Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

 

Бөекбританиядә 57 яшьлек Иэн һәм Стюарт Патоннар зур-зур кабаклар үстерәләр.

Алар – Бөекбритания рекордсменнары. Узган елны алар Британиядәге иң зур кабакны (авырлыгы 1029 килодан артыграк) үстергәннәр. Бу көзне исә Патоннар 1190 килограммлы кабак белән дөнья рекордын куймакчылар.

Бертуган Патоннар сүзләре буенча, аларда әле  нык зур 6 кабак үсеп килә, кабакларга көненә 100 галлоннан (якынча 380 литр) артык су сибәләр. Кабаклар Нидерландиягә һәм Франциягә конкурска “барачак”. Әмма кабакларның иң зурын Патоннар туган илләрендәге конкурсларда көч сынашыр өчен калдырмакчылар.

Рекордка өмет иткән яшелчәләрне бертуган Патоннар 96 көн дәвамында үстерәләр. Көн саен алар кабакларын 4 сәгатькә якын тәрбияли.

Кабак үстерү белән Иэн һәм Стюарт 11 ел шөгыльләнә.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Көнчыгыш икътисади форумында чыгыш ясаганда Путин якын арада Русия һәм Япония арасында солых килешүенә кул куярга тәкъдим итте. Япония премьер-министры Синдзо Абэ килешүгә кул куюга әзерлеген белдерде, әмма В.Путин башлангычына төгәл җавабын бирмәде. Япония хөкүмәтендә Курил утраулары тирәсендәге бәхәсләр хәл ителгәч кенә килешү төзергә ризалар.

“70 ел инде без сөйләшүләр алып барабыз. Синдзо алымнарны үзгәртик диде. Әйдәгез, алай булгач, солых килешүен әле түгел, әмма ел ахырына кадәр төзик”, - диде Русия лидеры “Ерак Көнчыгыш: мөмкинлекләр чикләрен киңәйтеп” пленар утырышында.

Японияне Путин “табигый партнёры” дип атады һәм Мәскәүнең Токио белән мөнәсәбәтләрне үстерергә теләге барлыгын әйтте.

ВВС рус хезмәте мәгълүматлары буенча, Путин бу килешү турында сөйләшүне форумның модераторы Сергей Брилёв сүзләренә комментарий буларак башлады. Брилёв Көньяк Курил утраулары статусын үзгәртсә, анда АКШның ПРО системалары барлыкка килмәсме дигән сорау биргән иде.

Путин исә АКШ ПРО системасының хәрәкәте Русияне борчымаска мөмкин диде һәм Синдзо Абэның форумдагы чыгышына сылтау ясады. Шуннан соң солых килешүен төзүне тизләтү турында сөйләде. “Солых килешүен төзегәч барлык бәхәсле сорауларны хәл итәчәкбез”, - дип тәмамлады сүзен Русия лидеры.

 

 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Америка сайлауларына кысылу АКШның тышкы сәясәте һәм милли иминлегенә зур хәвеф белән яный, дип белдерде Дональд Трамп. Ул Американың электораль системасына йогынты ясарга тырышкан чит ил кешеләре, компанияләр һәм илләргә каршы санкцияләр турындагы указга кул куйды. АКШның Милли разведкасы башлыгы Дэниел Коутс һәм Д.Трампның киңәшчесе Джон Болтон сүзләре буенча, берничә чыганактан куркыныч яный, шул исәптән Русиядән дә.

Русиянең Федерация Советында билгеләүләренчә, тыю чаралары турындагы указ Мәскәү белән Вашингтон хезмәттәшлеге мөмкинлекләрен тагы да кыскарта.

“2017 елдагы разведка оешмалары исәпләрендә (отчет) күрсәтелүенчә, соңгы елларда электрон корылмалар һәм интернет-коммуникацияләрнең үсеш алуы чит илләрнең кысыла алу масштабларын һәм янау дәрәҗәләрен арттырды. Моның белән бәйле гадәттән тыш хәл игълан итәм”, - дип аңлатты Трамп.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Gallup иҗтимагый фикерләр Америка институты социологлары бөтен дөнья буйлап тискәре тәҗрибә индексы соңгы 11 елда иң югары ноктасына җитеп 30га тигезләшкәнен ачыклаган. 2006 елда бу сан 24 була.

