Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Эстрадада көнләшерлек буйдаклар саны бихисап. Шуларның берсе - Мөнир Рахмаев. Иде... Әйе-әйе, ялгышмыйсыз, әле күптән түгел генә үзенең интервьюларында "Өйләнергә ашыкмыйм, йөрәгем буп-буш. Йөргән кызым да юк. Бүгенге көндә лаеклы кызны очрату бик авыр" диюче Мөнир бүген никах укыткан. + "Акыллы булсын. Матур, тәрбияле гаиләдән булсын. Əлбәттә, ашарга пешерә белсен, чөнки мин - тәмлетамак. Үз-үзен карасын, һәрвакыт матур булсын. Минем кебек эш сөйсен, карьерист булсын. Дусларым белән уртак тел табу да мөһим факторларның берсе. Спорт белән шөгыльләнсен, мине аңласын. Кыскасы, минем дустым булсын" дип санаган иде җырчы булачак тормыш иптәшенә карата булган таләпләрен.

Ә бүген исә инде ул үзенең мәхәббәт хисләрен, тойгы-кичерешләрен санап, сөйгәнен очраткан мизгелне "грипп вирусы" белән чагыштыра.+   "Шәхси тормышымны бик озак яшердем! Ике ел бергә һәм бу бәхет! Бу көн килеп җитте! Җаным! Син минем организмыма грипп вирусы кебек килеп кердең. Син минем барлык хыялларымда, минем бүгенге һәм киләчәгемдә. Нәкъ син - минем булачак балаларымның әнисе. Син мине искиткеч көчле итәсең. Тормышымның авыр вакытларында син һәрвакыт миңа көч бирәсең. Яратам сине!" - дип уртаклаша Мөнир Рахмаев.

Матбугат.ру

 

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

 

Әгәр сез бәхәсләрдә  еш  җиңеләсез икән,  димәк сез...

Артык үсешкән интеллектлы кеше. Һәм теләсә-нинди мәгълүматны анализлый аласыз. Бәхәс вакытында сез переоценка үткәрәсез, бөтен аспектлар да сезнең тарафтан җитәрлек өйрәнелмәгән дип шикләнә башлыйсыз. Интеллект ягыннан саерак кеше мондый анализ эшләп тормый һәм үз-үзенә артык ышануы аркасында үзенең ялгыш фикерен дә хакыйкәткә чыгара.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Һәр кеше нинди дә булса бер төскә өстенлек бирә. Ныграк ярата ул аны. Киемендә, өендә күбрәк куллана. Хәтта машинасын шундый төстән сайлый. Вакыт үтү белән ул үзгәрергә мөмкин. Әмма ничек кенә булмасын кешенең “үз төсенә” карап, аның холык-фигылен, хис-тойгыларын чамаларга була.

АК- бөтен төсләрнең синтезы буларак, “идеаль” төс санала. Бу төскә ике яклап карарга була: бер яктан ул яктылык бирә, икенче яктан салкынлык төсе. Бу төскә төрле холыклы кешеләр өстенлек бирергә мөмкин, ул берсен дә читләштерми.

КАРА- ышанмаучанлык төсе. Кара киемгә өстенлек бирүчеләр тормышны күңелсез, караңгы төстә күрә, үз-үзенә ышанмый, депрессиягә бирелергә мөмкин. Кара киемне башка төскә алыштырса, бу кеше күңел төшенкелегеннән чыккан дигән сүз. Ә еш кына кара төс сайлау кешенең кризис хәлдә булуын аңлата. Яратуга мохтаҗ балаларның сурәтләрендә кара төс өстенлек итәргә мөмкин, ди психологлар.

КӨЛСУ- акыллы, җитди кешеләрнең яраткан төсе. Шулай ук нейтраль төс. Гадәттә, аны үзенә игътибар җәлеп итәргә теләмәүчеләр сайлый. Җиңел холыклы кешеләргә исә бу төс ошамый. Еш кына төлсу төсне тирә-яктагы негатив кәефтән саклану өчен файдаланалар.

КЫЗЫЛ- дәрт төсе. Бу төсне яраткан кеше кыю, аралашучан, кызу холыклы. Ә бу төс кемнең ачуына тия, алар бәхәстән курка, ялгыз калырга тырыша. Җирәнү хисе уятса – физик һәм психик хәлсезлекне аңлата.

