Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

Бакалы районының Иске Корыч авылы матурлыгы, төзеклеге, уңган һәм тырыш кешеләре, “Кулибин”нары һәм “Бәхет чишмәсе” белән билгеле

Узган ел гына төзекләндереп ачылган шушы чишмәнең татлы суын тәмләп карарга, мәктәбе белән танышып, биек тауга менеп, Иске Корыч авылының тоташ күренешенә тамаша кылырга өлгердек. Авыл хакимияте җитәкчесе Илфак Мәсәлим улы Маннаповка бу истәлекле сәфәр өчен рәхмәтле без.

 

Машинадан төшү белән Илфак Мәсәлим улыннан иң мөһимен – авыл турында сөйләттек.
Иске Корыч авыл хакимияте унбер авылны берләштерә. Болар: Иске Корыч, Килькабыз, Иске Гусево, Яңа Корыч, Әхмәр Корыч – Каран, Новоостанкино, Яңа Гусево, Мунча-Елга. Бу авылларда барысы 2518 кеше яши, ә 2787 кеше рәсми теркәлгән.
Биредә дә халык нигездә игенчелек, терлекчелек белән шөгыльләнә. Иске Корычта “Бакалинский совхоз”җәмгыяте төзеп, авыл хуҗалыгын тергезүгә ирешкәннәр.
Бертуган Сираевлар халык җыены уздырып, 5 мең гектар пай җирләрендә игенчелек эшен оештырганнар. Киләчәктә елкычылыкны тергезү ниятләре.


