Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Уфа буйлап эш сәфәрендә республика Башлыгы Рөстәм Хәмитов Агыйдел аша иске күперне яңарту эшләре белән танышты. Төзүчеләр әйтүенчә, объектта эшләр тәүлек буе бара, аларны июльнең 20сендә тәмамлау күзаллана.

Күперне файдалануга тапшырганнан соң аны тулысынча тикшерергә һәм аның хезмәт итү вакытын арттыруга юнәлтелгән өстәмә эшләрне башкарырга кирәк, дип әйтте Рөстәм Хәмитов. Алар исәбендә – таяну корылмаларын коррозиягә каршы эшкәртү һәм башка эшләр.

-  Кешеләр бу күперне черек, анда җәяү генә йөрергә мөмкин дип күз алдына китерә, - диде Рөстәм Хәмитов. – Юк, аны җиренә җиткереп эшләгәндә, аннан машинада йөрергә була. Гарантия 2 елга түгел, кимендә 3-5 елга булырга тиеш.

Рөстәм Хәмитов сүзләренчә, таяну корылмаларын яңарту белән беррәттән объектны файдалануга тапшыру вакытын сузмас өчен асфальт катламын ремонтлау буенча эшләрне башларга кирәк.

Ул Агыйдел күперен хезмәтләндергән һәм шундый хәлгә юл куйган оешманың эшен тәнкыйтьләде.

-  Моның өчен кем җавап бирә? Ни өчен сез дистәләрчә һәм йөзләрчә мең кешене “бөке”ләрдә торырга мәҗбүр итәсез? Башта күперне шундый хәлгә китердегез, соңыннан батырларча көрәшәсез, - диде Рөстәм Хәмитов. – Эшләрне бер вакытта алып барыгыз. Һәр көн кадерле. Халык күпер ачылуын көтә.

 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Уфа шәһәрендә “Хәләл” кафеларны тикшерү башланган. Башкортстан мөселманнары Диния нәзарәте вәкилләре рейдлар үткәрә башлавы турында хәбәр итә.

Соңгы арада республикада хәләл продукция җитештерүчеләр күбәеп китте. Диния нәзарәте вәкилләре аларның сертификатларын тикшерәчәк. “Хәләл” стандартына таләпләр 2002 елда Русия мөфтиләр шурасы тарафыннан расланды. Башкортстанда “Хәләл” сертификатын Башкортстан Республикасы мөселманнары Диния нәзарәте каршындагы “Хәләл” стандарты комитеты бирә.

“Хәләл” диеп язылган өч кафены тикшерү барышында аларның берсенең дә сертификаты булмавы ачыкланган.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

“Башкортстанның иң яхшы товарлары” конкурсына йомгак ясалды. Анда 59 предприятиенең 114 төр продукция һәм хезмәтләре күрсәтелгән иде. Җиңүчеләр исәбендә – бик күп авыл хуҗалыгы сәнәгатенең комплекслы предприятиеләре дип хәбәр итә республиканың Авыл хуҗалыгы министрлыгы. Мәсәлән, “Халык өчен сәнәгать товарлары” номинациясендә – “БашИнком” предприятиесенең органик ашламалары, “Азык-төлек” номинациясендә урындагы ипи комбинатлары, кошчылык фабрикалары, фермер хуҗалыклары продукциясе лауреат исеменә лаек булды. Лауреатлар арасында “Башкортстан азык-төлеге” товар билгесенә ия 21 предприятие бар, диләр республиканың Сәүдә һәм кулланучылар хокукын яклау комитетында.

Конкурс лауреатлары җитештергән продукцияләренә “Башкортстанның иң яхшы товары” логотибын кую һәм “Русиянең иң яхшы 100 товары” программасының федераль этабында катнашу хокукын алды.