Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

Көннең яңгырлы, салкынча булуы Дүртөйлеләргә матур бәйрәм итәргә комачауламады.
Халык күп җыелган иде

Сабантуй – халкыбызның иң күркәм бәйрәмнәренең берсе! Бу көн - авылдашлар, туганнар, туган яктан читтә яшәүче милләттәшләр, дуслар җыелышып очраша торган иң хисле бәйрәм. Аны үткәрү өчен авыл тирәсендә табигатьнең иң матур урыны сайлана.  Милли көрәш, ћичшиксез, Сабантуйның төп бизәге булып тора.

 

Быел милли көрәштә катнашучылар чагыштырмача күп түгел, башка елларда ике келәмдә көрәшәләр иде. Елдагыча көрәшчеләр күрше төбәкләрдән дә килгән. Кунакчыл Дүртөйле җире алар өчен аерым бүләкләр ћәм төп приз – тәкә әзерләгән.

Шулай итеп, бәйрәм келәменә баћадирлар чыкты. Көрәшне үсмерләр башлады, зурлар дәвам итте. Көрәш кагыйдәләренең төгәл үтәлешен судьялар күзәтте. Хәер, җанатарлар да бер нәрсәне дә күз уңыннан ычкындырмый. Ярышташын аркасына  салган көрәшче җиңә. Җиңү көчтән генә дә тормый. Ярышташының көчлерәк булуын сизеп, чыныккан спортчылар еш кына хәйләгә дә бара, үзе чалкан егылып иптәшен атып бәрә.

85 килограммнан артык авырлык категориясендә беренче урынны Яша Зурнаджян яулады. Аның артыннан призлы өчлеккә Камил Нәҗмиев һәм Газинур Шакиров керде.

Калган авырлык категорияләрендә 1, 2, 3 урыннар түбәндәгечә билгеләнде: Ришат Камалов, Галим Сакаев, Рәлиф Идиятуллин (85 кг кадәр), Айдар Хәдимуллин, Самвел Зурнаджян, Денис Гайсин (75 кг кадәр), Раббани Нургалиев, Станислав Гулимов, Вадим Адылгәрәев (65 кг кадәр), Айваз Әюпов, Камил Нигъмәтуллин, Инсаф Гарифуллин (60 кг кадәр).

60 килограммга кадәрле авырлык категориясендәге Тимур Джуманов, Инсаф Гарифуллин ћәм Владик Нигъмәтуллин җиңүчеләр исеменә лаек булдылар.

Кунаклар арасында призлы өчлектә – Азат Габдрәшитов, Венер Мурсалимов, Сергей Асылбаев.

Халык зур түземсезлек белән көтеп алган ат ярышлары да ел саен Сабантуйның йөзек кашына әверелә. Әйткәндәй, монда дүртөйлеләрнең горурланырлыгы бар.

– Бездә ел саен үткәрелә торган ат ярышлары ипподром узышларына тиң, чөнки алар шундый ук дәрәҗәдә үтә, – ди ярышлар буенча баш судья, Сабантуйның оештыру комитеты рәисе, районның авыл хуҗалыгы идарәсе начальнигы вазифасын башкаручы Фәнис Хәкимов. – Бу - “Аргамак” ат спорты комплексы тренерларының, җайдакларның, жокейларның тырыш хезмәте.

Фәнис Рифгать улы авыл хуҗалыгы предприятиеләренең тройкалары чыгышларына да югары бәя бирде. Аларны әзерләүгә хуҗалыклар җитди  караган дип билгеләде ул.

“Кыз куу” милли  уены геройлары тамашачылар алдыннан чабып узды һәм менә, ниһаять, заездлар башланды. Беренче булып 1600 метрлы дистанциядә ике яшьлек юртаклар старт алды. Монда Ирина Мәхмүтова йөрткән Падишах (“Ленин” токымчылык заводы) ярышташларыннан  ышанычлы рәвештә алга чыкты.

Икенче урында – Илдус Шархабдуллин йөрткән Тристан (“Киров” токымчылык заводы). Илшат Мәхмүтов идарә иткән Приказ (“Горшков” токымчылык заводы) финишка өченче булып килде.

Өч яшьлек юртаклар арасында  беренче урында – Магия (“Горшков”, Илдус Шархабдуллин). Плазма (“Киров”, Илшат Мәхмүтов) аңардан берничә секундка гына калышты. Аның артыннан өченче булып финиш сызыгын Радж Келл (“Ленин”, Александр Бузанов) үтте.

Дүрт яшьлек ћәм аннан зуррак юртаклар параллель заездларда чыгыш ясады. Алар арасында иң җитезе Гризар (“Ленин”, Илдус Шархабдуллин) булды. Вензель (“Киров”, Ирина Мәхмүтова) – әлеге заездда икенче, Платон (“Игенче”, Илшат Мәхмүтов) өченче булды.

Ике бәйгедә ярышкан җирле чабышкылар арасында Волна (“Ленин”, Илфат Ялалов) ал бирмәде. Яхшы токымлы атлар узышы Каролинаның (“Ленин”, Риман Ханов) җиңүе белән тәмамланды.

                                                ********

Һава торышының җәйгечә булмавына карамастан, сабантуй уеннарында катнашырга теләк белдерүчеләр күп булды - гер спорты, армрестлинг, волейбол уены узган мәйданчыклар тирәсенә бихисап тамашачы  җыелды. Капчык киеп йөгерү, чүлмәк вату, аркан тарту кебек  уеннарда кыюлык, елгырлык һәм көч күрсәтергә мөмкин иде.

