Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Чакмагыш районында борынгы традицияләрне тергезү дәвам итә. Иске Бәшир авылында узган Сабантуй бәйрәме моның матур бер мисалы булды.

Күп урыннарда онытылган авыл Сабантуе биредә матур оештырылган һәм кунаклар күп җыелган иде. Район хакимияте башлыгы Реканс Ямалиев, Уфаның ГИБДД җитәкчесе Илнур Садыйков кебек дәрәҗәле кунаклар да катнашты анда. Авыл хуҗалыгы уңганнарына рәхмәт сүзләре белән бүләкләр тапшырдылар. Игенче исеменә, җиргә гашыйк олы җанлы кешеләргә хөрмәт күрсәтү бәйрәмгә килгән балалар өчен бик яхшы мисал булды.
Үзләре дә бүләксез калмады алар. Елдагыча, яраткан Азат абыйлары “Хәзинә-тур” агентлыгының Казанга сәяхәткә юлламаларын бүләк итте. Узган ел шундый ук бүләкләрне “Соңгы кыңгырау” бәйрәмендә тапшырган иде ул.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Туган телгә сөю дә, аңа хөрмәт уяту да мәктәптә генә башланмый, ул әнә шундый кечкенә яшьтән балалар бакчаларында төп бурыч булып хәл ителә, дип язган идек үткән санда. Сүз Казанда узган “Татар кызчыгы-2018” бәйгесе турында инде. Һәрбер гаилә, һәрбер олы кеше, иҗтимагый оешмалар туган телне өйрәнү бурычын иң алгы сызыкка куеп кына милләтне милләт буларак – телле итеп саклап кала ала дигән нәтиҗә юктан тумады.
Сабый кызлар ихластан туган телләрне өйрәнергә әзерлекләрен күрсәтте. “Ни чәчсәң –шуны урырсың” дип нәтиҗә ясарга кирәк моннан чыгып. Гран-при иясен билгеләгәндә дә аларның татарча камил белүе, үз-үзен тотышы, матур итеп җавап бирүе игътибарга алынды.
Бәйгедә беренче “Визитка” турында кызлар үзләре белән таныштырды. Аларның үзләрен кыю тотып, каушамый чыгыш ясый белүләре таң калдырды. Икенче турда алар халкыбызның “Бармак уеннары”н күрсәтте. Берәүләре бармакларына әти, әни, һ.б. ягъни гаилә әгъзалары итеп курчаклар кидереп чыгыш ясаса, икенчеләре һәр бармакны бер җәнлек итеп уйнатты. Алып баручы кечкенә укучы малайлар телефонда гына уйнап, шаяра белүләрен әйтсәләр, кызлар халкыбызның чүрти, аллы-гөлле, сызыклы кебек уеннарын яратып уйнаулары турында белдерде. Бөтен уеннар барышында без “Башваткыч” уенын алып баручы Зөлфәт Зиннуровның кызы Зәлиянең чыгышын аерым игътибарга алып күзәттек. Әфарин, Зөлфәт, баласында туган телгә чын сөю тәрбияләгән. Зәлия татарча уйлап, аңлап сөйли, аның белән иркенләп әңгәмә корып була.
Өченче турда исә кызчыклар һәм аларның ярдәмче дуслары татар халкының гореф-гадәтләре, йолаларын сәхнәләштереп күрсәтте. “Әбиемнең сандыгы”, “Сабан туе”, “Сөмбелә”, “Аулак өй”, “Каз өмәсе” кебек гореф-гадәтләрне, яулык салыш, йөзек салыш кебек уеннарны, хәтта шундый җитди булган балага исем кушу йоласын оста итеп сынландырды алар сәхнәдә.
Һәр баланың саф туган телдә чиста итеп, сандугачтай сайрап сөйләвен, җырлавын ишетеп, уен-биюләрен карап күңелләр тулды. Үз милләтенә, халкына нинди эчкерсез сөю, мәхәббәт яралган бит аларның йөрәгендә, әти-әниләр, шул нигезгә балта белән чампыйк, зинһар! Без – татарлар, телебез – татар теле! Йөрәктән-йөрәккә генә күчереп саласы байлык бит ул, аны сатып алып бирәсе түгел.
Баланы үз газиз милләте вәкиле итеп үстерү өчен матди байлык кирәкми, иң мөһиме, әти-әнинең күңеле күгәрмәгән булсын. Бу эшне инде кичә эшли башларга кирәк булса да, бүген дә соң түгел. Бер килеп, сез үз нәсел дәвамчыларына иң зур мирас байлыгын бирүегезне аңлап сөенерсез.

