Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Тайваньнең Тайбэй шәһәре меңәрләгән туристларны ел саен дөньяда иң зур төнбоеклары белән җәлеп итә.

“Шуанси” паркындагы төнбоеклар 65 килограммга кадәр авырлыкны күтәрә алалар.

Балаларга һәм ябык гәүдәле өлкәннәргә төнбоек эченә утырып фото төшәргә рөхсәт итәләр. Ләкин бик тиз– нибары 60 секунд вакыт - эчендә фото төшеп өлгерергә кирәк. 1 минуттан да артык төнбоек яфракларында утыру тыела. Төнбоекка махсус җәймә җәеп утыралар.

Амазонка Викториясе – төнбоеклар гаиләлегенннән сулы тропик үсемлек. Чыгышы белән Амазонка суларыннан. Тайваньгә китерелеп утыртыла, шул вакыттан алып Тайбэй, Тайнань, Таоюань һәм башка шәһәрләрдә үстерелә. Үсемлекнең чәчәкләре су астында яшеренә һәм су өстендә елына нибары бер көнгә генә күренеп ала. Чәчәк атуы 2-3 көн дәвам итә. Чәчәкләре диаметрда 20-30 см, кичен чәчәк аталар да, икенче көнне иртәнгә кадәр ачык килеш калалар. Аннан алар суга яшеренә. Арытаба көндезге 12дән соң гына янә ачылалар. Кыргый табигать шартларында бу үсемлек 5 елга кадәр яши.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

716 млрд. доллар — 2019 елга АКШ үзенең хәрби оборонасы өчен рекордлы күләмдә акча бүләчәк. Бу акчаларга Русия һәм Кытайга каршы киң чаралар комплексы куллану карала. Документ 1,2 мең биттән тора.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

       

 

Русия президенты Владимир Путин 18 августта Германия канцлеры Ангела Меркель белән очрашачак. Юл уңаенда аны бер күңелле чара да көтә — ул Австриянең чит ил эшләре министры Карин Кнайсльны законлы никахы белән котларга керәчәк.

        Кнайсль Русия президентын июнь башында Венага сәфәре вакытында туена чакырган булган. Туй Көньяк Шатирия төбәгендә үтәчәк дип хәбәр итәләр. Мондый сәфәр дөнья практикасында бик сирәк булучан, чөнки сәясәтчеләр бер-берсен үзләренең шәхси чараларына чакырмыйлар.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Норвегиянең балыкчылык хуҗалыгы министры Пер Сандберг Иранга сәфәр кылганнан соң отставкага җибәрелгән.

        Йөреп кайтканнан соң, хәвефсезлек кагыйдәләрен бозу сәбәпле, аңа министр кәнәфиен дә, Прогресс партиясе җитәкчесе вазифасын да калдырырга туры килгән.

        Сандберг Иранга сәяхәт кыларга 28 яшьлек әхирәтен дә алаган булган. Аның шулай сәяхәткә чыгып китүен ил хөкүмәте дә, министрлык та белми калган. Иранда ике көн торганнан соң гына Сандберг кайда булуын хәбәр иткән. Өстәвенә, ул Ираннан соң ул җәйге ялын Төркиядә үткәрергә планлаштырган булган. Сандберг сәяхәткә киткәндә серле дәүләт мәгълүматлары булган эш телефонын үзе белән алган.

        Бу чиновникның беренче хилафлыгы гына түгел икән. Быел майда Кытайга булган сәфәре вакытында да кесә телефонын алган булган. Шулай ук Иранның Ослодагы илчелеге оештырган милли бәйрәмдә әлеге әхирәте белән катнашуы күп сораулар тудырган.

        Норвегиянең премьер-министры Эрна Сульберг министрның сәер гамәлләрен тәнкыйтьләп чыккан.Сандбергка хатасын танымый башка чара калмаган.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Италиядә Генуя шәһәренең ике өлешен тоташтыручы күпер кичә көндез ишелеп төште. Ул 1960 елларда төзелгән була. Җирле мәгълүмат чаралары хәбәрләре буенча, Нью-Йорктагы Бруклин күперен хәтерләткән бү күпергә соңгы тапкыр 2016 елда реконструкция үткәрелгән. Фотосурәтләрдән күренүенчә, күпернең 200 метр озынлыктагы өлеше юк була. Төбәктә һава торышы да начар.

Күпер ишелү нәтиҗәсендә 31 кеше һәлак булган, аларның 26сының исемнәре ачыкланган, 5сенең кем булулары әлегә билгесез.

Корылма ремонт эшләре барышында ишелеп төшә. Күпердән бу вакытта 35 машина үтеп барган була. Алар арасында русиялеләр юк.

Италиянең транспорт һәм инфраструктура министры Данило Тонинелли фикеренчә, күпернең ишелүе сәбәбе - аны хезмәтләндерүдәге җитди җитешсезлекләр. Шул ук вакытта тикшерүчеләр фаҗиганең берничә версиясен карый: яшен сугуы һәм күпер конструкцияләренең “утыруы” (просадка). Рәсми властьлар фаҗигане теракт дип исәпләми.