Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

 

Югары уку йортларында 2018-2019 елга укырга кабул итү турында приказлар чыгаралар.

   2018 елның 20 нче июнендә уку йортларына төрле юнәлешләрдә укырга керүчеләрдән документлар кабул итә башлаганнар иде. Ул 26 июльгә кадәр дәвам итте. Белгечлегенә карап, өстәмә имтихан булган урыннарда ул 10 июльгә кадәр барды. 26 июльдә югары уку йортларына документларны кабул итүләр туктатылды һәм берникадәр тынлыктан соң, сайлап алып, булачак студентлар исемлекләре төзелә башлады.

 

Бюджет бүлекләренә иң тырыш, белемле, югары баллар җыйган егет-кызларны студент иленә кабул итү турында приказлар чыгарыла. Русиянең төрле почмакларында, йөзләгән югары уку йортларында шул хакта приказларга мөһер сугыла. Кемнәрне сөендерер ул мөһерле кәгазьләр, кемнәрне көендерер?

Нәкъ әле кем кайда: кем бюджетта белем алачак, кем түләп укырга тиеш булачак – барысы да шушы көннәрдә хәл ителә. 28 июльгә кадәр аерым квота һәм максатчан юллама буенча килүчеләр кабул ителде. Икенче агым -

1 августка кадәр барды, анда бюджетта укыячак студентлар 80 % ка кадәр кабул ителде, ә инде 6 августка план буенча тиеш 100 процент студентлар кабул ителеп бетәчәк.

БДИ нәтиҗәләре буенча берничә урынга бюджетка үткән яшьләр кайсы йортының нинди бүлеген сайларга белми кайнашып алды. Шул сәбәпле, исемлекләр шактый сикереп, үзгәреп тора. Баллары уртача һәм югарыга якын булганнар үзләре укырга теләгән белгечлек буенча ахыргача көтә. Ә кемдер бюджетка эләкмәм дип шикләнеп, конкурс түбәнрәк урынга документларының төп нөсхәсен тапшырып куюны кулай күрә. Күпләр булачак белгечлеген түгел, ә нәкъ бюджетта укып, диплом алуны өстен күрә. Матди яктан уйлаганда аларны да аңлап була.

СССР чоры белән чагыштырганда хәзер югары уку йортлары күбрәк. Түләүле белем БДИ да түбәнрәк баллар җыйганнарга да вузларда укырга форсат бирә. Әмма һәр яшь кеше, яхшы укыганнар аеруча, бюджет нигезендә белем алуга өметләнә, чөнки уку йортларында хаклар тешләшә һәм ничегрәк әле?!.

   Һөнәр сайлау гына түгел, уку йортының да төпле белем бирүче, көчле матди нигезлесен сайларга кирәк. Шәһәрнең дә укып чыккач эшкә урнашырлык мөмкинлекләре булганын сайлау яхшырак.

   2018 елда Русия мәктәпләрен җиде йөз меңнән артык укучы тәмамлады. Аларның күпмесе югары уку йортларын сайлавын төгәл генә әйтә алмасак та, саннар туксан процентка якын тәшкил итә, чөнки унберенче сыйныфны тәмамлаучылар нәкъ шул максат белән БДИ тапшыра.

   Башкортстан мәктәпләрен тәмамлаган егетләр-кызлар җиң сызганып белем эстәргә омтыла. Безнең югары уку йортларына укырга керергә теләк белдерүчеләр саны узган еллардан һич ким булмады.

   Русия буенча алганда, бөтен вузларга 575 меңгә якын бюджет урыннары бирелә. Бу стационар шартларда укучы бакалавр, магистр, аспирант, ординаторлар һәм читтән торып укучылар өчен тәгаенәнгән. Бүленешенә килсәк, 315 меңгә якын көндезге һәм читтән торып укучы бакалаврларга, белгечлеккә – 74 мең, магистратурага 207 мең урын туры килә.

Кабул итү комиссияләрендә кайнар көннәр торганда без Башкортстан югары уку йортларындагы яңалыклар белән танышырга бардык. Башкорт дәүләт университетының Кабул итү комиссиясе рәисе Ринат Закир улы Төлкебаев безне кызыксындырган сорауларга җентекле җавап бирде.

