Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

 

Нефтьчеләр хөкүмәттән яңа елдан бензинга хакларны 4-5 сумга арттыруны сорый. Бу Русия Хөкүмәте  вице-премьеры Д.Козак киңәшмәсендә булды. Июньдә башланган хакларны “туңдыру” нәтиҗәсендә тармактагы югалтуларны нефтьчеләр 150 млрд. сумнан бәяләде. 

5 сум ул сентябрь хакларына 10 процент өстәлә дигән сүз: анда АИ-95 литрына  уртача 44,59 сум торса, дизель ягулыгы литрына 44,63 сум иде.

Әгәр компанияләр белән килешеп булмаса, хөкүмәт ноябрь башында ук нефть һәм нефть продуктларын экспортлауга тыю пошлиналары  кертергә вәгъдә бирә.

Росстат мәгълүматлары буенча, 2018 елның 6 ае эчендә бензинга хаклар 7,3% артты. Базардагы хәлләрне стабильләштерү өчен ягулыкка акцизлар киметелгән иде.

Әмма көз көне бензинга хаклар үсүен дәвам итте. 2019 елның гыйнварыннан ягулыкка акцизлар һәм НДС артачак, шулай ук нефть тармагындагы салым үзгәрешләре эшли башлаячак, шуңа бәйле бензинга хаклар артуның яңа дулкыны башланырга мөмкин.