Бу индекс төрле илләр халкының стресс, ярсу, күңел төшенкелегенә бирелү, физик авырту һәм борчылуын чагылдыра. Соңгы сораштыруда һәр 10 кешенең ким дигәндә 4есе борчылу һәм стресс кичергән.

146 ил арасында иң бәхетсезләре булыпҮзәк Африка халкы табылган. Андагы кире тәҗрибә индексы 61гә җиткән.

2 урында – Ирак халкы (59), 3 урында – Көньяк Судан (55), алардан соң Мисыр (47) һәм Иран (45) килә.

Иң позитивлары дип Латин Америкасы халкы табылган. Беренче “өчлек”кә Парагвай, Колумбия һәм Сальвадорда яшәүчеләр кергән.

Русия сораштыру алдыннан халкы иң аз тискәре тәҗрибәгә ия булуларын әйткән илләр арасына кертелгән.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Русия Президенты Владимир Путин һәм КХР рәисе Си Цзиньпин Көнчыгыш икътисади форумы кысаларында сөйләшүләр үткәрде.

“Русия – КХРга иң күп электр энергиясе, күмер чыгаручы ил. Тыныч атом өлкәсендә дә Русия-Кытай бәйләнешләре үсеш ала. Тяньвань атом электр станциясенең беренче чираты эшен башлады. Быел өченче энергоблок кабул ителде, дүртенчесе тапшыруга әзерләнә. “Росатом” тарафыннан бу атом электр станциясенең тагы ике блогын төзү планлаштырылган”, - диде В.Путин.

Былтыр Русия Кытайга 52 млн тонна нефть экспортлаган. “Себер көче” газүткәргече төзелеше дә график буенча бара.

Кытай исә үз чиратында Русия проектларына акчалар салуын дәвам итә. Консалтинг компанияләр тикшеренүләре буенча, Пекин Русиянең иң актив инвесторларыннан санала. Ерак Көнчыгыш федераль округында президентның тулы вәкаләтле вәкиле Юрий Трутнев сүзләре буенча, Кытай кертемнәре төбәктәге инвестицияләрнең гомум күләменең 7 процентын тәшкил итә.

Лидерлар икеяклы мөнәсәбәтләргә кагылышлы, шул исәптән сәүдә һәм энергетика өлкәсендәге дә, алга китешне билгеләде. Путин сүзләре буенча, ел ахырына товар әйләнеше рекордлы сан – 100 млрд долларга – җитәчәк.

Путин белән Си Цзиньпин Ерак Көнчыгыш. Русиянең Байкал төбәге һәм Төньяк-Көнчыгыш Кытай эшлекле советын булдыру турында килештеләр һәм Русия белән Кытай компанияләре арасындагы хезмәттәшлек хакындагы документларга кул куйдылар.

Сөйләшүләр тәмамлангач, Владимир Путин белән Си Цзиньпин Көнчыгыш икътисади форумы кысаларында үткән “Ерак Көнчыгыш урамнары” күргәзмәсен барып күрделәр, павильоннарның берсендә, алъяпкычлар бәйләп, тәбикмәк пешерделәр. Тәбикмәккә эчлек итеп төбәктә җитештерелгән диңгез ризыкларын – кызыл һәм кара уылдыкны - сайладылар. Соңыннан хәтта Путин тәкъдиме белән хәмер дә эчтеләр.

Путин Си Цзиньпинга күргәзмәдә көнчыгыш славяннарының борынгы эчемлеге – сбитень – сатып алып бирде. Кытай лидеры үзе белән сумнар булмавын әйткәч, Путин, шаярып “юаньнәр белән соңрак түләрсең” дигән.