Көч таләп ителгән уеннар узган урыннарда кешеләр аеруча күп булды. Ир-егетләр 24 килограмм авырлыктагы гер күтәреп, үз маһирлыгын күрсәтте. Биредә 80 килограммга кадәр гәүдә авырлыгы категориясендә герне 86 тапкыр күтәреп Руслан Афзалов җиңү яулады. Спортның бу төрендә аның абсолют чемпион булуы беренче ел гына түгел. Икенче урынны - Вәкил Рәхимов, өченче урынны Ришат Зиннәтуллин алды.

Уналты килограммлы гер белән «уйнарга» теләүче гүзәл затлар да табылды. Алар арасында беренче приз Алсу Солтановага, икенчесе Гөлнара Рәхимовага, өченчесе Олия Вәкиловага тапшырылды.

Армрестлингта 70 килограммга кадәр гәүдә авырлыгы категориясендә Альберт Муллашәяхов, Раил Әхмәтҗанов ћәм Айнур Бәдртдинов иң көчлеләр булды.

Волейболчылар  уеннарын бәйрәм рәсми рәвештә ачылганчыга кадәр үк башлады ћәм аны кичкә кадәр диярлек дәвам итте.

Иң катлаулы сынауларның берсе - туры баганага менү!  Аны быел беркем дә буйсындыра алмады. Ә менә кайберәүләр кыек баганага  күтәрелү бәхетенә ирешә алды. Айрат Мостафин, Арсен Александров ћәм Серик Ишанов өйләренә сабантуй призлары белән кайтып китте. Роза Гарфетдинова коштабактагы  катык эчендәге  тәңкәне барысыннан да тизрәк эзләп тапты.

Ярыш чәме, ярыш дәрте, уен-көлкеләр, шаян сүзләр белән дәвам итте. Мәйдан гөҗләде, шау-гөр килде. Бу халәт сабантуй күрергә килүчеләрдә озак сакланыр әле, чөнки иң матур, иң хисле бәйрәмнәребезнең берсе бит ул – Сабантуй!

Илдус Тимерханов.

Дүртөйле районы.

Башкортстан яңалыклары


  Башкортстан башлыгы вазифасын башкаручы Радий Хәбиров 18 декабрьдә Дәүләт җыелышы-Корылтайга беренче юлламасын җиткерәчәк. Юлламада ул ...
16-12-2018 14:25
  Белүегезчә, алдагы 2019нчы ел Русиядә президент Владимир Путин указы белән  Театр елы дип игълан ителде. 13 декабрьдә ил буенча Театр е...
14-12-2018 09:48
  Экология мәсьәләсе барыбызны да борчый. Әгәр дә ул турыдан-туры сулар һавабызга кагылса, борчылу ризасызлыкка әйләнә башлый. Мондый күр...
14-12-2018 09:17
 Бик мәгънәле акциябез бар безнең. Без аны “Өмет” бүләк ит” дип атадык. Якыннарыңа, әти-әниеңә, күршеләреңә, әби –бабайларга, авылдашларыңа ...
14-12-2018 08:49
  Чишмә районында 29 һәм 30 яшьтәге ике иргә мунча ягарга дип имән кискәннәре өчен хөкем карары чыгарганнар. Сентябрь анда ир-егетләр Ар...
14-12-2018 08:18
Бу сүзләр күңелдә ышаныч уятты. Балтачка “Өмет”челәрнең юллары төшеп тора дисәм, һич арттыру булмас.  Без район тормышын гәзитебез битләр...
13-12-2018 10:06
Мәктәпләрдә репетиторлык белән шөгыльләнүне тыймакчылар. Бу идеяне республиканың мәгариф министры вазифасын вакытлыча башкаручы Айбулат Ха...
13-12-2018 09:16
Бу сорауга һәркемнең үз җавабы бардыр. Ә менә “Нур” театры тәкъдим иткән “Отышлы тормыш” спектакле тамашачыга шул сорауга җавап табарга яр...
13-12-2018 08:17

Русия: кайда, кайчан, нәрсә?


  Ямалның Губкинский шәһәрендә 13 нче декабрь көнне 3 яшьлек баланың мәетен автомат кер юу машинасыннан тапканнар. Тикшерүчеләр фаҗига...
14-12-2018 09:06
  Юл хәрәкәте хәвефсезлеге дәүләт инспекциясе водительләрне фотсурәтләре буенча ачыклау системасына сынау үткәрә башлаган. Әгәр дә бу алы...
14-12-2018 05:42
Яр Чаллы шәһәре суды ун ел буе ялган диплом белән невролог булып эшләгән 39 яшьлек табиб ханымга карата ачылган җинаять эшен караган. Тик...
13-12-2018 08:57
“Литфонд” аукцион йорты “Кино” төркеменең лидеры, легендар рок-җырчы Виктор Цойның тагын берничә шәхси әйберен сатуга чыгарырга ниятли. Ан...
13-12-2018 08:10

Дөнья


Уңышның көткәндә түгел, бер уйламаганда килә торган гадәте бар. Бу юлы да шулай булган. Американың Мэриленд штатындагы Балтимор шәһәрендә ...
11-12-2018 10:10
  Көньяк Африка республикасында Кейптаунда кыя  кырыенда турист ханым фотога төшәргә уйлый, махсус кадр өчен сикерә... һәм кыядан егылып ...
11-12-2018 09:17
  Берләшкән Гарәп Әмирлекләре башкаласы полициясе  дөяләргә атланып йөрүче махсус патруль булдыруы турында хәбәр итте. Бу хакта Gulf News...
11-12-2018 08:25
Facebookта билгесез бер кәләш туйга чакырылучы күпсанлы кунакларга үз таләпләрен куйган. Һәм ул таләпләр теләсә кемнең ачуын чыгарырлык. ...
10-12-2018 09:33