Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Исәнмесез, “Өмет” гәзите хезмәткәрләре! Гәзитнең үткән санында мәктәпләрдә кемнәрнең льготалы тукланырга хокуклы булуы турында укыгач, без дә, бәлки, шундый гаиләләр исемлегенә керәбездер дип өметләндек, – дип шалтыраттылар безгә Дүртөйле районы Әкәнәй авылыннан Батталовлар гаиләсе. – Тормыш иптәшем Азамат – хәрби хәрәкәтләр ветераны, 2 группа инвалид. Тазалыгы булмау сәбәпле, бүгенге көндә рәсми эштә эшли алмый. Мин, Азамат Батталовның тормыш иптәше, инвалидлар йортында санитарка булып эшләп йөрим. Ике балабыз бар – зурысы 2 класста укый, кечесенә 2,5 яшь. Соравыбыз шул – безнең мәктәптә укучы балабыз льготалы нигездә тукланырга хокуклымы? Шушы сорауга ачыклык кертергә ярдәм итсәгез иде.

Гәзитебез битләрендә хәбәр итүебезчә, баланың мәктәптә льготалы туклануы өчен аның күп балалы гаиләдән булуы яки аз тәэмин ителгән гаиләдә үсүе шарт. Батталовлар гаиләсендә әни кеше генә рәсми эшли. Азаматның тормыш иптәше Эльмира әйтүенчә, бүгенге көндә аның инвалидлар йортында эшләп алган хезмәт хакы – якынча яшәү минимумы дәрәҗәсендә. Азамат инвалидлык буенча пенсия ала. “Ирегез мәшгульлек үзәгендә исәптә торамы?” – дигән соравыбызга Эльмира: “Юк”, – дип җавап бирде.

Бу мәсьәләгә ачыклык кертү, Батталовларның баласы льготалы тукланырга хокуклымы дигән сорауга җавап алу максатыннан Иске Яндыз мәктәбенә шалтыраттык. Мәктәп директоры Наталья Гавриловна Камалиева нинди сорау белән шалтыратуыбызны аңлагач: “Ә ник миңа мөрәҗәгать итмәгәннәр соң? – диде. – Килсеннәр, гаиләнең матди хәлен ачыклыйк, сөйләшик. Шуннан мәсьәләне арытаба хәл итүнең юлларын эзләрбез”.

Хөрмәтле Батталовлар! Сезгә бу мәсьәлә буенча Иске Яндыз мәктәбе директоры Наталья Камалиевага, аннары районның халыкны социаль яклау бүлегенә мөрәҗәгать итәргә кирәк булачак.

Руфина ХӘСӘНова әзерләде.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Хөрмәтле “Өмет” гәзите редакциясе!
Сезгә зур үтенеч белән Аскын районы Базанчат авылыннан хезмәт ветераны, халык мәгарифе отличнигы Мәүлетҗан Нурлыгаян улы Фәтхиев мөрәҗәгать итә. Минем сезгә соравым бар иде. Ни сәбәпледер 2018 елның май аеннан алып коммуналь хезмәтләргә түләнә торган 600 сумны түләүдән туктаттылар. Бу хәл барлык ветераннарга да кагыламы, әллә миңа гынамы? Шушы хәлгә ачыклык кертергә ярдәм итсәгез иде.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

“Ирем эшсез калу сәбәпле гаиләне туендыру, утка, суга, газга түләү берүземә калды. Кызыбыз 5 класста укый. Мәктәптә баланың ашавы өчен түләү дә кыенлашты. Күптән түгел бер танышым: “Кызыңа льготалы туклану рәсмиләштерергә була бит, белеш әле”, – диде. Беләсе иде, нинди балаларга тиеш икән ул льготалы туклану? Аннан файдалану өчен нинди документлар кирәк?
Зөлфия.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

“Өмет”нең үткән санында “Сүз хикмәтләре” дигән язма бик кирәкле дип уйлыйм.
Чынлап та гомер итү барышында мәгънәсе турында артык уйланмый гына әллә күпме үтергеч сүзләр әйтәбез. Ә менә немец психотерапевты Носсрат Пезеш-киан тән авыруларын китереп чыгара торган сүзләрне өйрәнгән һәм болар хакында халыкка игълан иткән.
Элек нәнәебез әйтә иде: “балалар, уйла-мый бер сүз дә әйтмәгез, аларның үзегезгә кыенлык китерүе бар” дип. Ничек дөрес әйткән булган ул. Кайчак ачу килгәндә “чукынып китсен”, “бугазына аркылы килгере” дигән сүзләр әйтә кеше, ә бит чынлыкта ул теге кешегә артык начарлык та теләми, болай гына әйтә. Әгәр нәрсә булырга мөмкинлеген белсә, дәшми калыр иде дип уйлыйм.
Әйдәгез, бер-беребезгә матур сүзләр, изге теләкләр генә теләп яшик, дуслар.

Рәмил Дәүләтшин,
Дүртөйле районы.

Рейтинг:  4 / 5

Звезда активнаЗвезда активнаЗвезда активнаЗвезда активнаЗвезда не активна

Минем картәтием гомере буена умарта тотты, яше туксанга җитеп үлде. Әтием дә менә 40 еллап инде кортлар тота. Әлбәттә, аның 5-6 умартасы гына бар, ләкин андагы бал барыбызга да җитә, туганнарга, күршеләргә күчтәнәчкә дә өлеш чыга, сатарга гына бик калмый.