Камай авылында Благовардан килгән “Лидер-групп” төркеме кошчылык буенча эш башлаган. Сәхибгәрәевлар сатуга йомырка, ит җитештерәләр, тереләй кош саталар. Бакалы инкубаторы да алар карамагында.
Килькабызда “Бакалинский совхоз” җәмгыяте эшли.
– Әлбәттә, бар да шома гына бармый. Кыенлыклар да җитәрлек, –ди хакимият җитәкчесе. – Иң беренче чиратта бәяләр бәкәлгә суга. Техника көчле, зур. Бишәр ел сабан тимәгән чүпле җирләрне эшкәртәләр. Тик ягулык кыйммәт. Бер литр дизель ягулыгы 44 сумга менсен инде! Аның каравы икмәк хакы гел түбән.
Әле җирне һәм фермаларны җәмгыять милкенә күчерү эше бара, закладка куярлык мөлкәт булмый торып, кредит ала алмыйлар. Бу хуҗалык безгә бик кирәк. Иң мөһиме, авыл кешеләренә дә эш бирде ул. Арытаба эшләре уңсын, күбрәк кеше хезмәткә җәлеп ителер дип ышанабыз. Әле “Бакалинский совхоз” 30 млн сумлык грандка га-
риза тапшырды.
Җирдә фәкать эшләп кенә бәхеткә ирешеп була дип яшәүче, Русиянең атказанган фермеры Рәзиф Хөснуллинның исеме күпләргә таныштыр. Бу җитәкче хуҗалыгында эшләүчеләр уртача 25-30 мең сум эш хакы ала. Шулай да, авылның киләчәге хәвефләндерә: балалар саны кими. Яшьләрне авыл эшенә җәлеп итү мөһим, – ди Илфак Мәсәлим улы.
Бер карасаң, Иске Корычка бер килеп төпләнгән яшь кешеләрнең аннан китәсе килмәстер кебек. Монда яшәү өчен бөтен уңайлыклар да бар. Тик яшь белгечләр авыл хуҗалыгында аз әле. Яшь белгеч Илфир Нурисламовка өметләре зур, аны көтәләр. Кире уйламасын гына. Яшим, эшлим дигәнгә мөмкинлекләр бар. Әнә Килькабыз егете Рәмил пластик тәрәзәләр ясый икән.
Сораучылар күп. Бүздәк, Чакмагыш районнарыннан, хәтта күрше Татарстаннан заказлар бар.
Корыч егете Дамир Шакировның да куллары алтын икән. Ул үзе техника җыя. Ул үз куллары белән трактор ясаган, шуның белән чүплекләрне тәртипкә китерә, кыш юлларны ача икән. Үзбушаткыч КамАЗ җыйган, “Урал” техникасына көрәк куйган.
Янә бер “Кулибин”– уйлап табучы Булат абый Хәкимов 15 трактор корган. Ул авыл чишмәсен ачуда да башлап йөрегән. Авзалов Касыйм техника белән ярдәм иткән.
– Концерт оештырып, бөтен халык җыелып, чишмә ачтык. Зәңгәр чыршылар утырттык, юлларын төзекләндердек. Авыл халкы рәхәтләнеп ял итеп, туйлар ясарлык урын ясалды, – ди хакимият башлыгы.
Илфак Мәсәлим улы сөйләгән бу хозур чишмәне күреп, суын эчү бәхетенә ирештек. Моңарчы сазлык ясап яткан чишмәнең зәңгәр күзләре ачылган. Хәзер аның саф суы агымсуга кушылып китә, Чулманга коя, аннан диңгезгә китә. Чын мәгънәсендә хыялны чынбарлык итүче кешеләр яши Корычта.
Чишмә безне Булат абый белән дә якыннан таныштырды. Токарь, эретеп ябыштыручы, баш агроном, инженер булып эшләгән Булат абый хуҗалыкта.
–Чишмә төзекләндерү турында уйны авыл хакимияте күтәреп алды, ярдәм итте. Будка куйдык, бетон җәйдек, бурасын ясап утырттык. Авылдашлар бик теләп ярдәмләште, – ди оста.
Шунда ук йөрәк ясап куйганнар, Иске Корычка килен булып төшүче бәхетле кызлар бирегә суга килә. Яшьләр мәхәббәтләре мул сулы чишмә кебек булсын дип, йөрәкләрен ятлардан үз йозаклары белән бикли.
Авылның мәдәни тормышы да бик җанлы. Искекорычлылар 2014 елда “Өмет”нең “Татар табыны” бәйгесендә өченче урын алганнар иде. Төрле мәдәни чаралардан әле дә читтә калмыйлар. 2017 елда авыл үзешчәннәре концертында чыгыш ясап, Гран-при алганнар. Илфак Мәсәлим улы җәмәгате белән бу концертның алып баручысы булган.
Иске Корычның клубы да зур – 300 кеше сыйдырышлы. Быел анда газ белән җылыту казанын урнаштырырга ниятлиләр. Килькабыз клубында “Реаль эшләр” проекты буенча яңа җылыту казаны куйганнар. Иске Корычта балалар бакчасының түбәсен төзекләндерү таләп ителә.
– Халык дәртле бездә: бөтен эш һәм бәйрәм чараларында теләп катнаша. Егетләребезне елына ике тапкыр армиягә озатабыз, унлап егетебез әле солдат хезмәтендә.
“Апакайлар” төркеме матур итеп эшли. Гражданнар сугышы елларында вафат булганнарның каберлеге бар иде. Аны зиратка күчерделәр, тәрбияләп тотабыз. 9 Май бәйрәмен зурлап уздырабыз. 2013 елдан башлап һәр авылда да “Үлемсез полк” үтә. Кызганычка каршы, сугышта катнашкан ветераннар калмады. Ә бит Иске Корычтан гына фронтка 1000 кеше киткән. Яртысы кайтмаган. Алар истәлегенә мәктәптә бик матур стелла ачтык.
2015 елда хуҗалык таркалса да, авылдашлар көче белән сабантуй уздырдык. Бер елны да уздырмый калмыйбыз аны. Өлкәннәр көнен һәр авылда үткәрергә тырышабыз, – ди Илфак Маннапов.
Биредә мари халкы дә яши. Безне аларның да яшәеше кызыксындырды.
–Бик тырыш халык. Колхоз юк, совхоз юк. Ә алар кирпечтән өй салганнар. Нарат күркәсе җыеп, 24 әр мең сум акча эшләгәннәр. Сарымсак, кәбестә үстереп саталар, умарта асрыйлар. Традицияләренә бик сакчыл карашлы алар, –ди хакимият җитәкчесе.
Шулай, биредә яшәүче төрле милләт халыкларын хөрмәт итеп, төрле бәйрәмнәр, чаралар уздырыла. Мондый төрлелек булган җирдә күңелле дә, мәшәкате да зуррак аның, эше дә җаваплырак.
Тау башына менеп, авылга караш ташладык. Зур булып, матур, төзек булып җәйрәп ята ул. Тик менә киләчәге ничек булыр? Авылның киләчәге – яшьләр, балалар кулында. Алар биредә төпләнсә – авыл яшәр, читкә китсәләр – ул акрынлап сүнәр. Борчылырга урын бар. Быел мәктәпне тәмамлаучы биш баланың берсе дә анда калмый, югары уку йортларын сайлаганнар. “Авылны саклыйсы килә, тик белем алып кайтып эшләрлек эш булмаячак бит”, – диде безгә егет-кызлар.
Җирдән көч алып яшәүче авылларга да өстән шифалы ярдәм кирәк шул – дәүләт ярдәме!
Сакларга иде туган тел, иман, әдәп-әхлак, тарих нигезе булган икмәкле-җырлы авылларыбызны!
Алсу Төхвәтуллина.