Биредә әле магистратурага кабул итү бара. План буенча 794 студент бюджетка алыначак. Ә тапшырылган гаризалар күләме - 12 мең 410. Узган елда план буенча 816 студент кабул ителсә, 12 мең 337 гариза тапшырылган булган. Бюджетка узмаганнар түләүле бүлеккә август дәвамында керә алачак, 1800 студентны анда көтәләр.

Ел да бик популяр булган икътисад һәм юрист белгечлеген сайлаучылар быел чак кына (160 һәм 55 кә) кимегән. “Тамчы тама-тама боз тишә”, дигәндәй, бу һөнәрләрдән этәрү эше бәләкәч кенә нәтиҗәләрен бирә башлаган кебек.

Максатлы юллама буенча БДУга 67 студент кабул ителгән. Аерым категорияләр буенча (сәламәтлеге начар булганнар) 38 кеше студентлар исемлегенә кертелгән инде. Бу уку йорты быел булачак студентлары өчен аерым ташламалар кабул итте. Әйтик, БДИ нәтиҗәләре буенча түләүле бүлеккә керүчеләрнең уртача баллары 67, 99 тәшкил итсә – 5 %, 70 – 10 %, ә 80гә 15 процент ташлама ясала. Кырымнан килүче яшьләргә ташлама юк.

Бюджетта укучыларга югары стипендия түләнә. Баллары 240тан артык булып, бюджетка үткән егет-кызларга -3000 сум, 270тән – 5000 стипендия түләнә. Русия олимпиадаларында җиңүчеләргә 10 000 түләнә. Шундый акыллы бер егетебез быел БДУга кабул ителде.

Мәктәп олимпиадаларында җиңүчеләргә 5000 сум стипендия түләнә.

Көмеш медаль белән килүчеләргә өстәмә 5 балл өстәлә һәм алар кабул ителгәндә, стипендия билгеләнгәндә өстенлекләргә ия була.

М.Акмулла исемендәге БДПУсайтындагы мәгълүматка карасаң, анда 1699 бюджет урыны булдырылган. План буенча көндезге бүлеккә 818 студент көтәләр, 6512 гариза кабул ителгән. Шуларның 4896 гүзәл затлар, 1616 сы егетләр. Татар теле укытучысы булырга теләк белдерүчеләр саны 33 кеше, шуларның икесе егетләр. Анда конкурс 2, 75 тәшкил итә дип аңладык.

Конкурслар шул бюджет урыннар өчен бара. Баллары җитмәгән яшьләр, элеккечә кайтып китмиләр, аларны түләүле бүлекләр чакырып тора. Күпләр махсус урта уку йортларын сайлап та ялгышмый.Уфа сәүдә-икътисад колледжында, үткән ел белән чагыштырганда, укырга керергә теләүеләр саны күпкә арткан. 2017 елда 15 августка 1968 гариза бирелгән булса, быел 31 июльгә үк 2030 гариза килгән. Хезмәтләндерү тармагында иң зур ихтыяҗ булган “Җәмәгать туклануында җитештерү технологиясе” (Технология продукции общественного питания) белгечлеге буенча читтән торып укучыларны кабул итү башланган.

   Мәскәү,Санкт-Петербург кебек зур шәһәрләрнең югары уку йортларында конкурслар тагын да кызурак. Чөнки моңарчы чит илгә китеп белем алырга җайлашкан аерым категория халык алдында кыенлыклар туды. Англия мәктәпләрендә белем алган укучылар саны соңгы өч елда кырык процентка киметелгән. Бәйсез мәктәпләр Берлеге (ISC) мәгълүматларына таянып, The Telegraph хәбәр итүенчә, 2015 елда Британия мәктәпләрендә 2795 русияле укыган. 2018 елның апреленә аларның саны 1699 га калган.

Моның сәбәбен Англия белән Русия арасында мөнәсәбәтләрнең суынуы белән аңлаталар. Ростеләктәшлек апрель аенда “Өйгә кайтырга вакыт!” (Highly Likely Welkome Back) проектын башлап җибәрде. Аның кысаларында чит ил югары уку йортларында укыган студентларга Русиягә кайтырга һәм МГИМО кебек эре уку йортларында укуларын дәвам итәргә киңәш ителгән. Программа иң тәү очракта Англиядә укучы студентларга төбәп эшли башлаган. Бу санкцияләргә ияреп туган сәясәт һәм анда укучы яшьләрнең әти-әниләренең кара исемлеккә эләгүе белән дә бәйледер дигән уй туа.

