Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Бүздәк районының Кәпәй-Кобау авылы ветераннары, “Өмет” редакциясенә шалтыратып, ничек тә ярдәм күрсәтүебезне үтенде.


“Өч дистә елдан артык авыл халкын хезмәтләндереп килгән фельдшер-акушерлык пунктыбызның утырып еларлык хәлдә булуы турында бар республикага белдерергә мәҗбүр булдык.
Кышын медицина хезмәткәрләребез, бина эчендә салкын булу сәбәпле, калын өс киемнәрендә эшләргә мәҗбүрләр. Безнең ише өлкән яшьтәге, саулыклары какшаган мескен ветераннар әнә шунда укол кадатырга йөри... Бер сүз белән әйткәндә, сәламәтләнергә өметләнеп барып, бөтенләй чирләп кайтырлык, билләһи!

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Безгә Салават районы Нәсибаш авылында яшәүче 81 яшьлек Рәвил Әлтәф улы Сәхәветдинов шалтыратты.
“Өмет”не укыйбыз, яратабыз. 2018 елның икенче яртыеллыгына язылырга теләп, үзебезнең почта бүлекчәсе хат ташучысына мөрәҗәгать иткән идем. Ул килеп акчаны алып китте, менә бер ай вакыт узды инде, квитанция китерми. Почтадан исә: “Әлегә язылу юк”, дип җавап бирделәр. Мин, әллә “Өмет” тә, элекке “Атна” гәзите кебек, безнең акчаларны җыеп, чыгудан туктарга уйладымы икән дип пошаманга калдым”, – диде ул.
Хәлгә ачыклык кертү өчен без Мәсәгуть почтамтына мөрәҗәгать иттек. Малояз почта бүлеге цехы начальнигы Альмира Мазгар кызы Вәлиева түбәндәгеләрне бәян итте:

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна


“Мин балалары булган хатыннарның пенсияләренә өстәмә булырга мөмкинлеге хакында автобуста ишеттем, – дип яза безгә Дүртөйледән Резида Кәбир кызы. – Кызыксына башлаган идем, башым тубал булды: бу өстәмәнең хәтта ничек аталуын да белүче юк. Менә күптән түгел гәзиттә “эш стажы күп булган һәм югары хезмәт хаклары алып эшләгәннәргә бу уңайдан пенсия фондына мөрәҗәгать итеп тә торасы юк” дип укыдым. Чөнки, кабаттан исәпләгәндә, пенсиянең хәтта кимүе дә мөмкин икән...
Танышларым арасында Пенсия фондына мөрәҗәгать итүчеләр булды. Кемнеңдер акчасы азга гына артты, кемнекедер шул килеш калды. Мин исә һаман сузып йөрим: барсам, бүгенге көндә ару гына алган пенсиям кимеп куймасмы икән дип борчылам...
Бу уңайдан Башкортстан Республикасы Пенсия фонды матбугат хезмәте болай дип җавап бирә.