Башкортстан яңалыклары


Кичә Уфада “Килмешәк” спектакле татарча тифлокомментарийлар белән күрсәтелде. Бу хакта беренче татар тифлокомментаторы, Татарстанның сукыр...
18-02-2019 13:42
Бу инцидент Уфаның Нижегородка бистәсендә булган. Чакыру буенча килеп җиткән пожарниклар, төтен-ялкын күренмәгәч, хәбәр итүче ханымнан “Нә...
18-02-2019 10:38
Башкортстан республикасының Юстиция эшләре буенча дәүләт комитеты былтыр ничә гаиләнең таркалуы һәм аларның ничә ел үткәч аерылышулары хак...
18-02-2019 06:45
Русиянең һәм Башкортстанның халык артисты, Салават Юлаев исемендәге Башкортстан республикасы дәүләт премиясе лауреаты Заһир Валитов арабыз...
18-02-2019 06:34
Паралимпия чемпионы, Русиянең атказанган спорт мастеры, Гиннесс рекордлары китабы рекордчысы, Башкортстанның “Милләт яшьлеге” төбәк иҗтима...
16-02-2019 13:01
“Эштә лидер – спортта лидер” номинациясе җиңүчеләре арасында “Башкирэнерго”ның  Сибай электр челтәрләренең җитештерү берләшмәсе (директоры...
16-02-2019 11:08
2018 елның спорт буенча  нәтиҗәләрен барлаганда шәһәрнең спорт һәм физик культура буенча комитеты рәисе Ф. Әминев Сибайда сәламәт яшәү рәв...
16-02-2019 10:34
Башкортстанда кеше хокуклары буенча вәкил Рим Каюмов Сибайга эш сәфәре белән барды. Омбудсмен җирле хастаханәдә кизү табиб һәм сәламәтлек ...
16-02-2019 06:12
Нефтекамада яшәүче бер ир,  интим-хезмәтләргә заказ ясарга уйлап, махсус сайтка керә. Үзенә ошаган фахишәне сайлагач, арытаба аның белән э...
15-02-2019 15:49
Бүген Бүздәк районында Бүздәк берләштерелгән почтамтының 2018 ел эшчәнлеге буенча йомгаклау утырышы үтте.  Гомум күрсәткечләр буенча Бүздә...
15-02-2019 14:38
Уттан калмый, бурдан кала, диләр. Дөрес сүзләр. Уфадагы “Корея-авто” автоүзәгендә чыккан янгын салган зыян да зур – 15 млн. сум тирәсе, ди...
15-02-2019 06:38
“...миңа 54 һәм төрле зур вазифаларда эшләдем. Әмма Сочидагы инвестиция форумында беренчегәмен, – дип язды Башкортстан башлыгы вазифасын б...
15-02-2019 05:43

Русия: кайда, кайчан, нәрсә?


