Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Индиядә Рауф исемле ир лесопилкада эшләгәндә кызыл төсле киеме белән үгез игътибарын җәлеп итә. Котырган мал аны куып китә, Рауф качарга теләгәндә абына һәм  кабынган пычкысы белән ялгыш кулын кисеп ташлый. Рауфка шундук ярдәмгә предприятие хезмәткәрләре ашыга, алар канны туктата һәм киселгән кулны боз тутырылган сумкага сала.

Табиб Кришнакумар гомум вакыты 12 сәгать дәвам иткән ике операция эшли. Беренчесендә хирург - сөяк һәм кан тамырларын, икенчесендә мускуллар һәм нерв җепселләрен тоташтыра.

Белгечләр фикеренчә, кулның 90 процент эшчәнлеген тергезелгән, тулысынча савыгыр өчен 3 айга якын вакыт кирәк. Кришнакумар фикеренчә, операцияләрнең төп уңышы - үгез һөҗүм итәргә теләгәндә тиз арада ярдәм күрсәтүчеләр булуы.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Октябрьдә Британиянең Кембриджшир графлыгының Сент-Айвс шәһәрендә дулкынландыргыч вакыйга була. Җирле графлык эшчесе Роб Адамс янә үзенең дусты – Сидни кушаматлы аккош – белән очраша. Берничә ай элек ул аны коткара.

Роб журналистларга аккош баласын ярым үле килеш тапканын сөйли. Ана аккош баласын ташлый, җитмәсә, Сидни яраланган була. Адамс нәни кошчыкны жәлли һәм өенә алып кайта.

Берничә ай дәвамында ул аккош баласын карый,  дәвалый,  аңа махсус азык ашата. Шул вакыт эчендә алар дуслаша. Әмма аккош баласы  үсә төшеп үзен туендырырлык дәрәҗәгә җиткәч, Роб аны  кыргый мохиткә кайтсын һәм башка кошлар белән тулы тормыш алып барсын өчен,  җәнлекләрне рәхимсез мөгамәләдән яклаучы җәмгыятькә илтә.

Роб сүзләре буенча, ул нәни аккош белән аерылышуны бик авыр кичерә. Әмма 3 ай үтүгә җәмгыять хезмәткәрләре, аккошны килеп алуны үтенеп, Робка шалтырата. Баксаң, коткаручысы янәшәдә булмагач, Сидни шулай ук кайгыра, үзенең гаиләлегендәге кошлар көтүе белән дуслаша алмый. Нәтиҗәдә, дуслар янә бергә.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Нидерландиядәге биотехнологик компания йөкле ханымнарны яңа экспериментта катнашырга чакыра. Алар космоста бала табарга теләгән хатын-кызларны эзли.

 Безнең космосның организмга, шул исәптән йөкле вакыттагы чорга ничек тәэсир итүен беләсебез килә, дигән компания вәкилләре. Проектка старт 2024 елда бирелә. Хәзергә белгечләр «космик бала» таба ала торган хатын-кызларны эзләү белән мәшгуль. Космоска очарга теләүчеләр балаларын җирдән 400 чакрым биеклектә табачак.

Шәһри Казан

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Европа илләре быел соңгы тапкыр синхрон рәвештә сәгатьләрен кышкы вакытка күчерде. Ә 2019 елдан алып Евросоюзның һәр иле бу мәсьәләне үзаллы хәл итәчәк.

         Галимнәр белдерүенчә, хәзер сәгатьләрне күчерү үзенең элеккеге мәгънәсен җуйган, алай гына да түгел, зыянлыга әверелә башлаган. Беренче бөтендөнья сугышы вакытында Германия һәм аның союздашлары ташкүмер куллануны экономияләү өчен сәгатьләрен күчерә башлаган булса, хәзер исә аның икътисади файдасы юк, кешеләр соңга кадәр эшли һәм көн яктысын озайтуга тырышу файда бирми.

         Әйткәндәй, быел дөньяда 65 дәүләт һәм 10 территория (Белорусссия, Исландия, Русиядән тыш) сәгатьләрен күчерә. Азиядә исә күп дәүләтләр аннан баш тартса, Көньяк ярымшарда Австралиянең берничә штатында, Бразилия, Яңа Зеландия, Парагвай һәм Чилида гына җәйге вакыт кулланалар. Экваторга якын илләрдә исә сәгать беркайчан да күчерелмәгән.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

 

Кушма Штатлар президенты Дональд Трамп үзенең эш вакытын дәүләт башлыгы мәшәкатьләренә түгел, ә шәхси эшләренә күбрәк багышлый икән.

         Мәгълүматларга ярашлы, мәсәлән, узган сишәмбедә, ягъни 23 октябрьдә, Америка лидерының эш графигында нибары 3 сәгатьлек эш вакыты планлаштырылган булган. Трамп үзенең шәхси вакытын твиттерда язышуга, телефон сөйләшүләренә һәм телевизор карауга сарыф итә икән. Ә булган эш вакытында рәсми очрашулар, брифинглар үткәрә һәм тамашачылар алдында чыгышлар ясый.

         “Политико” гәзите белдерүенчә, Кушма Штатлар президентының эш графигы буталчык, аның хезмәт нигезендә озак вакытларга исәпләнгән план түгел, ә минут эчендә туган идеяләр ята. Мәсәлән, Америка лидеры гәзиттән ниндидер бер хәбәр укып, хисләре туа калса, шушы мәсьәлә буенча ашыгыч очрашу үткәрергә мөмкин.

         Быел июльдә Дональд Трамп Русия президенты Владимир Путин  белән очрашуга 20 минутка соңлап килгән. Ә Путин исә үзе ярты сәгатькә соңарып килгән булган.