Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

15 октябрь Казанда татар драматургы, Татарстан Республикасының атказанган сәнгать эшлеклесе, Татарстан Язучылар һәм Русия театр әһелләре берлеге әгъзасы Данил Салиховның юбилей кичәсе узды.

Данил Салихов пьесалары бик күп театрларда куела, Башкортстан тамашачысы да аның әсәрләре белән яхшы таныш. Драматургның Уфа “Нур” театрында ике дистә ел дәвамында сәхнәдән төшмәгән “Хатын түгел, аждаха” спектаклен дә тамашачы кат-кат килеп карый диләр.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Уфада 2014 нче елдан эшләп килгән «Bashkort 2.0»проекты китабының исем туе узды. Китап Мәскәүнең «Роликс» нәшриятында 500 данә булып чыкты.

«Bashkort 2.0» — Башкортстанның заманча, үсешкән һәм максатлы якташлары турындагы проект. Геройлары – Башкортстанда һәм Русия калаларында, шулай ук Европада һәм Азиядә, Төньяк һәм Көньяк Америкада, Африкада һәм Австралиядә яши.
Проектның максаты – укучыларны илһамландыру, яңа шәхесләр ачу, якташ-
ларыбызның проектлары белән таныштыру һәм аларга ярдәм итү, үсешкән башкорт яшьләр имиджын булдыру һәм таныту. Әле проект сайтында 100 ләгән мәкалә басылып чыккан.
Китапның исем туена 400гә якын кеше җыелды.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Бертөркем язучылар банкеттан соң кайтырга чыга. Автобуска утырырга булалар. Җәмәгать транспортына килеп керсәләр, халык шыгрым тулы. Шулчак Рамил Янбәк кычкырып үзбәкчә җырлап җибәрә.
– Нәрсә эшлисең ул? Шымрак бул! – дип тынычландырырга маташа каләмдәшләре.
– Күңел җилкенә! Шуңа җырлыйсым килә! – дип җаваплый ул.
– Ә нигә алай булгач үз телеңдә – башкортча – җырламыйсың? – диләр аптырашып. Янбәк җавапны тиз таба:
– Башкортлар исереп йөри икән дип уйламасыннар!..
Айгиз Баймөхәммәтов.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

– Әти, гәҗиттә “пычрак акчаларны юалар” дип язылган. Аны юарга да кирәкмени? 

– Акчадан да пычрак әйбер юк, улым. Тик гәҗиттәге “пычрак акча” ул бүтән мәгънәдә. Җинаять юлы белән кулга кергән акча, ягъни мәсәлән. Ә аны “юу” – дөрес юл белән табылган ясап, кулланышка чыгару. Аңладыңмы?
– Юк, берни дә аңламадым.
– Ярар, менә алайса кечкенә генә бер мисал. Яшереп куйган җиремдә минем әниеңә биреп бетермәгән бераз акчам бар. Ял көнне шул акчага ике шешә аракы алып кайтып бәйрәм ясар идем – әниең: “Акча каян алдың?” – дип кара тавыш чыгарачак. Шуңа күрә иртәгә ял дигән көнне мин эштән соңгарак калып кайтам да, әниеңә: “Берәүгә машинасын ремонтлап бирдем әле, шуның өчен түләде”, – дип, өстәлгә бер литр чыгарып куям. Әниең миңа бәйләнә алмый, чөнки гаилә акчасына тимәдем санала. Хәзер аңладыңмы инде “пычрак” акчаны ничек “юып” булганын?
– Аңладым. Ул акчаңнан миңа да өлеш чыгармасаң, әнигә әйтәм.
– Бу беләсеңме ничек дип атала?!
– Беләм, шантаж дип. Барыбер әнигә әйтәм, кайтсын гына...
Рәфыйк Абдуллин.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Кинәт авырып китеп, дәваханәгә эләктем. Иртәгәсе көнгә хезмәттәшем, сатирик Венер Исхаков шалтырата:
– Син нәрсә алай итеп безнең котны аласың? Башкорт әдәбияты олы югалту кичерә язды бит! – ди ул. Беләм, Венер абый һәрчак төрттереп, шаяртып сөйләргә ярата. Бу сүзләрендә дә шул гадәте чагылып калды.
– Көн дә төрле чара, көн дә командировка... Баш басып эшлибез. Ярый, берәр ничек вакыт табып хәлеңне белешеп китәрбез әле, – диде коллегам хушлашып.
Ун көн чамасы ятып, дәваланып чыктым. Эшкә килгәч, Венер Исхаков колач җәеп каршы алды.
– Шушы эш белән бер дә вакыт җиткереп булмый, – диде ул уфтанып. – Тәки сиңа барып булмады. Ярый, Айгиз, син борчылма. Киләсе тапкыр бүлнискә эләксәң, әбизәтелнә хәлеңне белергә барырмын...