Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Кызы Нәсимәдә ниндидер үзгәреш барын Наилә сизгән иде инде. Нәсимә нидер әйтергә тели, тик кыюлыгы җитмиме, әнкәсе тирәсендә сырпаланып йөри-йөри дә, яңадан китеп бара. 
— Нәрсә, кибеттә берәр матур күлмәк күреп кайттыңмы әллә? Акча кирәкме? — диде әнисе. Нәсимә әнисенә сәләгәндәй: 
— Әйттең сүз!—диде.— Эш күлмәктә генә булса... 
— Алайса тундыр. 
— Эш шунда гына булса... 
— Машина алып бир дияргә җыенмыйсыңдыр бит ходаем? 
— И, әни, эш машинада гына булса... 
— Башымны катырмасана, әйтсәң әйт, әйтмәсәң, каймак исе сизгән мәчедәй шып йөрмә. 
— Ярый инде алайса, әйтәм: мин сезгә бәби алып кайтмакчы идем... 
— Әстәгъфирулла! Кияүгә чыкмаган килешме? 
— Шулайрак иде шул. 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Мәңге яшь булып калыйк!

-Ничә яшь?- дип сорамагыз, 
Картаерга исәп юк. 
Кирәк икән бик җитди без, 
Кирәк икән шаян, шук! 

Ничә яшьтә икәнлекне 
Тоябыз йөрәк белән. 
Йөрәге яшь кешеләрнең 
Картаймаганын беләм. 

Хатын-кыз ул- илаһи зат, 
Яшьлекнең серен белә. 
-Ничә яшь?- дип сораучыга, 
Унсигездә дип көлә!!! 

Яшик әле, яшик, кызлар, 
Мәңге яшь булып калыйк! 
Яшәү дәртен сүрелдерми, 
Шат яшәү җаен табыйк. 

Рейтинг:  5 / 5

Звезда активнаЗвезда активнаЗвезда активнаЗвезда активнаЗвезда активна

Эпиграф итеп алынган “Девальвация” шигырендә Роберт Миңнуллин күтәргән проблема елдан-ел актуальләшә бара. Шигырь калыбына салынган гади сөйләмне, рифмасыз, эчтәлексез дүртъюллыкларны үз эченә алган яхшы тышлы китапларны еш очратырга була. Редакцияләргә дә шигырьле хатлар өзлексез юллана.
Кайдан килә безнең халыкка мондый талант? Нинди җирлектә туа шигырьләр? Һәм нәрсә бирә укучыга бүгенге шагыйрьләр? Шушы сорауларга ачыклык кертмәк булып, Башкортстан Язучылар берлеге каршында эшләгән татар берләшмәсендә поэзия секциясе рәисе, Язучылар берлегенә кабул итү комиссиясе әгъзасы, “Тулпар” журналының шигърият, сәнгать, сатира-юмор бүлеге мөхәррире Мөнир Вафин белән сөйләштек.

Рейтинг:  5 / 5

Звезда активнаЗвезда активнаЗвезда активнаЗвезда активнаЗвезда активна

Инде сигезенче дистәсен вакласа да, Хәмдия әбинең гомеренә бер мәртәбә дә кала тормышын барып күргәне булмады. Алай да анда булырга туры килгән кешеләрдән кала тормышының матурлыгы, җиңеллеге турында ишеткәләгәне бар иде. Яшьрәк чагында бик барып күрәсе килгән вакытлары да булды. Тик моның өчен һич кенә дә форсат чыкмады, гәрчә инде кызлары да күптән калада яшәсәләр дә.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна


Бер драматург Язучылар союзы рәисенең кабинетына керә дә, өстәлгә шап итеп калын папканы сала.
– Минем хатынымны Союзга алыгыз. Менә бөтен документларны әзерләдем, реко-
мендациялар алдык, – дип үтенечен белдерә.
– Нинди китаплар язган соң хатыныгыз? – дип төпченә рәис.
– Нинди дип ни. Бөтен пьесаларым да аның белән авторлыкта язылды. Иҗат җимешләребез уртак.
– Ә кайда белем алган ул?
– Уфаның кулинария училищесында.
– Әле берәр редакцияда эшлиме?
– Юк, 1975 елдан алып ашханәдә эшли. Кәтлитнең әллә ничә төрен пешерә белә.
– Иптәш, син ялгыш килгәнсең, – ди елмаеп рәис. – Бу бит – Язучылар союзы. Ашнакчылар союзы Ленин урамында урнашкан.

Айгиз
Баймөхәммәтов.