СОРЫ- аягында ышанычлы басып торган кеше сайлый. Бу төскә өстенлек бирүчеләр гаиләнең, йолаларның кадерен белә, гади бәхеткә омтыла. Шул ук вакытта мондый төс белән артык мавыгу физик хәлсезлеккә ишарә итә. Соры кара төс кебек еш кына кире кагыла.

КҮК- тынычлык төсе, басынкылык билгесе. Андый кешегә еш ял итәргә кирәк, чөнки ул тиз арый. Аның өчен ышаныч тойгысы мөһим. Бу төсне яратмаган кешеләр бөтенесен дә эшли алам дигән тойгы калдырса да, чынлыкта йомык һәм үз-үзенә ышанмый торган кеше булырга мөмкин. Авырганда бу төскә мохтаҗлык арта.

ЯШЕЛ- табигать, тормыш, яз төсе. Аңа өстенлек бирүчеләр башка кешенең йогынтысыннан курка, үз-үзенә ышанычын арттырырга тырыша. Бу төсне яратмаучылар авырлыктан, проблемалардан курка. Яшел төстә яшерен энергия бар.

Кешенең психологик үзенчәлеге хакында башка төсләр дә сөйли ала. Шулай итеп, КЫЗЫЛСАРЫ – интуициягә ия һәм хыялланырга әвәс кешеләрнең яраткан төсе. АЛСУ- барлык тереклек һәм тормыш төсе. Мәрхәмәтле булу һәм ярату мөһимлеген сөйли. Бу төсне яраткан кешеләр вак кына сәбәптән дә борчылуга сәләтле. ШӘМӘХӘ төсенә өстенлек бирүчеләр таянычка, ярдәмгә мохтаҗ.   

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

Мистиклар, нумерология  белгечләре, кешенең тормышы турыдан-туры өе белән фатирының номерына бәйле, дип саный. Фатирның “нигез” санын белер өчен, мондагы саннарны бергә кушарга кирәк. Мәсәлән, сез 26 йортның 1нче корпусында, 234нче фатирда яшисез, ди.  Шуларны аерым-аерым кушып чыгабыз: 2+6+1+2+3+4=18. Әмма сан гади булырга тиеш. Шуңа тагын кушабыз: 1+8=9. Ә хәзер аның сезнең язмышка ничек тәэсир иткәнен карарга гына кирәк.

Бер. Әгәр сезнең эш башкаларны кайгыртуга корылган я булмаса дәрәҗәле урын алып торасыз икән, сезгә бу сан астындагы өйдә яшәргә кирәк. Әмма ялгызлыктан куркучыларга мондый санны сайламау яхшырак.

Ике. Биредә һәр бәхәс тыныч юл белән хәл ителә. Галим, ярышчы, экстрасенслар үзләрен бигрәк тә яхшы хис итәр. Ә менә артык хисчән кешегә монда яшәмәү яхшырак.

Өч. Бу сан астында яшәү һәркем өчен дә әйбәт. Бу йортта рухый һәм сексуаль энергия артып кына торачак. Шулай да акча туздырырга яратучылар биредә яшәсә, тиеннәрен саклап тоту авырга туры киләчәк.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

ТМТВ премиясен тапшыру тантанасы сәхнәсендә юморист Данир Сабиров җырчы Рината Тейны игълан иткәндә, “Мин укыганда, Мари Эл республикасы Бәрәңге районыннан Рүзилә иде ул”, - диеп тамашачыларны көлдергән.

 
Рината Тейга Данирның болай әйтүе ошамаган булса кирәк. "Рината Тей" исеме Рузилә исеменнән серлерәк яңгырый дип уйлагандыр инде, күрәсең. Рузилә Данирга инстаграмында җавап язган:
 
"Рәхмәт сиңа минем Рузилә Сәмигуллина икәнемне искә төшергәнең өчен. Ә хәзерге көндә мин Рината Тей. Исеңдә калдыр, кадерле дустым", - дип язган Бәрәңгедән Рузилә.
 
Инстаграмда аңа "Рузилә исеме матуррак булыр иде", "Гафу итегез, мин сезне әлегә кадәр белми идем! Сез Бәрәңгедән чтоли?" - дип язалар. 

Интертат.

Фото: Татар-информ.