Рейтинг:  5 / 5

Звезда активнаЗвезда активнаЗвезда активнаЗвезда активнаЗвезда активна
 

Мадис Камильянов 35 ел инде авылдашларының сәламәтлеге сагында тора

Авыл иртәсе. Сызылып таң ата. Шау-шулы Яңа ел бәйрәменнән соң авыл татлы йокысыннан уянып бетмәгән әле. Шөкер, быел да Мулла авылында Яңа елның төне тыныч, матур үтте. Иң мөһиме –  авыл халкының барчасы да таза-сау. Кешеләр сәламәтлеге сагында  торучы авыл фельдшеры Мадис Камильянов яңа елның тәүге иртәсендә күңеленнән шулай дип сөенеп куйды.

Мадис Муллаян улы Камильянов 35 ел гомерен яраткан һөнәренә – фельдшерлык эшенә багышлаган. Авыл халкы да, район җитәкчелеге дә бик хөрмәт итә үзен, Яңа ел алдыннан Башкортстан башлыгының БР Дәүләт Җыелышы-Корылтайга аталган юлламасын тыңларга районнан вәкил итеп җибәргәннәр.
Авыл фельдшеры эшенең мәшәкатьле булуын кем генә аңламый?!. Ничәмә-ничә кеше сәламәтлеген кайгырта ул, күп йөри, төн уртасында да уятып алып чыгып китәләр. Үзе дә шушы авылда туып-үскән ир-егет һәрбер авылдашының хәл-әхвәлен тын алышыннан сизеп тора. Авыл халкы үзе дә “безнең Мадис булганда кайбер шәһәр табиблары читтәрәк торсын” дип, аның күп еллар дәвамында туплаган тәҗрибәсен югары бәяли. “Мадис ул шулкадәр дөрес диагноз куя, беркайчан да ялгышканы юк әле, диләр.
Мәктәпне тәмамлау белән балачак хыялын тормышка ашырып, Мадис Муллаян улы Бөре шәһәренең медицина училищесына укырга керә. Аны уңышлы тәмамлаганнан соң, 1984– 86 елларда Совет армиясе сафларында хезмәт итә. Ватан алдындагы изге бурычын үти. Изге бурычын үти дип әйтүе генә ансат, Әфганстанда хезмәт итәргә, аның канга баткан тузанын йотарга туры килә аңа. Фельдшер буларак, яу кырындагы бик күп яралыларга ярдәм итәргә, гомерләрен саклап калырга, аннары үзе дә авыр яраланып дәваханәгә эләгергә туры килә. Әмма бүген алар турында сөйләргә яратмый ул. Бары тик тыйнак кына: “Әфганстанда хезмәт иттем”,—дип кенә куйды.
Армия хезмәтеннән һичшиксез табиблыкка укырга керәм дигән тәмам өлгереп җитешкән теләк белән кайта ул. Махсус урта медицина белеме, җитмәсә армия хезмәте, ә иң мөһиме – якты хыялы зур киртәләрсез Уфа медицина институтына укырга керергә ярдәм итә. Матур хыяллар корып, зур теләкләр белән укый башлаган егетне Әфган яралары туктаусыз борчый башлый. Хәер, ул яра бүген дә үзе турында оныттырмый. Медицина профессоры үзе үк аңа укуын ташларга киңәш итә: “Энем, тазалык мөһимрәк, сиңа ныграк чиста авыл һавасы, тынычлык кирәк”,– дип киңәш иткәч, 1курсны тәмамлаган егет бөтенләйгә туган авылына кайтырга карар итә.
Шулай итеп туган авылына кайтып төпләнеп, халык сәламәтлеге сагында торуына да төгәл 35 ел вакыт үтеп тә киткән. Бу вакыт эчендә ул ничәмә тапкыр ашыгыч чакырулар буенча ничәмә йөз, юк, бәлки, меңнәрчә тапкырлар, чыкты икән? Шул кадәр вакыт эчендә нинди генә вакыйгалар аның башыннан кичмәгән?!
–Элек балалар күп туа иде. Күрше Яңа Тукран авылында гына елына 15ләп сабый туа иде. Хәзер авыллар картаюга таба бара. Шулай да бар начар дип тә әйтеп булмый: авылда пункт, клуб бар. Эшлим дигән кешегә ферма бар, басуларда иген игәләр. Калага барып килим дисәң, Бөре якын гына тора, — диде авылга кайтуына һич кенә дә үкенмәвен белдереп.
Туганнарына карата да бик изгелекле мөнәсәбәттә булып чыкты Мадис Муллаян улы. 1989 елда вакытсыз дөньядан киткән бертуган апасының кызларын карап үстерергә булышкан. Хәзер ул кызларның берсе үзе табиб. Димәк, кызыкай изге күңелле абыйсы Мадис Муллаян улының хыялын тормышка ашырган.
Авылның “Салават” хуҗалыгы җитәкчесе Ринат Раянов та аның турында бары тик җылы сүзләр җиткереп: “ Авыл халкы фельдшерыбыздан бигрәк уңды. Ул һәр кешегә карата игътибарлы, яхшы күңелле, безнең өчен алыштыргысыз кеше. Олыларны да, аеруча, балаларны яхшы карый. Мадис Муллаян улы кебекләрне Ходай Тәгалә үз эшенең остасы итеп яраткан дип әйтәләрдер инде”,—диде.
Муллада фельдшер-акушерлык пункты кайчандыр мәктәп булган (бүген ул эшләми) бинаның эчендә урнашкан. Без барганда анда матур гына ремонт ясаганнар иде. Җылыту системасы яңартылган, тәрәзәләрне алмаштырганнар, ишекләр, идәннәр буялган. Бер сүз белән әйткәндә авыруларны кабул итү өчен шартлар тудырылган.
Фельдшерның бурычы көн буена җылы пунктта авыруларны кабул итеп утыру гына түгел. Төштән соң ул сумкасын тотып авыл буенча йөрергә чыгып китә. Авылда өлкәннәр күп булганлыктан, туры аларның өйләренә бара. 26 йорттан торган күрше Яңа Тукран авылын да ул хезмәтләндерә, анда яшәүчеләрнең дә хәлләрен белә. Кемнәргәдер укол ясый, кемнәрнеңдер кан басымын үлчи, ә кемнәрдер аның җылы киңәшләренә мохтаҗ. “Тукран – карт авыл ул, яшьләр юк дәрәҗәсендә”,– диде Мадис Муллаян улы.
– Шөкер, авылдашлар белән бергәләшеп яшибез. Ярдәм сорасам бер кайчан кире какмыйлар, булышалар. Район хакимиятенә аеруча рәхмәт. Җылыту системасы сафтан чыккач Борис Шәрәфгалиевич Нурисламовка мөрәҗәгать иткән идем. Ул: “Искесен көйләп тормагыз, яңасын алырбыз, сметаны әзерләгез”, – диде. Җәһәт кенә өч көн эчендә эшләп бирделәр. Халыкка да зур рәхмәт. Халык белән бердәм булырга кирәк, шулай булмаса, эшләп булмый”,– ди авылдашларының тирән ихтирамын казанган фельдшер.

