзелгән җыентыкта шагыйрьнең моңа кадәр дөнья күрмәгән әсәрләре һәм каләмдәшләренең шагыйрь хакында истәлекләре кертелде.
Зур бер бүлекне алып торучы “Башкортстан – безнең оябыз” өлешендә әдипнең республикабыз, туган илебез, туган җиребез хакында бай эчтәлекле шигырьләре урын алган.
“Мин дөньяга бер яшәргә тудым,
Күңелемә җыям көн ямен.
Җыйганымны тоташ кайтаралсам,
Җирдә бер яшәүгә көймәмен...”
ди шагыйрь китапның тәүге битендә.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

– Тә-әк, сеңел, нәрсә сатасың инде син? Кара-кара, олы кешегә шулай тупас дәшмиләр инде. Юк-юк, бер нәрсә дә үсмәгән минем күзгә. Йомырка дисең инде алайса? Кара син аны, үзе шундый яшь, үзе йомырка сата. Тә-әк, кая соң йомыркаларың? Шушылармыни? Нәрсә йомыркасы соң бу? Тавыкныкы? Әстәгыфирулла- тәүбә, тавык йомыркасы шундый вак буламы инде? Чупиха бит бу – йомырка түгел. Менә без яшь чакта була иде йомыркалар. Берсе-берсе кушучлап тотардай минсиңәйтим. Ие! Ышанмасаң, әнә, күршеңдәге әрмән иптәштән сора. Кара әле, иптәш әрмән, күрсәт әле менә бу сабыйга чын йомырканың нинди булырга тиеш икәнен. Син әрмән түгел, Чүпрәле малаемыни? Борының кәкре, мыегың кара булгач мин сине әрмән дип торам бит. Минәйтәм, күрсәт әле шуңа йодрыгыңны йомарлап. Күрдеңме, сеңел? Чын йомырка шундый булырга тиеш ул. Ә болар пүчтәк синең. Өчесе бер учка сыя.
Тә-әк, ә болары нәрсә? Бәрәч, тавыкмыни? Кит аннан, шундый тавык була ди мени? Ходаем, болар радиация-фәләнгә эләккән тавыклардыр инде. Ә-ә, бу йомыркаларны да шулар салган инде алайса. Чыпчык бит бу, тавык түгел.
Әй, ни, иптәш әрмән, тфү, иптәш Чүпрәле малае, әйт әле син элек нинди тавыклар булганын бу сабыйга. Менә, сеңел, күршең алдарга бирмәс, иеме, без яшь чакта була иде тавыклар, иеме, алар кетәклектән сикереп төшкәндә абзар идәннәре сына иде. Ә аларның йомыркалары-ы. Берсе-берсе бер таба иде. Ә син шушы нәрсәләреңне “йомырка”, “тавык” дип торасың, кеше көлдереп. Иеме, иптәш әрмән, әй Чүпрәле иптәше бит әле. Нинди заман соң бу? Ни юньле тавык юк, ни юньле йомырка юк. Әрмән дигәнең дә Чүпрәленеке... Нишләттеләр бит илне, ә?
Илфак ШИҺАПОВ

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

– Сез бер дә йөрергә чыкмыйсыз.
– Ничек инде? Ә эшкә бару, эштән кайту?
– Табигатьтә булмыйсыз.
– Аның каравы, яшелчә кибетенә кергәләп торам. Кергән саен бер сумка табигать сатып алам.
– Ашавыгыз да әлләкем түгел бугай.
– Диетологлар кеше һәрвакыт туяр-туймас калырга тиеш дип өйрәтәләр.
– Үзегезне бер дә сакламыйсыз: алсыз-ялсыз эшлисез.
– Мин эштә – гаиләдән, ә гаиләдә эштән ял итәм.
– Бик күп тартасыз, салгалыйсыз да.
– Башкалардан артык түгел. Эчәсе яки тартасы килгәндә генә эчәм һәм тартам.
– Сәламәтлегегез ташка үлчим.
– Ә нәрсә сәламәтлек? Иртән үз аякларым белән торам бит әле.
– Бу тормыш түгел инде.
– Ник, яшим бит әле...
А.БРЮХАНОВ.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Башта миңа Вәлинең куллары ошады – шундый зур, матур куллар. Ә аннан бүтән бернәрсәсе дә ошамады.

* * *
Мин хатыныма бөтен гомерем буе тугры: ягъни, бер тапкыр да ташламадым...
* * *
Алиянең туган көненә мин үзем чыгарган шигыремне бүләк иткәч, ул мине “карун” дип атады. Кызык, ә Габдулла Тукайга шулай дип әйтүчеләр булды микән?
* * *
Башта мин аның белән кешечә сөйләшергә маташып карадым, аннан кул астыма нәрсә эләгә, шуңа күчтем...
* * *
Без юк кына сәбәп аркасында аерылыштык: мин аңа бер-ике-өч тапкыр гына хыянәт иткән идем, ә ул дошманнар гайбәтенә ышанды!
* * *
Хатын белән татулаштыруларын сорап, хакимияткә мөрәҗәгать итмәкче булам, чөнки ул, күпме генә кыйнасаң да, яхшылык белән әйткәнне аңламый.