Алсу Төхвәтуллина.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Барысы да бу чарага озак әзерләнделәр. Балалар тырышып шигырьләр ятладылар, ата-аналар милли киемнәр тегү белән мәшгуль булды. Яз кызы балалар белән түгәрәк әйләнеп, милли уеннар уйнаган арада, Нәүруз түти учак якты.
Кызлар, малайлар йөгереп ярма, май, тоз-шикәр җыеп китерүгә табышмаклар, тиз әйткечләргә ярыш булды. Ниhаять, “каргалар” очып килеп җиттеләр, беренчеләрдән булып боткадан авыз иттеләр.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

2 нче Татар якшәмбе мәктәбендә шаулап-гөрләп халкыбызның сөекле шагыйре Г.Тукай иҗатына багышланган “Тукай иленә сәяхәт” исемле шигърият бәйрәме узды. Бу бәйрәмдә ата-аналар, мәктәбебезнең укучылары, укытучылар, кунаклар катнашты.

Бәйрәмне мәктәп директоры Эльвира Фаткелбаян кызы Гильфанова “Әллүки” шигыре белән ачып җибәрде. Якшәмбе мәктәбенә йөрүче укучылар

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Узган шимбә, якшәмбе көннәрендә Уфада «Мин сөйлим – талантларның чиге юк» Бөтенрусия конкурс-фестивале узды

В.М. Комаров исемендәге пионерлар сараенда узган мондый форматтагы беренче чараны коммерцияле булмаган автоном оешма “Вакыт чакыруы” иҗат һәм мәгариф мәйданчыгы сөйләм коммуникацияләре мәктәбе белән берлектә уздырды.
«Тавыш көче» чарасын уздыруда Уфа шәһәре хакимияте, Уфа шәһәренең Совет районы хакимияте ярдәм итте.
Чараның максаты: балалар иҗатына ярдәм итү, үсеп килүче буында аңлы фикерләү сәләтен үстерү, үз уйларын дәлилләргә һәм аларны матур итеп илтеп җиткерергә өйрәтү аралашу мөмкинлекләрен киңәйтү.
Уфада узган бу коммуникацияләрне, иҗатны, уеннарны берләштергән фестиваль Русиядә беренче һәм әлегә бердәнбер. Аның үзенчәлекле форматы үсмерләр өчен генә түгел, өлкәннәр, әти-әниләр өчен дә бик мавыктыргыч уйланган. Моны шимбә көнне актив җыелган зур коллектив раслады. Уникаль проектның авторы – Уфа егете Альберт Вәлиев.
Конкурста катнашучылар ике мәйданда – сәхнәдә һәм холлда ярышларны дәвам итте. Алар “Актерлык этюды”, “Әдәби сүз”, “Ораторлык осталыгы” номинацияләрендә өчәр призлы урын өчен көрәште.
Күп балаларның максаты төп приз – Сочига сәяхәткә юллама оту иде, алар шуның өчен тырышты. Җиңүчеләр һәм бу кабатланмас чараны оештыручылар турында тулы һәм кызыклы мәгълүматны киләсе санда укырсыз, дуслар, “Чаткылар”сыз калмагыз!