Резеда Кадикова.
Фәнил Абдуллин фоторәсеме.
Борай районы.

Башкортстан яңалыклары


Беренче каналдагы “Сегодня вечером” тапшыруы 90 еллар йолдызларына багышланган иде. Чакырылган кунаклар арасында Уфадан Андрей Губин да бу...
19-01-2019 21:11
Кырым республикасы башлыгы Сергей Аксенов, Сибай халкының төтеннән интеккәнен ишеткәч, 500 баланы үзләренә ял итәргә һәм сәламәтлекләрен н...
18-01-2019 08:33
Уфаның бер чүп мәйданы янында искиткеч хәл булган. Бер төркем халык чүп савытларында чокынган. Карап торуга урам берәдәкләре түгел, начар ...
17-01-2019 08:47
Быел Башкортстанда  8 һәм аннан да күбрәк  бала тәрбияләүче гаиләләр   600 мең сум күләмендәге түләү алачаклар. Бу ярдәм 47 гаиләгә бирелә...
17-01-2019 08:31
Стәрлетамакта Ленин проспекты 34а йортында яшәүчеләрнең  краннарыннан зәңгәр су ага башлаган.  Сыекчаның төсе гаҗәеп, кыйммәтле курортлард...
17-01-2019 06:39
Февраль башында коммуналь түләүләр өчен яңа квитанцияләр килеп төшәр. Чүп бәясе гаиләдәге һәр кеше башына салына. Шуңа зур гаиләләр өчен а...
16-01-2019 09:45
“Кузнецовский затон” микрорайонындагы мәктәп укучылары тротуарлар һәм Армавирская урамындагы махсус юл чыгу урыннары булмаганлыктан мәктәп...
16-01-2019 09:20
2019 елның гыйнвар уртасыннан федераль каналлар искергән аналог тибыннан санлы телевидениегә күчә. Санлы телевидение сигналы һәрчак ачык т...
16-01-2019 07:51

Русия: кайда, кайчан, нәрсә?


  Грозныйның район суды җирле “Газпром” бүлекчәсенә халыкның газ өчен 9 миллиард күләмдәге бурычын сызып ташларга дигән карар чыгарган. Б...
18-01-2019 08:36
  Дәүләт Думасы депутаты Михаил Дегтярев Сәнәгать һәм сәүдә министрлыгы башлыгы Денис Мантуровка ризыкларның стандарт тышлыгын керте...
16-01-2019 15:48
  Татар халкының легендар җырчысы Илһам Шакиров озакка сузылган көчле авырудан соң 84 яшендә бүген 16.00 сәгатьтә вафат булды. ...
16-01-2019 15:03
  Русия чикләрен чыкканда 500 сум күләмендә салым алырга тәкъдим итәләр. Бу хакта РИА Новости хәбәр итә. Тәкъдим белән «АВАНТИ» бизнес-п...
16-01-2019 05:27

Дөнья


  Тайваньдә 57 ел буена тату гына яшәп килүче ирле-хатынлы гаилә теркәлгән. Бу вакыт эчендә Ли Шин-Фа һәм Ли-ЯН-ЯНГ 10 бала тудыралар һәм...
19-01-2019 12:15
  АКШта Мэн штатының Уэстбрук шәһәре халкы гадәти булмаган күренеш күзәткән. Пресумпскот  елгасында  диаметры 90 метрдан артык булган айс...
18-01-2019 07:04
Германия — ватанын калдырып чит илдә эшләргә теләгән квалификацияле чит ил белгечләре өчен иң кулай ил. Яхшы эш эзләүчеләрне иң яхшы хезмә...
17-01-2019 10:01
Намибиядәге Брандберг тавы итәгендә яшәүче халыклар үзләренең сәер гадәтләре белән бөтен дөньяда билгеле. Менә хәзер башкортстанлыларга да...
17-01-2019 09:15