Йомгаклап ни әйтеп була - яшьләргә ак юллар телибез, өметләре аклансын, сайлаган һөнәрләре буенча яхшы белем алып, чын осталар, Кеше булып чыксыннар.

Алсу Төхвәтуллина.

Башкортстан яңалыклары


  Белүегезчә, алдагы 2019нчы ел Русиядә президент Владимир Путин указы белән  Театр елы дип игълан ителде. 13 декабрьдә ил буенча Театр е...
14-12-2018 09:48
  Экология мәсьәләсе барыбызны да борчый. Әгәр дә ул турыдан-туры сулар һавабызга кагылса, борчылу ризасызлыкка әйләнә башлый. Мондый күр...
14-12-2018 09:17
 Бик мәгънәле акциябез бар безнең. Без аны “Өмет” бүләк ит” дип атадык. Якыннарыңа, әти-әниеңә, күршеләреңә, әби –бабайларга, авылдашларыңа ...
14-12-2018 08:49
  Чишмә районында 29 һәм 30 яшьтәге ике иргә мунча ягарга дип имән кискәннәре өчен хөкем карары чыгарганнар. Сентябрь анда ир-егетләр Ар...
14-12-2018 08:18
Бу сүзләр күңелдә ышаныч уятты. Балтачка “Өмет”челәрнең юллары төшеп тора дисәм, һич арттыру булмас.  Без район тормышын гәзитебез битләр...
13-12-2018 10:06
Мәктәпләрдә репетиторлык белән шөгыльләнүне тыймакчылар. Бу идеяне республиканың мәгариф министры вазифасын вакытлыча башкаручы Айбулат Ха...
13-12-2018 09:16
Бу сорауга һәркемнең үз җавабы бардыр. Ә менә “Нур” театры тәкъдим иткән “Отышлы тормыш” спектакле тамашачыга шул сорауга җавап табарга яр...
13-12-2018 08:17
   Кичә, 11 нче декабрьдә, бер төркем “Өмет”челәр Борай – Балтач якларында булып кайттык. Бу – минем өчен эш сәфәре генә түгел, форсаттан ф...
12-12-2018 10:21

Русия: кайда, кайчан, нәрсә?


  Ямалның Губкинский шәһәрендә 13 нче декабрь көнне 3 яшьлек баланың мәетен автомат кер юу машинасыннан тапканнар. Тикшерүчеләр фаҗига...
14-12-2018 09:06
  Юл хәрәкәте хәвефсезлеге дәүләт инспекциясе водительләрне фотсурәтләре буенча ачыклау системасына сынау үткәрә башлаган. Әгәр дә бу алы...
14-12-2018 05:42
Яр Чаллы шәһәре суды ун ел буе ялган диплом белән невролог булып эшләгән 39 яшьлек табиб ханымга карата ачылган җинаять эшен караган. Тик...
13-12-2018 08:57
“Литфонд” аукцион йорты “Кино” төркеменең лидеры, легендар рок-җырчы Виктор Цойның тагын берничә шәхси әйберен сатуга чыгарырга ниятли. Ан...
13-12-2018 08:10

Дөнья


Уңышның көткәндә түгел, бер уйламаганда килә торган гадәте бар. Бу юлы да шулай булган. Американың Мэриленд штатындагы Балтимор шәһәрендә ...
11-12-2018 10:10
  Көньяк Африка республикасында Кейптаунда кыя  кырыенда турист ханым фотога төшәргә уйлый, махсус кадр өчен сикерә... һәм кыядан егылып ...
11-12-2018 09:17
  Берләшкән Гарәп Әмирлекләре башкаласы полициясе  дөяләргә атланып йөрүче махсус патруль булдыруы турында хәбәр итте. Бу хакта Gulf News...
11-12-2018 08:25
Facebookта билгесез бер кәләш туйга чакырылучы күпсанлы кунакларга үз таләпләрен куйган. Һәм ул таләпләр теләсә кемнең ачуын чыгарырлык. ...
10-12-2018 09:33