Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Уфа районында яшәүче 4 ир-егет ветеранны талауда гаепләнә. Республика прокуратурасында хәбәр итүләренчә, аларның өчесе элек хөкемгә тарттырылган булган.

Гыйнвар аенда төнлә Октябрьское авылында хәмер эчеп утырганда араларыннан берсе моңа кадәр ярдәм итеп йөргән 93 яшьлек пенсионер әбине таларга тәкъдим итә. Ирләр лом белән әби йортының тәрәзәләрен ачалар, ветеранны бәйлиләр һәм кыйныйлар. Ахырда пенсионерның бөтен наградаларын, акчаларын һәм азык-төлеген алып чыгып китәләр. Җинаятьчеләр киткәч, пенсионер әби әсирлектән котыла һәм танышларына шалтырата.

- Урланган әйберләр:“Батырлык өчен” медале, II дәрәҗә Бөек Ватан сугышы ордены, “Жуков” медале, “1941-1945 еллардагы Бөек Ватан сугышында Җиңүгә 65 ел” һәм башка. Караклар аларны сатарга өлгерми, чөнки хокук саклау органнары аларны кулга ала. Тулысынча гаепләрен таныдылар һәм әле сак астындалар, - диләр республика прокуратурасында.

Мондый хәбәрне ишетү күңелдә авыр тойгылар уята, күз яшьләренә буылмыйча укып булмый. Олы кешегә, ветеранга ни кыланып ничек кул күтәрмәк кирәк? Наградаларның ветеран өчен нинди зур әһәмияткә ия булуын гаепләнүчеләр күз алдына китерә микән?

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Башкорт дәүләт филармониясендә бер генә музыкаль чара да очкын чәчрәтеп баскан биючеләрдән башка узмый.

Орчыктай өерелгән, бар хәрәкәтләре белән һәркемне сокландырган биючене кем генә яратмый икән! Башкортстанның атказанган артистлары Лилия Хаҗигалиева һәм Алия Нургалиева, Регина Баракова, Зарина Солтангильдина, Анастасия Скарженюк ничәмә еллар инде сәхнәләрдән югары бию сәнгате өлгеләрен бүләк итә.  Соңгы бер-ике ел эчендә филармония байтак яшь көчләр белән тулыланды. Алар Башкортстанның атказанган артисты Евгения Цыпина, Рөстәм Гандалипов, Татьяна Мутафи, Ирина Арысланова.

27 нче апрель филармониядә үтәчәк концертның да төп хуҗалары - биючеләр! Үзләренең профессиональ бәйрәмнәре – Халыкара бию көнендә алар янә сәхнәдә!  

Концертта, шулай ук, филармониянең «иҗади кошчыклары» – халыкара һәм Бөтенрусия конкурслары лауреаты «Салават» балалар бию академиясе, «Аргамак» һәм «Карауан» төркемнәре, виртуоз-скрипкачы Марат Садриев, курайчы Илнур Һибатуллин, виртуоз- кубызчы Миңлегафур Зәйнетдинов, җырчылар Артур Туҡтагулов, Айгөл Сагынбаева, Фәдис Ганиевлар катнаша.

Эльнара Шәфыйкова, Башкорт дәүләт филармониясенең өлкән редакторы.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Кушнаренко районында яшәүче автолединың юл йөрү кагыйдәләрен бозганы өчен 144 мең сумлык штрафлары җыелып киткән. Ул озак вакыт Санкт-Петербургта яшәгән. Ил буйлап машинасында йөреп, ДАИ салган штрафлары 219га җиткән. Водитель туташны бурычлары турында кисәткәннәр, әлбәттә, әмма ул түләргә ашыкмаган. Суд приставлары туташка илдән чыгу мөмкинлеген чикләгәннәр.

Республиканың суд приставлары хезмәтенә автолединың чит илгә халыкара форумга чыгарга җыенуын хәбәр иткәннәр. Мөгаен, бу форумга барасы бик килгәндер, барлык бурычын да каплаткан.