Хельсинкилылар "Мулла" фильмын югары бәяләгән. Кинокартинаны тамашачыга продюсер, «Татаркино» оешмасы директоры Миләүшә Айтуганова тәкъдим...
18-02-2019 12:30
Кичә Марат Бәшәровның хатыны интернет челтәрендә ире белән аерылышуын хәбәр итте. Аның сүзләренә караганда, ул озак вакытлар гаиләне сакла...
18-02-2019 12:28
Милли Шура рәисе Вәсил Шәйхразиев иҗтимагый оешмалар эшчәнлеген финанслауның башка ысулларын эзләргә кирәклеген әйтте. Бу хакта "Татар-инфор...
18-02-2019 12:23
  21 яшьлек Станислав Мавренков подъездга култык таяклы кешенең кереп китүен һәм бераздан соң аны аннан чыгарып җибәрүләрен күреп алган. ...
16-02-2019 16:50
Ульяновскидагы хәрби училище курсантлары эхинококкозны насвай (чәйни торган тәмәке, составында терлекләр тизәге дә бар) кулланып эләктергә...
15-02-2019 08:09
Экспертлар быел дуңгыз итенең бәясе төшә, ди. Ул якынча биш процентка арзанракка сатыла башларга тиеш, имеш. Милли ит ассоциациясе (андые да...
15-02-2019 07:51
Җәвит Шакировның улы Искәндәр үзенә карата язылган "Син талантсыз!", "Элвин Грейның копиясе булырга тырышучы", "Әти-әнисе аркасында кыланы...
15-02-2019 07:49
Русиядә бензинның чиксез күп булып китүе бар бит әле. «Ведомoсти»га сылтанып әйткәндә, Русия нефть эшкәртү заводларының бензин чыгару мөмкин...
15-02-2019 07:44
Русиянең иң ярлы төбәге дип Тыва республикасы танылган. Хәерчелек чигендә яшәүчеләр саны биредә 41,5 процентка җиткән. Бу хакта РФ Хөкүмәт...
15-02-2019 07:19
Бүген халкыбызның мәшһүр җырчысы, Татарстанның һәм Русиянең халык артисты Илһам Гыйльметдин улы Шакировка 84 яшь тулган булыр иде. Легенд...
15-02-2019 07:04
Эстрадабызның популяр җырчысы Гүзәл Уразова рус телендә җырлый башлаган. Аның «Любили» дип аталучы беренче премьерасы Гашыйклар көнендә дө...
15-02-2019 04:39
Татарстанда үткән  Дәүләт Советыннан соң барлык матбугат чаралары Владимир Путин Татарстан президенты Миңнехановка замечание ясады дип шау...
14-02-2019 08:58

Дөнья


АКШның Флорида штатында алтынчы сыйныф укучысы ил әләме алдында ант итүдән баш тарткан. Америка флагын һәм гимнын кара тәнлеләргә карата р...
18-02-2019 12:21
Инглиз табибы Гарольд Шипман, 15 пациентын үтерүдә гаепләнеп, гомерлеккә ирегеннән мәхрүм ителгән.    Тикшерү барышында аның 30 ел медиц...
18-02-2019 09:23
“Pantonе” Халыкара тикшеренүләр институты фаразларына ярашлы, 2020 елның төп төсе зәңгәр булачак. Институтның вице-президенты Лори Прессма...
18-02-2019 08:48
   Тайваньның Чжунли шәһәрендә студентлар, такта янында дәрес материалын аңлатып торучы кыска кара күлмәк кигән 28 яшьлек укытучы кызны фо...
18-02-2019 08:23
    Кытайда бер мультимиллионер Көнчыгыш календере буенча Дуңгыз елын бәйрәм итәргә кайткач, авылдашларына миллионнарча юаньлек бүләкләр та...
18-02-2019 08:10
“Үзбәкконцерт” җитәкчесе Әдил Әбдүкаххоров ил артистларын Үзбәкстан президенты Шәвкать Мирзиёев адресына башкача дан җырламаска чакырган. ...
16-02-2019 16:35
Украинаның бүгенге президенты Петр Порошенконың халык тарафыннан якланган рейтингы 5 — 6 % тәшкил итә, шуңа да булачак сайлауларда аның га...
16-02-2019 16:32
Төньяк Кореянең ярты халкы (40%)  ачлыктан интегә. Бу турыда БМОның азык-төлек һәм авыл хуҗалыгы оешмасы белдерә. Мәгълүматларына ярашлы, ...
16-02-2019 16:30
Халык арасында “Татарның акылы” дигән зур бәягә лаек булган язучы, олуг шәхес, сәясәтче, драматург Туфан ага Миңнуллин әсәре буенча төшерелг...
15-02-2019 08:03
Кайсыбер сабыйлар бишектән үк матурлык бәйгеләрендә катнаша башлый дисәк тә хата булмас. Ирен Вуд – шуларның берсе. Кыз 6 яшенә кадәр 300 ...
15-02-2019 06:53
78 яшьлек Кен Майерс 1979 елда ук сөекле тормыш иптәшенә Гашыйклар көне уңаеннан открытка бүләк итә. Киләсе елда ул шул ук открыткага яңа ...
15-02-2019 06:03
Сэмюел Литтл 90 хатын-кызны теге дөньяга озаткан. Алар арасында берәдәкләр, фахишәләр, наркоманиядән интегүчеләр булган. Күп җинаять эшләр...
15-02-2019 05:34